Click it and Unblock the Notifications
ലെങ്തില് വ്യത്യാസം വരുത്തി
പൊതുവേ ആദ്യ രണ്ട് ഓവറുകളിലും സ്റ്റംപില് ആക്രമിക്കുന്നതാണ് ഷഹീന്റെ ശൈലി. നല്ല സ്വിങ് കണ്ടെത്തുന്ന ഷഹീന് എല്ബിയിലൂടെ ബാറ്റ്സ്മാനെ കുടുക്കുന്നു. പ്രധാനമായും ന്യൂബോളില് ബാറ്റ്സ്മാന് നിലയുറപ്പിക്കുന്നതിന് മുമ്പ് വിക്കറ്റ് നേടാനാണ് ഷഹീന് മിടുക്കുകാട്ടുന്നത്. എന്നാല് ഷഹീന്റെ ഈ തന്ത്രം ഇപ്പോള് പഴയപോലെ ക്ലിക്കാവുന്നില്ല. അതുകൊണ്ട് ലെങ്ത് മാറ്റാനാണ് അഫ്രീഡി ഉപദേശിച്ചത്.
'ഷഹീന്റെ ഫുള് ലെങ്ത് പന്തുകളെ ഇപ്പോള് എല്ലാവരും കരുതിയാവും ഇറങ്ങുക. ഈ ലെങ്തില് സ്വിങ് കണ്ടെത്താനാവുന്നില്ലെങ്കില് ലെങ്തില് മാറ്റം വരുത്തുക. അതാണ് ഞാന് അവന് നല്കിയ ഉപദേശം. ബാറ്റ്സ്മാന്റെ പ്രതീക്ഷകളെ തെറ്റിക്കുന്നതായിരുന്നു ഇത്. ഷഹീന് എന്റെ ഉപദേശം കേട്ടു. എന്നാല് ഞാന് ചെറുപ്പം മുതല് ഉപദേശങ്ങള് കേള്ക്കാത്ത ആളായിരുന്നു'- ഷാഹിദ് അഫ്രീഡി പറഞ്ഞു.
Also Read : IPL 2023:പഞ്ചാബ് കിങ്സിനെ ഇനി ധവാന് നയിക്കും, മായങ്കിന്റെ കസേര തെറിച്ചു
ഷഹീന്റെ പ്രകടനം കണ്ടപ്പോള് സന്തോഷമായി
പാകിസ്താനും ദക്ഷിണാഫ്രിക്കയും തമ്മിലുള്ള മത്സരം നടക്കുമ്പോള് ഞാന് യാത്രയിലായിരുന്നു. ലൈവ് ആയി കാണാന് ഇന്റര്നെറ്റ് കിട്ടുന്നില്ലായിരുന്നു. അതുകൊണ്ട് വീട്ടില് വിളിച്ച് ഷഹീന്റെ ഓവറിന്റെ വീഡിയോ അയച്ചുതരാന് ആവിശ്യപ്പെട്ടു. അവന് ഫുള് ലെങ്ത് പന്തുകള് എറിയാതെ ഗുഡ് ലങ്ത് പന്തുകളെറിഞ്ഞ് വിക്കറ്റ് നേടുന്ന കണ്ടപ്പോള് സന്തോഷം തോന്നി'- ഷാഹിദ് അഫ്രീഡി പറഞ്ഞു.
Also Read : ബാബര് 'സ്വാര്ത്ഥനെന്ന്' ഗംഭീര്, വാക്കുകള് സൂക്ഷിക്കണമെന്ന് അഫ്രീദി, പോരാട്ടം ശക്തം
ലെങ്തിലാണ് കാര്യമെന്ന് വഖാര്
ഷഹീന്റെ മികച്ച തിരിച്ചുവരവിന്റെ കാരണമായി വഖാര് യൂനിസ് ചൂണ്ടിക്കാട്ടിയതും ലെങ്തില് വന്ന മാറ്റമാണ്. 'കൃത്യമായ ലെങ്തിലാണ് അവന് പന്തെറിഞ്ഞത്. ഫുള് ലെങ്തില് പന്തുകളെറിഞ്ഞില്ല. ഫുള് ലെങ്തില് പന്തെറിഞ്ഞ് എല്ബിയില് കുടുക്കാനുള്ള വേഗം തനിക്കില്ലെന്ന് ഷഹീന് തിരിച്ചറിഞ്ഞു. അവന് ബുദ്ധിമാനായ ബൗളറാണ്' വഖാര് പറഞ്ഞു. ടി20 ലോകകപ്പിന് മുമ്പ് പരിക്കേറ്റ ഷഹീന് ശസ്ത്രക്രിയക്ക് ശേഷമാണ് ടി20 ലോകകപ്പിലേക്കെത്തിയത്. ഇടവേളയെടുത്തത് താരത്തിന്റെ പ്രകടനത്തെ ബാധിച്ചിരുന്നു. എന്നാല് ഇപ്പോള് ഷഹീന് ഫോമിലേക്കെത്തിയത് പാകിസ്താനെ സംബന്ധിച്ചും വലിയ ആത്മവിശ്വാസം നല്കുന്ന കാര്യമാണ്.
Continue with Google