Click it and Unblock the Notifications
ആറാമത്തെ ഓപ്ഷനില്ല
സൗത്താഫ്രിക്കയുമായുള്ള ടി20 പരമ്പരയില് ഇന്ത്യ ഹാര്ദിക് പാണ്ഡ്യക്കു വിശ്രമം നല്കിയിരുന്നു. ഈ കാരണത്താല് ആറാമതൊരു ബൗളിങ് ഓപ്ഷന് ടീമിനു ഇല്ലായിരുന്നു. പല ബൗളര്മാര്ക്കും മോശം ദിവസമായിട്ടും വേറെ ഓപ്ഷന് ഇല്ലാതിരുന്നതിനാല് ഇന്ത്യക്കു അഞ്ചു ബൗളര്മാരെക്കൊണ്ടും നാലോവര് ക്വാട്ട പൂര്ത്തിയാക്കേണ്ടതായി വന്നുവെന്നും വസീം ജാഫര് നിരീക്ഷിച്ചു.
Also Read: 19ാം ഓവറില് ഇവര് എറിഞ്ഞാല് ഇന്ത്യ തോല്ക്കും! മൂന്നു പേരും ലോകകപ്പ് ടീമില്
ഷഹബാസ് അരങ്ങേറും
ടി20 പരമ്പരയിലെ പ്രകടനം വിലയിരുത്തുമ്പോള് സൗത്താഫ്രിക്കയുമായുളള ഏകദിനത്തില് ആറാമതൊരു ബൗളിങ് ഓപ്ഷന് തീര്ച്ചയായും ഇന്ത്യന് ടീമില് വേണമെന്നു വസീം ജാഫര് അഭിപ്രായപ്പെട്ടു. ഷഹബാസ് അഹമ്മദ് ആദ്യ ഏകദിനത്തിലൂടെ ഇന്ത്യക്കായി അരങ്ങേറുമെന്നാണ് ഞാന് കരുതുന്നത്. അവന് ഓള്റൗണ്ടറാണ്, നന്നായി ബാറ്റ് ചെയ്യും. ഇന്ത്യക്കു നിലവില് രവീന്ദ്ര ജഡേജ, ഹാര്ദിക് പാണ്ഡ്യ, അക്ഷര് പട്ടേല് എന്നിവര് ഓള്റൗണ്ടര്മാരായുണ്ടെങ്കിലും കൂടുതല് ഓള്റൗണ്ടര്മാരെ കണ്ടു വയ്ക്കേണ്ടത് ആവശ്യമാണെന്നു താന് കരുതുന്നതായി ജാഫര് പറഞ്ഞു.
ലോകകപ്പ് ടീം നോക്കൂ
2007ലെ ടി20 ലോകകപ്പിലും 2011ലെ ഏകദിന ലോകകപ്പിലും ജേതാക്കളായ ഇന്ത്യന് ടീമിനെ നോക്കൂ. ടീമില് ഒരുപാട് ബാറ്റിങ് ഓള്റൗണ്ടര്മാര് ഉണ്ടായിരുന്നുവെന്നു കാണാം. മോശമല്ലാതെ ബൗള് ചെയ്യാന് സാധിക്കുന്നവരായിരുന്നു ഇവര്. അത്തരം കളിക്കാരാണ് ടീമിനെ ശക്തരാക്കുന്നതെന്നും വസീം ജാഫര് ചൂണ്ടിക്കാട്ടി.
ഷഹബാസിന്റെ പ്രകടനം
27 കാരനായ ഷഹബാസ് ഇടംകൈയന് സ്പിന്നറും ഇടംകൈയന് ബാറ്ററുമാണ്. കഴിഞ്ഞ രഞ്ജി ട്രോഫിയില് ബംഗാളിനു വേണ്ടി അഞ്ചു മല്സരങ്ങളില് നിന്നും 60.25 ശരാശരിയില് 482 റണ്സ് താരം നേടിയിരുന്നു. കൂടാതെ ബൗളിങ്ങില് 22.10 ശരാശരിയില് 20 വിക്കറ്റുകളും ഷഹബാസ് വീഴ്ത്തിയിരുന്നു.
കൂടാതെ ദുലീപ് ട്രോഫിയിലും മികച്ച പ്രകടനമായിരുന്നു താരത്തിന്റേത്. നോര്ത്ത് സോണുമായുള്ള ക്വാര്ട്ടര് ഫൈനലില് അഞ്ചു വിക്കറ്റുകളെടുത്ത ഷഹബാസ് 62 റണ്സും സ്കോര് ചെയ്തിരുന്നു. ഐപിഎല്ലില് റോയല് ചാലഞ്ചേഴ്സ് ബാംഗ്ലൂരിന്റെയും നിര്ണായക താരമാണ് അദ്ദേഹം.
സൗത്താഫ്രിക്കയ്ക്കെതിരായ ഇന്ത്യന് ഏകദിന ടീം
ശിഖര് ധവാന് (ക്യാപ്റ്റന്), റുതുരാജ് ഗെയ്ക്വാദ്, ശുഭ്മാന് ഗില്, ശ്രേയസ് അയ്യര്, രാഹുല് ത്രിപാഠി, രജത് പാട്ടിധര്, ഷഹബാസ് അഹമ്മദ്, ഇഷാന് കിഷന് (വിക്കറ്റ് കീപ്പര്, സഞ്ജു സാംസണ് (വിക്കറ്റ് കീപ്പര്), ശര്ദ്ദുല് ടാക്കൂര്, കുല്ദീപ് യാദവ്, രവി ബിഷ്നോയ്, മുകേഷ് കുമാര്, ആവേശ് ഖാന്, മുഹമ്മദ് സിറാജ്, ദീപക് ചാഹര്.
Continue with Google