Click it and Unblock the Notifications
വിരാട് കോലി
ഇന്ത്യയുടെ മുന് നായകനും ബാറ്റിങ് ഇതിഹാസവുമായ വിരാട് കോലിയാണ് തലപ്പത്ത്. 2014ലെ ലോകകപ്പില് 319 റണ്സാണ് കോലി നേടിയത്. ഇത്തവണത്തെ ടി20 ലോകകപ്പിലും കോലിയില് പ്രതീക്ഷകളേറെ. ഏഷ്യാ കപ്പില് സെഞ്ച്വറിയടക്കം നേടി കോലി മിന്നും ഫോമിലാണ്. ഓസ്ട്രേലിയയില് കളിച്ച് അനുഭവസമ്പത്തുള്ള കോലിക്ക് ഗംഭീര റെക്കോഡുമുണ്ട്. സ്വന്തം റെക്കോഡിനെ ഇത്തവണ കോലിക്ക് മറികടക്കാനാവുമോയെന്നത് കാത്തിരുന്ന് കാണാം.
Also Read : ഇനിയാര്ക്കും നേടാനാവില്ല, സച്ചിന്റെ പേരില് അങ്ങനെയൊരു റെക്കോഡുണ്ട്, അറിയാമോ?
തിലകരത്ന ദില്ഷന്
ശ്രീലങ്കയുടെ വെടിക്കെട്ട് ഓപ്പണര് തിലകരത്ന ദില്ഷനാണ് രണ്ടാം സ്ഥാനത്ത്. 2009ലെ ടി20 ലോകകപ്പില് 317 റണ്സാണ് അദ്ദേഹം അടിച്ചെടുത്തത്. ഇതിനോടകം വിരമിച്ച താരമാണ് ദില്ഷന്. ഓപ്പണറായി ഇറങ്ങി തല്ലിത്തകര്ക്കുന്ന ശൈലിയാണ് ദില്ഷന്റേത്. പന്തുകൊണ്ടും ടീമിന് ഉപകാരിയായ താരമായിരുന്നു ദില്ഷന്. മൂന്ന് ഫോര്മാറ്റിലും മികച്ച റെക്കോഡ് അദ്ദേഹത്തിന് അവകാശപ്പെടാനാവും.
ബാബര് അസം
ആധുനിക ക്രിക്കറ്റിലെ മികച്ച ബാറ്റ്സ്മാന്മാരിലൊരാളും പാകിസ്താന് നായകനുമായ ബാബര് അസമാണ് ഈ റെക്കോഡ് പട്ടികയിലെ മൂന്നാമന്. 2021 സീസണില് 303 റണ്സാണ് ബാബര് നേടിയത്. ഇത്തവണയും വളരെ പ്രതീക്ഷയോടെ കാണുന്ന താരമാണ് ബാബര്. അതിവേഗത്തില് റണ്സുയര്ത്തുന്ന താരമല്ലെങ്കിലും മാന്യമായ സ്ട്രൈക്കറേറ്റില് കളിക്കുന്ന ക്ലാസിക് താരമാണ് ബാബര്. പാകിസ്താന് നായകനായും തിളങ്ങുന്ന അദ്ദേഹത്തിന്റെ പ്രകടനത്തിലാണ് ഇത്തവണയും പാകിസ്താന്റെ പ്രതീക്ഷ.
മഹേല ജയവര്ധന
ഐസിസി ടൂര്ണമെന്റുകളില് മികച്ച റെക്കോഡ് അവകാശപ്പെടാന് സാധിക്കുന്ന താരമാണ് മുന് ശ്രീലങ്കന് നായകനായ മഹേല ജയവര്ധന. മൂന്ന് ഫോര്മാറ്റിലും തിളങ്ങിയിരുന്ന ജയവര്ധനയും ഇതിനോടകം വിരമിച്ചു. നിലവില് പരിശീലകനെന്ന നിലയില് അദ്ദേഹം സജീവമാണ്. 2010ലെ ടി20 ലോകകപ്പിലാണ് ജയവര്ധനയുടെ മികച്ച പ്രകടനം കണ്ടത് 302 റണ്സാണ് അദ്ദേഹം നേടിയത്
ഡേവിഡ് വാര്ണര്
ഓസ്ട്രേലിയന് ഓപ്പണര് ഡേവിഡ് വാര്ണറാണ് ഈ പട്ടികയിലെ അഞ്ചാമന്. ഓസ്ട്രേലിയ ചാമ്പ്യന്മാരായ അവസാന ലോകകപ്പില് 289 റണ്സാണ് അദ്ദേഹം നേടിയത്. അവസാന ലോകകപ്പിലെ താരമായതും വാര്ണറാണ്. തട്ടകത്തില് കൂടുതല് കരുത്തനായ വാര്ണറില് ഇത്തവണയും ടീമിന് പ്രതീക്ഷകളേറെ. മുഹമ്മദ് റിസ്വാന് അവസാന ലോകകപ്പില് 281 റണ്സും 2016ല് വിരാട് കോലി 273 റണ്സും നേടിയിട്ടുണ്ട്.
Continue with Google