Click it and Unblock the Notifications
കരിയര് അവസാനിച്ചു കഴിഞ്ഞു
വിരമിച്ചില്ലെങ്കിലും ഓസിലിന്റെ അന്താരാഷ്ട്രകരിയര് ഇതിനകം തന്നെ അവസാനിച്ചു കഴിഞ്ഞതാണെന്ന് മത്തേവൂസ് ചൂണ്ടിക്കാട്ടി. മോശം ഫോമിന്റെ പേരില് അദ്ദേഹം ടീമിന് പുറത്തു പോവാനുള്ള സാധ്യതയാണ് മുന്നിലുണ്ടായിരുന്നത്. ഇതിനു കാത്തുനില്ക്കാതെയാണ് താരം വിരമിക്കല് പ്രഖ്യാപിച്ചത്.
ഓസിലിന്റെ അഭാവം ഭാവിയില് ജര്മനിയെ ബാധിക്കില്ലെന്നും മത്തേവൂസ് വിശദമാക്കി.
ഫുട്ബോളും രാഷ്ട്രീയവും രണ്ടാണ്
ഫുട്ബോളിനെയും രാഷ്ട്രീയത്തെയും തമ്മില് ബന്ധിപ്പിക്കരുതെന്നും രണ്ടും രണ്ടാണന്നും മത്തേവൂസ് അഭിപ്രായപ്പെട്ടു. മുമ്പുള്ള വര്ഷങ്ങളില് ജര്മനിക്കു വേണ്ടി മികച്ച പ്രകടനമാണ് ഓസില് കാഴ്ചവച്ചത്. എന്നാല് 2014ലെ ലോകകപ്പില് ചാംപ്യന്മാരായപ്പോള് നടത്തിയതു പോലെയുള്ള പ്രകടനം കഴിഞ്ഞ ഒന്നര വര്ഷമായി താരത്തിനു കാഴ്ചവയ്ക്കാനായിട്ടില്ലെന്നും മുന് നായകന് ചൂണ്ടിക്കാട്ടി.
എര്ദോഗനൊപ്പമുള്ള ചിത്രം
തുര്ക്കിയില് വേരുകളുള്ള ഓസില് തുര്ക്കി പ്രസിഡന്റ് എര്ദോഗനുമായി ലണ്ടനില് വച്ച് കൂടിക്കാഴ്ച നടത്തുകയും ജഴ്സി സമ്മാനിക്കുകയും ചെയ്തിരുന്നു. ലോകകപ്പില് നിന്നും ജര്മനി പുറത്തായ ശേഷം ഓസിലിന്റെ ഈ കൂടിക്കാഴ്ചയും വിമര്ശിക്കപ്പെട്ടിരുന്നു.
എന്നാല് താന് ഈ സംഭവത്തെയോ ചിത്രത്തേയോ ഒന്നും അത്ര വലിയ കാര്യമാക്കുന്നില്ലെന്ന് മത്തേവൂസ് പറഞ്ഞു. ഓസിലെന്ന ഫുട്ബോളറെ മാത്രമേ അദ്ദേഹത്തില് കാണുന്നുള്ളൂവെന്നും ഇതിഹാസം വ്യക്തമാക്കി.
നിരവധി മികച്ച കളിക്കാരുണ്ട്
ഓസില് വിരമിച്ചത് ജര്മന് ദേശീയ ടീമിന് തിരിച്ചടിയൊന്നും ആവില്ലെന്ന് 1990ല് ജര്മനിക്കൊപ്പം ലോകകപ്പ് വിജയത്തില് പങ്കാളിയായ മത്തേവൂസ് പറഞ്ഞു. നിരവധി മികച്ച കളിക്കാര് ജര്മനിക്കുണ്ട്. മുതിര്ന്ന താരങ്ങള് പ്രതീക്ഷയ്ക്കൊത്തുരയാതെ വരുമ്പോള് അവര്ക്കു പകരം കൡക്കാന് മിടുക്കുള്ള യുവ താങ്ങള് ടീമിനു പുറത്തുണ്ട്. 2014ലെ ലോകകപ്പ് വിജയം പോലെ ഇനിയും ഇതുപോലെയുള്ള നേട്ടങ്ങള് ആവര്ത്തിക്കാന് പുതുതലമുറയിലെ താരങ്ങള്ക്ക് അവസരം നല്കേണ്ടതുണ്ടെന്നും മത്തേവൂസ് സൂചിപ്പിച്ചു.
ഓസില് മാത്രല്ല കാരണം
റഷ്യന് ലോകകപ്പില് മെക്സിക്കോയോടും ദക്ഷിണ കൊറിയയോടും ജര്മനി തോല്ക്കാനുള്ള മുഖ്യ കാരണക്കാരന് ഓസില് അല്ല, ടീമിലെ മറ്റു താരങ്ങള്ക്കും ഇതില് പങ്കുണ്ട്. എന്നാല് തോറ്റ ടീമില് ഓസില് ഉണ്ടായിരുന്നുവെന്ന് പറയുന്നതില് അപാകതയില്ലെന്നും മത്തേവൂസ് വിലയിരുത്തി.
മുമ്പെല്ലാം ഒരു നായകനെപ്പോലെയാണ് ജര്മനിക്കായി ഓസില് കളിച്ചിരുന്നത്. എന്നാല് കഴിഞ്ഞ ഒന്നര വര്ഷമായി അദ്ദേഹത്തിന് ഈ മിടുക്ക് നഷ്ടമായിരിക്കുന്നു. ഓസില് ജര്മന് ടീമിനെ സഹായിച്ചോ ഇല്ലെയോ എന്നതു മാത്രമാണ് താന് വിഷയമാക്കുന്നതെന്നും മറ്റൊന്നിനെക്കുറിച്ചും ഗൗനിക്കുന്നില്ലെന്നും മത്തേവൂസ് ചൂണ്ടിക്കാട്ടി.
Continue with Google