കോലിയെ ബിസിസിഐയ്ക്കു ഇഷ്ടമല്ല! താരങ്ങള്‍ ഇഞ്ചക്ഷന്‍ എടുക്കുന്നു- ഒളിക്യാമറയില്‍ കുടുങ്ങി സെലക്ടര്‍

കോലിക്ക് എതിരായിരുന്നു

ഞങ്ങള്‍ രോഹിത് ശര്‍മയെ ക്യാപ്റ്റന്‍ സ്ഥാനത്തേക്കു അനുകൂലിക്കുകയൊന്നും ചെയ്തിരുന്നില്ല. പക്ഷെ വിരാട് കോലിക്കു ഞങ്ങള്‍ എതിരായിരുന്നു. ബിസിസിഐയ്ക്കു അദ്ദേഹത്തോടു വലിയ താല്‍പ്പര്യമില്ലായിരുന്നു. ബാറ്റിങില്‍ കോലിയുടെ മോശം ഫോം മുതലെടുത്താണ് നായകസ്ഥാനത്തു നിന്നും അന്നു നീക്കിയത്.

സൗരവ് ഗാംഗുലി രോഹിത്തിനെ നായകസ്ഥാനത്തേക്കു അനുകൂലിച്ചിരുന്നയാളല്ല. പക്ഷെ വിരാടിനെ അദ്ദേഹത്തിനു ഇഷ്ടമായിരുന്നില്ല. ഈ കാരണം കൊണ്ടു മാത്രമാണ് വിരാടിനെ മാറ്റി രോഹിത്തിനെ കൊണ്ടു വന്നതെന്നും ചേതന്‍ ശര്‍മ വെളിപ്പെടുത്തുന്നു.

Also Read: ഇവര്‍ക്കു ടീമിനേക്കാള്‍ വലുത് സ്വന്തം കാര്യം! ഓസീസിന്റെ രണ്ടു പേര്‍

കോലി- രോഹിത് തര്‍ക്കം

വിരാട് കോലിയും രോഹിത് ശര്‍മയും തമ്മില്‍ ഈഗോ പ്രശ്‌നങ്ങളും തര്‍ക്കവുമുണ്ടെന്നും ഇരുവരെയും അനുകൂലിക്കുന്നവര്‍ ടീമിനകത്ത് രണ്ടു ഗ്രൂപ്പുകളായി ചേരി തിരിഞ്ഞിരിക്കുകയാണെന്നുംനേരത്തേ റിപ്പോര്‍ട്ടുകളുണ്ടായിരുന്നു. ഇതേക്കുറിച്ചും ചേതന്‍ ശര്‍മ തുറന്നു പറഞ്ഞിട്ടുണ്ട്.

വിരാടും രോഹിത്തും തമ്മില്‍ തര്‍ക്കമുണ്ടെന്നും ഏറ്റമുട്ടലുകള്‍ നടക്കാറുണ്ടെന്നതുമെല്ലാം കെട്ടുകഥകളാണ്. അത്തരം പ്രശ്‌നങ്ങളൊന്നും ഇരുവരും തമ്മില്‍ ഇല്ല. പക്ഷെ ഇരുവര്‍ക്കുമിടയില്‍ ഈഗോ പ്രശ്‌നമുണ്ട്. വലിയ രണ്ടു സിനിമാ താരങ്ങളെപ്പോലെയാണ് കോലിയും രോഹിത്തും, അമിതാഭ് ബച്ചനെയും ധര്‍മേന്ദ്രയെയും പോലെയാണ് ഇരുവരും ടീമിലെന്നും ശര്‍മ വിശദമാക്കി.

Also Read: IPL 2023: മുബൈ 'ഇന്ത്യന്‍സ്', വിദേശികള്‍ പുറത്ത്- ഇലവനില്‍ അര്‍ജുന്‍, ഒപ്പം മലയാളിയും

ഇഞ്ചക്ഷന്‍ എടുക്കാറുണ്ട്

പരിക്കില്‍ നിന്നും പൂര്‍ണമായി മുക്തി നേടാന്‍ സാധിച്ചില്ലെങ്കില്‍ ഇന്ത്യന്‍ താരങ്ങള്‍ ഇഞ്ചക്ഷന്‍ എടുക്കാറുണ്ടെന്നും ചേതന്‍ ശര്‍മ വെളിപ്പെടുത്തിയിട്ടുണ്ട്.

കളിക്കാര്‍ക്കു മെഡിക്കല്‍ ടെസ്റ്റുകളില്‍ വിജയിക്കാനാവില്ല, പക്ഷെ മല്‍സരങ്ങള്‍ നഷ്ടപ്പടാന്‍ ആഗ്രഹിക്കുന്നുമില്ല. 80 ശതമാനം ഫിറ്റാണെങ്കില്‍ അതു 100 ശതമാനമാക്കി മാറ്റിയെടുക്കാന്‍ ഇന്ത്യന്‍ ക്രിക്കറ്റ് താരങ്ങള്‍ ഇഞ്ചക്ഷനുകള്‍ എടുക്കാറുണ്ട്.

ഇവ വേദനാസംഹാരികളൊന്നുമല്ല. ഈ ഇഞ്ചക്ഷുകളില്‍ ഡ്രഗ് അടങ്ങിയിരിക്കുന്നു, പക്ഷെ ഉത്തേജക പരിശോധനയില്‍ ഇവ കണ്ടെത്താന്‍ സാധിക്കില്ലെന്നും ശര്‍മ തുറന്നു പറയുന്നു.