Click it and Unblock the Notifications
വിക്കറ്റ് സൗത്തിക്ക്
മൂന്നാം ഓവറിലെ രണ്ടാമത്തെ ബോളിലാണ് അദ്ദേഹത്തെ കിവി നായകന് ടിം സൗത്തി മടക്കിയത്. തൊട്ടുമുമ്പത്തെ രണ്ടു ബോളുകളിലും റിഷഭ് ബൗണ്ടറിയടിച്ചിരുന്നു. എന്നാല് മൂന്നാമത്തെ ബോളിലും വമ്പന് ഷോട്ടിനു ശ്രമിച്ച് താരം വിക്കറ്റ് നഷ്ടപ്പെടുത്തുകയായിരുന്നു. ക്രീസിനു പുറത്തേക്കു ചാടിയിറങ്ങിയ റിഷഭ് ഷോട്ട് ബോളിനെതിരേ അനാവശ്യ ഷോട്ട് കളിക്കുകയായിരുന്നു. തേര്ഡ് മാനില് ഇഷ് സോധിയാണ് മികച്ചൊരു ക്യാച്ചിലൂടെ താരത്തെ മടക്കിയത്. നേരത്തേ രണ്ടാം ടി2യിയില് ആറു റണ്സ് മാത്രമെടുത്ത് റിഷഭ് പുറത്തായിരുന്നു. ഒരിക്കല്ക്കൂടി ബാറ്റിങില് സമ്പൂര്ണ പരാജയമായതോടെ നിരവധി പേരാണ് താരത്തിനെതിരേ രൂക്ഷ വിമര്ശനമുന്നയിച്ചിരിക്കുന്നത്.
രാജ്യത്തിന് അപമാനം
ഇന്ത്യക്കു വേണ്ടി റിഷഭ് പന്ത് ഇനിയുമൊരിക്കല്ക്കൂടി ടി20 ക്രിക്കറ്റില് കളിക്കുകയാണെങ്കില് അതു രാജ്യത്തിനാകെ അപമാനമാവുമെന്നായിരുന്നു ഒരു യൂസര് തുറന്നടിച്ചത്.
66ാമത്തെ ട്രയല് മാച്ചിനു ശേഷം റിഷഭ് പന്ത് പവലിയനിലേക്കു തിരികെ പോയിരിക്കുകയാണന്നായിരുന്നു ഒരു യൂസറുടെ ട്രോള്.
Also Read: വരുമാനവും 'ആകാശം' മുട്ടുമോ? സൂര്യയുടെ ആസ്തി, കാര് കലക്ഷന് എല്ലാമറിയാം
മൂന്നു വഞ്ചകര്
ടി20 ക്രിക്കറ്റില് നിലവില് ഇന്ത്യന് ബാറ്റിങിലെ ചതിയന്മാര് മൂന്നു പേരാണ്. രോഹിത് ശര്മ, കെഎല് രാഹുല്, റിഷഭ് പന്ത് എന്നിവരാണ് ഇതെന്നു ഒരു യൂസര് കുറിച്ചു.
റിഷഭ് പന്ത് ബാറ്റിങില് നല്ല പുരോഗതിയാണ് ഉണ്ടാക്കിയത്. നേരത്തേ 13 ബോളില് ആറു റണ്സാണ് നേടിയത്. ഇന്നു അഞ്ചു ബോളില് 11 റണ്സിലെത്തിയിരിക്കുന്നു. 100 ട്രയല് മാച്ചുകള് കൂടി റിഷഭിനു നല്കണമെന്നും ഒരു യൂസര് പരിഹസിച്ചു.
1000 അവസരം നല്കിയാലും കാര്യമില്ല
ആദ്യം കെഎല് രാഹുലായിരുന്നു ഇപ്പോള് റിഷഭ് പന്തിനെയും ഇക്കൂട്ടത്തില്പ്പെടുത്താം. 1000 മല്സരങ്ങള് നല്കിയാലും തങ്ങളുടെ കഴിവ് പുറത്തെടുക്കാന് സാധിക്കാത്ത താരങ്ങളാണ് ഇവര്. എങ്കിലും ഇന്ത്യന് ക്രിക്കറ്റിന്റെ ഭാവി ഈ രണ്ടു കളിക്കാരിലാണെന്നാണ് ടീം ഇന്ത്യന് ടീം കരുതുന്നത് എന്നായിരുന്നു ഒരു പ്രതികരണം.
റിഷഭ് പന്തിന്റെ അന്താഷ്ട്ര ക്രിക്കറ്റിലെ അവസാനത്തെ ടി20 ഇതായിരിക്കണം. ഇത്രയും അവസരങ്ങള് ഒരു ഗല്ലി ക്രിക്കറ്റര്ക്കു കൊടുത്താല് അയാള് ഒന്നോ, രണ്ടോ നല്ല ഇന്നിങ്സുകള് കളിക്കുമെന്ന് ഒരു യൂസര് കുറിച്ചു.
Continue with Google