Click it and Unblock the Notifications
പേരുകേട്ട പാകിസ്താന്റെ ബൗളിങ് നിര ഡെത്ത് ഓവറില് തല്ലുവാങ്ങിക്കൂട്ടിയതും തോല്വിയുടെ കാരണമായി. മാത്യു വേഡിനെ നിര്ണ്ണായക സമയത്ത് ഹസന് അലി കൈവിട്ട് കളഞ്ഞതും തിരിച്ചടിയായി. പാകിസ്താന്റെ രണ്ടാം ഹോം ഗ്രൗണ്ടെന്ന് വിശേഷിപ്പിക്കുന്ന ദുബായിലാണ് ടീമിന്റെ ഈ തോല്വി എന്നതാണ് നിരാശപ്പെടുത്തുന്ന കാര്യം. ആവേശ സെമിയില് പിറന്ന അഞ്ച് പ്രധാന റെക്കോഡുകള് എന്തൊക്കെയാണെന്ന് നോക്കാം.
Also Read: ക്രിക്കറ്റില് ഇതു 'കിവിക്കാലം', ന്യൂസിലാന്ഡ് എങ്ങനെ ഇത്രയും കേമന്മാരായി? കാരണങ്ങളുണ്ട്
പാകിസ്താന്റെ വിജയക്കുതിപ്പിന് അവസാനം
പാകിസ്താന്റെ യുഎഇയിലെ വിജയക്കുതിപ്പിന് ഒടുവില് ഓസീസ് അന്ത്യം കുറിച്ചിരിക്കുകയാണ്. 2015 നവംബറില് ഇംഗ്ലണ്ടിനെതിരേ സൂപ്പര് ഓവറിലാണ് ഇതിന് മുമ്പ് പാകിസ്താന് യുഎഇയില് തോറ്റത്. അതിന് ശേഷം 16 തുടര് ജയങ്ങള് യുഎഇയില് നേടി. ഒരു ജയം കൂടി നേടിയിരുന്നെങ്കില് യുഎഇയില് കൂടുതല് തുടര് ജയങ്ങളെന്ന റെക്കോഡില് അഫ്ഗാനിസ്ഥാനൊപ്പമെത്താന് പാകിസ്താനാവുമായിരുന്നു. എന്നാല് 16 തുടര് ജയങ്ങള്ക്ക് പിന്നാലെ ഓസീസ് പാകിസ്താനെ മുട്ടുകുത്തിച്ചിരിക്കുകയാണ്.
Also Read: IND vs NZ: ജോലി ഭാരം കുറക്കാന് ബിസിസിഐ, ബുംറക്കും റിഷഭിനും ടെസ്റ്റില് വിശ്രമം നല്കിയേക്കും
അപൂര്വ്വ നേട്ടത്തില് മുഹമ്മദ് റിസ്വാന്
പാകിസ്താന് ഓപ്പണറും വിക്കറ്റ് കീപ്പറുമായ മുഹമ്മദ് റിസ്വാന്റെ ബാറ്റിങ് പ്രകടനം ഇത്തവണ വളരെ ഗംഭീരമായിരുന്നു.ടൂര്ണമെന്റിലൂടെനീളം സ്ഥിരതയോടെ കളിക്കാന് റിസ്വാനായി. ഓസ്ട്രേലിയക്കെതിരേ 67 റണ്സ് നേടിയതോടെ ഒരു കലണ്ടര് വര്ഷം 1000 ടി20 റണ്സ് നേടുന്ന ആദ്യത്തെ താരമായി മാറിയിരിക്കുകയാണ് റിസ്വാന്. 86.1 ശരാശരിയില് 1033 റണ്സാണ് റിസ്വാന് ഈ വര്ഷം നേടിയത്. 11 അര്ധ സെഞ്ച്വറിയും ഇതില് ഉള്പ്പെടും.
2500 റണ്സ് ക്ലബ്ബിലേക്ക് വാര്ണറും ബാബര് ആസമും
അന്താരാഷ്ട്ര ടി20യില് 2500 റണ്സ് ക്ലബ്ബിലേക്ക് ഡേവിഡ് വാര്ണറും ബാബര് ആസമും. കോലിയെ മറികടന്നാണ് ബാബറിന്റെ ഈ നേട്ടം. കോലി 68 ഇന്നിങ്സില് നിന്ന് ഈ നാഴികക്കല്ല് പിന്നിട്ടപ്പോള് 62 ഇന്നിങ്സില് നിന്ന് ബാബര് ഈ നേട്ടത്തിലെത്തി. അതേ സമയം 87 ഇന്നിങ്സില് നിന്നാണ് വാര്ണര് ഈ നേട്ടത്തിലേക്കെത്തിയത്. 49 റണ്സാണ് പാകിസ്താനെതിരേ വാര്ണര് നേടിയത്.
Also Read: T20 World Cup: മിച്ചെല് പയറ്റിയത് ധോണിയുടെ തന്ത്രം! ധോണി പറഞ്ഞത് ഓര്മ വന്നുവെന്ന് ഡൂള്
ഷദാബ് ഖാന്റെ റെക്കോഡ് പ്രകടനം
ടി20 ലോകകപ്പ് സെമി ഫൈനലിലെ ഏറ്റവും മികച്ച രണ്ടാമത്തെ ബൗളിങ് പ്രകടനമെന്ന റെക്കോഡാണ് പാകിസ്താന് സ്പിന്നര് ഷദാബ് ഖാന് നേടിയത്. നാല് ഓവറില് 26 റണ്സ് വിട്ടുകൊടുത്ത് നാല് വിക്കറ്റാണ് ഷദാബ് നേടിയത്. എന്നാല് ഈ പ്രകടനത്തിനും പാകിസ്താനെ രക്ഷിക്കാനായില്ല. 2014ല് ശ്രീലങ്കയുടെ അജന്ത മെന്ഡിസ് 12 റണ്സ് വിട്ടുകൊടുത്ത് നാല് വിക്കറ്റ് വീഴ്ത്തിയതാണ് ഈ പട്ടികയില് മുന്നിലുള്ളത്.
Also Read: T20 World Cup: 11 ബോളില് 27, കിവീസ് ഫൈനലിലും- വിജയം ആഘോഷിക്കാതെ നീഷാം, കാരണമറിയാം
ദുബായിലെ ടോസിന്റെ കളി
ദുബായില് ടോസ് നിര്ണ്ണായക ഘടകമായി മാറിയിരിക്കുകയാണ്. 2021 ഒക്ടോബറിന് ശേഷം 19 ടി20 മത്സരങ്ങള് ദുബായില് നടന്നു. ഇതില് 17 മത്സരത്തിലും രണ്ടാമത് ബാറ്റ് ചെയ്ത ടീമാണ് വിജയിച്ചത്. ടോസ് നേടുന്ന ടീം ആദ്യം ബൗളിങ് തിരഞ്ഞെടുക്കുമെന്ന് ചുരുക്കം. ഓസ്ട്രേലിയക്ക് ടോസ് ലഭിച്ചതോടെ പാകിസ്താന് ആദ്യം ബാറ്റ് ചെയ്യേണ്ടി വന്നു.രണ്ടാമത് പന്തെറിയുക ദുഷ്കരമാണെങ്കിലും അവസാന നിമിഷം വരെ പൊരുതാന് പാകിസ്താന് ബൗളര്മാര്ക്ക് സാധിച്ചു.
Continue with Google