രോഹിത്തിന്റെയും കോലിയുടെയും ടി20 ഭാവിയെന്ത്? തിരിച്ചുവരവ് സാധ്യതയെക്കുറിച്ച് ഗവാസ്‌കര്‍

യുവതാരങ്ങള്‍ക്കു അവസരം

ഓസ്‌ട്രേലിയക്കെതിരായ ടെസ്റ്റ്, ഏകദിന പമ്പരകള്‍ വരാനിരിക്കുന്നതിനാല്‍ രോഹിത് ശര്‍മയ്ക്കും വിരാട് കോലിക്കും ഇന്ത്യ വിശ്രമം നല്‍കിയിരിക്കുകയാണ്. യുവതാരങ്ങള്‍ക്കു കൂടുതല്‍ അവസരങ്ങള്‍ നല്‍കുന്നതിനു വേണ്ടിയാണ് പുതിയ സെലക്ഷന്‍ കമ്മിറ്റി ഇവരെ ടി20 ടീമില്‍ എടുക്കാത്തതതെന്നും സുനില്‍ ഗവാസ്‌കര്‍ അഭിപ്രായപ്പെട്ടു.

അടുത്ത ടി20 ലോകകപ്പ് 2024ലാണ് നടക്കാനിരിക്കുന്നത്. അതുകൊണ്ടു തന്നെ യുവതാരങ്ങള്‍ക്കു കൂടുതല്‍ അവസരങ്ങള്‍ നല്‍കാന്‍ സെലക്ഷന്‍ കമ്മിറ്റി ആഗ്രഹിക്കുന്നു. ഈ കാരണത്താലാണ് ടി20യില്‍ രോഹിത്തിനെയും കോലിയെയും ഇപ്പോള്‍ പരിഗണിക്കാത്തതെന്നും ഗവാസ്‌കര്‍ നിരീക്ഷിച്ചു.

Also Read: IPL 2023: ഇവരെ ഒഴിവാക്കിയത് അബദ്ധം, ഇപ്പോഴുണ്ടെങ്കില്‍ റോയല്‍സിനെ തടയുക അസാധ്യം!

ടി20 ടീമില്‍ തിരിച്ചെത്താം

രോഹിത് ശര്‍മയുടെയും വിരാട് കോലിയുടെയും ടി20 കരിയര്‍ പൂര്‍ണമായി അവസാനിച്ചുവെന്നു ഞാന്‍ കരുതുന്നില്ല. ഇപ്പോള്‍ ടി20 ടീമിന്റെ ഭാഗമല്ലെന്നു കരുതി ഇവരെ ഇനി ടി20യിലേക്കു പരിഗണിക്കില്ലെന്നു പറയാന്‍ സാധിക്കില്ല. ഈ വര്‍ഷമുടനീളം രോഹിത്തും കോലിയും ബാറ്റില്‍ മികച്ച ഫോം തുടരുകയാണെങ്കില്‍ അവര്‍ ടി20 ടീമിലും വേണം.

ടി20യില്‍ നിന്നും ഇരുവര്‍ക്കും ഇപ്പോള്‍ വിശ്രമം നല്‍കിയിരിക്കുന്നത് ഓസ്‌ട്രേലിയക്കെതിരേ പുതിയ ഉണര്‍വോടെ കളിക്കാന്‍ സഹായിക്കുമെന്നും ഇതു ഇന്ത്യന്‍ ടീമിനു ഗുണം ചെയ്യുമെന്നും സുനില്‍ ഗവാസ്‌കര്‍ വ്യക്കമാക്കി.

Also Read:IND vs NZ: ഇവര്‍ എന്തിന് ഇന്ത്യന്‍ ടി20 ടീമില്‍? കാണിച്ചത് മണ്ടത്തരം! 3 പേര്‍

ന്യൂസിലാന്‍ഡിനെതിരേ കളിക്കും

ന്യൂസിലാന്‍ഡുമായി നടക്കാനിരിക്കുന്ന മൂന്നു മല്‍സരങ്ങളുടെ ഏകദിന പരമ്പരയിലാണ് രോഹിത് ശര്‍മയും വിരാട് കോലിയും അടുത്തതായി കളിക്കുക. ബുധനാഴ്ച ഹൈദരാബാദിലാണ് ആദ്യ ഏകദിനം.

ഈ പരമ്പരയ്ക്കു ശേഷം ഇരുവര്‍ക്കും ചെറിയൊരു ബ്രേക്കാണ്. അടുത്ത മാസമാദ്യം തുടങ്ങുന്ന ഓസ്‌ട്രേലിയയുമായുള്ള ടെസ്റ്റ് പരമ്പരയിലാണ് പിന്നീട് രണ്ടു പേരും കളിക്കുക.

കഴിഞ്ഞ ശ്രീലങ്കയുമായുള്ള ഏകദിന പരമ്പരയില്‍ കോലി തകര്‍പ്പന്‍ ഫോമിലായിരുന്നു. രണ്ടു സെഞ്ച്വറികളടക്കം 283 റണ്‍സോടെ പരമ്പരയിലെ ടോപ്‌സ്‌കോററായിരുന്നു അദ്ദേഹം. രോഹിത്താവട്ടെ മൂന്നു കളിയില്‍ നിന്നും ഒരു ഫിഫ്റ്റിയടക്കം 142 റണ്‍സുമടുത്തിരുന്നു.