Click it and Unblock the Notifications
അശ്വിനും ജഡ്ഡുവും ചെയ്തത് ശരിയായില്ല
ആര് അശ്വിനും രവീന്ദ്ര ജഡേജയും ഒരുപാട് അനുഭവസമ്പത്തുള്ള മഹാന്മാരായ ബൗളര്മാരാണ്. എന്തുകൊണ്ടാണ് ഓസ്ട്രേലിയ റണ്ചേസ് നടത്തവെ തങ്ങളുടെ ഓവറുകളില് കൂടുതല് ഫീല്ഡര്മാരെ ക്ലോസായി നിര്ത്താതിരുന്നത്? എന്തുകെണ്ടാണ് രോഹിത് ശര്മയോടു ഇരുവരും ഇക്കാര്യം ആവശ്യപ്പെടാതിരുന്നത്?
അര മണിക്കൂര് നേരത്തേക്കെങ്കിലും കൂടുതല് അഗ്രസീവായി ഫീല്ഡ് സെറ്റ് ചെയ്ത് ഈ കളിയിലേക്കു തിരിച്ചു വരാന് സാധിക്കുമോയെന്ന സാധ്യത ഇരുവരും രോഹിത്തുമായി ചര്ച്ച ചെയ്യേണ്ടതായിരുന്നുവെന്നും ഡാനിഷ് കനേരിയ അഭിപ്രായപ്പെട്ടു.
മല്സരം എന്തായാലും ഇന്ത്യ പരാജയപ്പെടുക തന്നെ ചെയ്യും. അപ്പോള് പിന്നെ കൂടുതല് അഗ്രസീവായി ഫീല്ഡ് ക്രമീകരിച്ച് ഒന്നു ശ്രമിച്ചു നോക്കുന്നതില് എന്തായിരുന്നു തെറ്റെന്നും കനേരിയ ചോദിക്കുന്നു.
Also Read: കോലിയല്ല, ടെസ്റ്റില് നാട്ടിലെ കിങ് രോഹിത്താണ്! റിഷഭ് രണ്ടാമന്, അറിയാം
അശ്വിന് എന്തിന് ബോള് മാറ്റി?
ഓസ്ട്രേലിയ റണ്ചേസ് നടത്തവെ 10 ഓവറുകള്ക്കു ശേഷം ബോള് മാറ്റാനുള്ള ഇന്ത്യന് ഓഫ് സ്പിന്നര് ആര് അശ്വിന്റെ തീരുമാനത്തെയും ഡാനിഷ് കനേരിയ വിമര്ശിച്ചു.
പുതിയ ബോള് വേണമെന്നു ആവശ്യപ്പെട്ട് അശ്വിന് വലിയൊരു പിഴവാണ് കാണിച്ചത്.
ആ ഘട്ടത്തില് പുതിയ ബോള് എടുക്കേണ്ട യാതൊരു സാഹചര്യവും ഇല്ലായിരുന്നു. പുതുതായി എടുത്ത ബോള് കുറേക്കൂടി മൃദുവായിരുന്നു. അതിനു ശേഷം ആദ്യ ടെസ്റ്റില് തന്നെ പുറത്ത് ഇരുത്തിയ തീരുമാനം തെറ്റായിരുന്നുവെന്നു തകര്പ്പന് ഇന്നിങ്സിലൂടെ ട്രാവിസ് കാണിച്ചു തരികയും ചെയ്തതായി കനേരിയ വിശദമാക്കി.
Also Read: IND vs AUS: എന്ത് കൊണ്ട് അവന് ഒരോവര് പോലും നല്കിയില്ല? രോഹിത്തിനോടു ഭാജി
രോഹിത്തിനും ദ്രാവിഡിനും വിമര്ശനം
ഇന്ത്യന് നായകന് രോഹിത് ശര്മ, കോച്ച് രാഹുല് ദ്രാവിഡ് എന്നിവരുടെയും തന്ത്രങ്ങളെ ഡാനിഷ് കനേരിയ ശക്തായി വിമര്ശിച്ചു. 75 റണ്സാണ് തങ്ങള്ക്കു പ്രതിരോധിക്കേണ്ടതെന്നു ചിന്തിക്കാതെ ആദ്യത്തെ ഒരു മണിക്കൂര് രോഹിത്തും ദ്രാവിഡും കൂടുതല് അറ്റാക്കിങ് ഫീല്ഡ് സെറ്റ് ചെയ്യണമായിരുന്നു.
ക്ലോസായി കൂടുതല് ഫീല്ഡര്മാരെ നിര്ത്തിയിരുന്നെങ്കില് അതു ബാറ്റര്മാരുടെ ഏകാഗ്രതയെ ബാധിക്കുകയും അതു വിക്കറ്റ് ലഭിക്കാന് സഹായിക്കുകയും ചെയ്യും. പക്ഷെ ഇന്ത്യയുടെ ഭാഗത്തു നിന്നും അത്തരമൊരു ശ്രമം കണ്ടില്ല.
പകരം ഫീല്ഡര്മാരെ ദൂരെ നിര്ത്തി, ദയവു ചെയ്ത് വരൂയെന്നും ഗെയിം ഞങ്ങളില് നിന്നും എടുത്തു കൊണ്ടു പോവൂയെന്നും ആവശ്യപ്പെടുകയാണ് ഇന്ത്യ ചെയ്തതെന്നും കനേരിയ വിലയിരുത്തി.
Continue with Google