Click it and Unblock the Notifications
ഇപ്പോഴിതാ ഉമേഷിനെ ഇന്ത്യ ടി20 ടീമില് തിരികെ എത്തിച്ചത് ചോദ്യം ചെയ്ത് രംഗത്തെത്തിയിരിക്കുകയാണ് മുന് ഇന്ത്യന് ഓപ്പണര് ആകാശ് ചോപ്ര. 'അവസാന ടി20 ലോകകപ്പിന് ശേഷം ഇന്ത്യ നിരവധി ടി20 മത്സരങ്ങള് കളിച്ചു. എന്നാല് ഒരു മത്സരത്തില് പോലും ഉമേഷ് യാദവിനും മുഹമ്മദ് ഷമിക്കും ഇന്ത്യ അവസരം നല്കിയില്ല. എന്നാല് ലോകകപ്പിനായി നാല് ആഴ്ചകള് മാത്രം ശേഷിക്കെ രണ്ട് പേരും ടീമിന്റെ ഭാഗമായി തിരിച്ചെത്തുന്നു. പദ്ധതികള് ആശങ്കയുണ്ടാക്കുന്നതാണ്'-ആകാശ് ചോപ്ര ട്വിറ്ററില് കുറിച്ചു.
രാഹുല് ദ്രാവിഡ് എന്ന പരിശീലകന്റെ പല പദ്ധതികളും ഇതിനോടകം വിമര്ശനം നേരിടുന്നുണ്ട്. പരിശീലകസ്ഥാനത്തേക്ക് എത്തിയ ശേഷം ദ്രാവിഡ് നിരവധി പരീക്ഷണങ്ങളാണ് നടത്തിയത്. നിരവധി യുവതാരങ്ങള്ക്ക് അവസരം നല്കി. എന്നാല് ഇവയില് നിന്ന് വിശ്വസ്തരെ കണ്ടെത്താന് ഇന്ത്യക്ക് സാധിച്ചിട്ടില്ല. മികച്ച ഇടം കൈയന് പേസര്മാര്, ഇടം കൈയന് ബാറ്റ്സ്മാന്, ബാക്കപ്പ് ഓപ്പണര്മാര് ഇവരൊന്നും ഇന്ത്യക്കില്ല.
സൂപ്പര് താരങ്ങള്, പക്ഷെ ഇതുവരെ ഏകദിന ലോകകപ്പ് കളിച്ചിട്ടില്ല!, ഇന്ത്യയുടെ അഞ്ച് പേര്
ദ്രാവിഡിന് കീഴില് ഇന്ത്യ നടത്തിയ പരീക്ഷണങ്ങളുടെ ഫലമാണ് ഏഷ്യാ കപ്പില് കണ്ടത്. ആത്മവിശ്വാസമില്ലാത്ത ടീമായി ഇന്ത്യ മാറിയിരിക്കുകയാണ്. ദ്രാവിഡിന്റെ ഒട്ടുമിക്ക തീരുമാനങ്ങളേയും രോഹിത് ശര്മ പിന്തുണക്കുന്നുണ്ടെങ്കിലും ഇതൊന്നും ടീമിന് ഗുണമായി മാറുന്നില്ലെന്നതാണ് വസ്തുത. ടി20 ലോകകപ്പിലും ഇന്ത്യക്ക് വലിയ തിരിച്ചടികള് നേരിടാനാണ് സാധ്യത. ടി20 ലോകകപ്പിലും ഇന്ത്യ നിരാശപ്പെടുത്തിയാല് ദ്രാവിഡിന്റെ കസേരക്ക് ഇളക്കം തട്ടുമെന്നുറപ്പ്.
അതേ സമയം ഉമേഷിനെ ഇന്ത്യ ടീമിലേക്ക് പരിഗണിച്ചതിനെ അനുകൂലിച്ചാണ് നായകന് രോഹിത് ശര്മ ഇന്ന് സംസാരിച്ചത്. 'ഉമേഷിനെപ്പോലെയും ഷമിയെപ്പോലുമുള്ള താരങ്ങള് ദീര്ഘ നാളുകളായി പന്തെറിയുന്നവരാണ്. അവരെ ഒരു ഫോര്മാറ്റിലേക്ക് മാത്രമല്ല പരിഗണിക്കാനാവുക. അവര് കളിച്ച ഫോര്മാറ്റുകളിലെല്ലാം താരമെന്ന നിലയില് തെളിയിച്ചിട്ടുണ്ട്.
അവരുടെ ഗുണം ഞങ്ങള് മനസിലാക്കിയിട്ടുണ്ട്. പുതിയ താരങ്ങളെ പരിഗണിക്കുമ്പോഴേ അവര് ഈ ഫോര്മാറ്റ് കളിച്ചിട്ടുണ്ടോ ഇല്ലെയോ എന്ന് പരിശോധിക്കേണ്ടതായുള്ളൂ. എന്നാല് ഉമേഷിനെപ്പോലെയുള്ള താരങ്ങള് പൂര്ണ്ണ ഫിറ്റ്നസുള്ളവരും അനുഭവസമ്പത്തുള്ളവരുമാണ്. അതുകൊണ്ടാണ് തിരികെ വിളിച്ചത്'-രോഹിത് ശര്മ പറഞ്ഞു.
T20 World Cup: ഇന്ത്യ കാട്ടിയത് സാഹസം, ആ തെറ്റ് വലിയ തിരിച്ചടിയാവും, ചൂണ്ടിക്കാട്ടി ജോണ്സണ്
കരിയറില് ഇന്ത്യക്കായി 7 ടി20 മാത്രമാണ് ഉമേഷ് കളിച്ചത്. 9 വിക്കറ്റ് വീഴ്ത്തിയ താരത്തിന്റെ ഇക്കോണമി 8.76 ആണ്. സ്വിങ് പിന്തുണയുള്ള പിച്ചില് ന്യൂബോളില് തിളങ്ങാനും വിക്കറ്റ് നേടാനും ഉമേഷിന് കഴിവുണ്ട്. എന്നാല് ഡെത്ത് ഓവറിലൊന്നും വിശ്വസിക്കാനാവില്ല. തല്ലുകൊള്ളി ബൗളറാണെന്ന് പറയാം. 133 ഐപിഎല്ലില് നിന്നായി 135 വിക്കറ്റും അദ്ദേഹം നേടി. എന്നാല് ഇക്കോണമി 8.37. ടി20 ലോകകപ്പിന് തൊട്ടടുത്ത് നില്ക്കവെ ഇന്ത്യക്ക് പരിഗണിക്കാന് യുവ ബൗളറില്ലെന്നത് നിരാശപ്പെടുത്തുന്ന കാര്യം തന്നെയാണ്.
Continue with Google