പച്ചപ്പുള്ള പിച്ചെങ്കില്‍ കൂടുതല്‍ ബിരിയാണി കഴിക്കും! നെറ്റ്‌സില്‍ കുഴക്കിയ ബൗളറെക്കുറിച്ച് രോഹിത്

മുഹമ്മദ് ഷമിയാണ് നെറ്റ്‌സില്‍ ബാറ്റ് ചെയ്യവെ തന്നെ ഏറ്റവുമധികം ബുദ്ധിമുട്ടിച്ചിട്ടുള്ളതെന്നാണ് രോഹിത് ശര്‍മ വെളിപ്പെടുത്തിയത്. നെറ്റ് സെഷനില്‍ ഞങ്ങള്‍ എല്ലായ്‌പ്പോഴും ഒരുക്കാറുള്ളത് പച്ചപ്പോടു കൂടിയ, ഈര്‍പ്പമുള്ള പിച്ചുകളായിരിക്കും. പച്ചുള്ള പിച്ച് കണ്ടുകഴിഞ്ഞാല്‍ ഷമി കൂടുതല്‍ ബിരിയാണ് കഴിച്ചാണ് വരാറുള്ളതെന്നും രോഹിത് ചിരിയോടെ പറയുന്നു.

മുഹമ്മദ്് ഷമിയെപ്പോലെ തന്നെ ജസ്പ്രീത് ബുംറയും നേരിടാന്‍ ബുദ്ധിമുട്ടുള്ള ബൗളറാണ്. 2013 മുതല്‍ ഞാനും ഷമിയും ഒരുമിച്ച് കളിച്ചുകൊണ്ടിരിക്കുകയാണ്. ഇപ്പോള്‍ ബുംറയും ഷമിയും തമ്മില്‍ ടീമിനകത്ത് ഒരു മല്‍സരം നടന്നു കൊണ്ടിരിക്കുകയാണ്. ആരാണ് കൂടുതല്‍ തവണ ബാറ്റിനെ ബീറ്റ് ചെയ്യുന്നത്? ആര്‍ക്കാണ് കൂടുതല്‍ തവണ ഹെല്‍മറ്റില്‍ ബോള്‍ കൊള്ളിക്കാന്‍ കഴിയുക തുടങ്ങിയ കാര്യങ്ങളിലാണ് രണ്ടു പേരും തമ്മില്‍ മല്‍സരമെന്നും രോഹിത് ശര്‍മ മനസ്സ്തുറന്നു.

ഡുപ്ലെസിയെ തിരിച്ചുപിടിച്ച് സൂപ്പര്‍ കിങ്‌സ്! നായകനാവും, മോയിന്‍ അലിയും ടീമില്‍

മുഹമ്മദ് ഷമിയുടെ പേസ് ബൗളിങ് പങ്കാളിയായിരുന്ന ഇഷാന്ത് ശര്‍മയും നേരത്തേ ഷമിയുടെ ഭക്ഷണ പ്രിയത്തെക്കുറിച്ച് ബ്രേക്ക്ഫാസ്റ്റ് വിത്ത് ചാംപ്യന്‍സ് എന്ന ഷോയില്‍ വെളിപ്പെടുത്തിയിരുന്നു.
ഷമിക്ക് ബിരിയാണി, മട്ടണ്‍ തുടങ്ങിയവയെല്ലാം കൊടുക്കുക, ബൗളും ചെയ്യിക്കുക, അതിനു ശേഷം അവന്‍ ഉറങ്ങുകയും ചെയ്യും. ഇതെന്താണ് ഈ ഭക്ഷണം? ചുവന്ന മാംസം കഴിക്കണണമെന്നു ഷമി എന്നോടു പറയുമായിരുന്നു. ഞാന്‍ വെജിറ്റേറിയനാണെന്നു പറഞ്ഞപ്പോള്‍ അതാണ് നിന്റെ വേഗത കുറഞ്ഞതെന്നും തമാശയായി ഷമി പറയാറുണ്ടായിരുന്നെന്നും ഇഷാന്ത് വെളിപ്പെടുത്തിയിരുന്നു.

T20 World Cup 2022: സെമിയില്‍ ആരൊക്കെ? ഏഷ്യയില്‍ ഒരു ടീം മാത്രം!- പ്രവചനം

അതേസമയം, തുടര്‍ച്ചയായി രണ്ടാം തവണയാണ് ഏഷ്യാ കപ്പില്‍ ഇന്ത്യയെ നയിക്കാന്‍ രോഹിത് ശര്‍മയ്ക്കു അവസരം ലഭിച്ചിരിക്കുന്നത്. 2018ലെ അവസാനത്തെ ടൂര്‍ണമെന്റിലും അദ്ദേഹമായിരുന്നു നായകന്‍. അന്നു സ്ഥിരം ക്യാപ്റ്റന്‍ വിരാട് കോലിക്കു വിശ്രമം നല്‍കിയതിനെ തുടര്‍ന്നു രോഹിത്തിനു ചുമതല നല്‍കുകയായിരുന്നു. കിരീട വിജയത്തോടെ തന്നെ അദ്ദേഹം അതു ഭംഗിയാക്കുകയും ചെയ്തു.

ഈ മാസം 27നാണ് ഏഷ്യാ കപ്പിനു തുടക്കമാവുന്നത്. അതിനുമുമ്പ് സിംബാബ്‌വെയുമായി ഇന്ത്യ മൂന്നു മല്‍സരങ്ങളുടെ ഏകദിന പരമ്പരയില്‍ കളിക്കുന്നുണ്ട്. പക്ഷെ രോഹിത്തുള്‍പ്പെടെയുള്ള സീനിയര്‍ കളിക്കാര്‍ക്കു ഇന്ത്യ പരമ്പരയില്‍ വിശ്രമം നല്‍കിയിരിക്കുകയാണ്.