Click it and Unblock the Notifications
രാജ് ബവ
കഴിഞ്ഞ വര്ഷത്തെ ഐസിസി അണ്ടര് 19 ലോകകപ്പില് ചാംപ്യന്മാരായ ഇന്ത്യന് ടീമിലെ അംഗമായിരുന്നു ഓള്റൗണ്ടര് രാജ് ബവ. ഹാര്ദിക് പാണ്ഡ്യക്കു പകരം ഇന്ത്യക്കു പരീക്ഷിക്കാവുന്ന മികച്ച ഓപ്ഷനാണ് യുവതാരം. മീഡിയം പേസര് മാത്രല്ല ഇടംകൈയന് ബാറ്ററുമാണ് ബവ.
ഇടംകൈയനായതിനാല് തന്നെ താരത്തിന്റെ സാന്നിധ്യം പ്ലെയിങ് ഇലവന് കൂടുതല് ബാലന്സു നല്കും. പ്രായം കുറവായതിന്റെ പ്രശ്നങ്ങള് ബവയ്ക്കു തിരിച്ചടിയാണെങ്കിലും കൂടുതല് അവസരങ്ങള് നല്കി താരത്തെ പക്വതയുള്ള ക്രിക്കറ്ററാക്കി മാറ്റിയെടുക്കാന് ഇന്ത്യക്കു കഴിയും.
Also Read: IND vs NZ: സഞ്ജു പുറത്തിരിക്കും! രോഹിത് നയിക്കും- ഏകദിനത്തിനുള്ള ഇന്ത്യന് സാധ്യതാ ടീം
വെങ്കടേഷ് അയ്യര്
ഹാര്ദിക് പാണ്ഡ്യ ഫിറ്റ്നസ് വീണ്ടെടുക്കുന്നതിനായി 2021ലെ ടി20 ലോകകപ്പിനു ശേഷം മാസങ്ങളോളം ബ്രേക്കെടുത്തപ്പോള് പകരക്കാരനായി ഇന്ത്യ കണ്ടുവച്ചയാളാണ് വെങ്കടേഷ് അയ്യര്. ഇന്ത്യക്കായി സ്ഥിരമായി അവസരങ്ങള് ലഭിക്കുകയും മോശമല്ലാത്ത പ്രകടനങ്ങള് ഈ കാലയളവില് കാഴ്ചവയ്ക്കുകയും ചെയ്തിരുന്നു.
പക്ഷെ ഹാര്ദിക് പൂര്ണ ഫിറ്റായി തിരിച്ചെത്തിയതോടെ വെങ്കടേഷ് ടീമില് നിന്നും പുറത്താവുകയായിരുന്നു. പിന്നീട് ടീമില് മടങ്ങിയെത്താന് താരത്തിനു സാധിച്ചതുമില്ല.
ഇന്ത്യക്കു വേണ്ടി ഫിനിഷറുടെ റോളില് ചില മികച്ച ഇന്നിങ്സുകള് വെങ്കടേഷ് കളിച്ചിട്ടുണ്ട്. ഇടംകൈയന് ബാറ്ററാണെന്നതും ഓപ്പണിങ് മുതല് ഫിനിഷിങ് വരെ ഏതു പൊസിഷനിലും ബാറ്റ് ചെയ്യാന് സാധിക്കുമെന്നതും അദ്ദേഹത്തിന്റെ പ്ലസ് പോയിന്റാണ്.
Also Read: ഇഷാന് ടി20യില് വേണോ? അവസാന 10 ഇന്നിങ്സിലും ഫ്ളോപ്പ്! പകരം സഞ്ജു കളിക്കട്ടെ
പ്രേരക് മങ്കാദ്
ആഭ്യന്തര ക്രിക്കറ്റില് ഒരുപാട് അനുഭവ സമ്പത്തുള്ള സീം ബൗളിങ് ഓള്റൗണ്ടറാണ് പ്രേരക് മങ്കാദ്. എന്നാല് ഐപിഎല്ലിലോ, മറ്റു വലിയ വേദികളിലോ കളിച്ച പരിചയം അദ്ദേഹത്തിനു ഇല്ല.
വരാനിരിക്കുന്ന ഐപിഎല്ലില് ലഖ്നൗ സൂപ്പര് ജയന്റ്സ് ടീമിന്റെ ഭാഗമാണ് പ്രേരക്. സീസണില് കുറച്ചു മല്സരങ്ങളില് താരത്തിനു അവസരം ലഭിച്ചേക്കുകയും ചെയ്യും. ലഖ്നൗവിനൊപ്പം മികച്ച പ്രകടനം നടത്തിയാല് ദേശീയ ടീമിലേക്കു പ്രേരകിനു വഴി തുറന്നേക്കും.
Continue with Google