ഇന്ത്യ എന്തൊക്കെ അബദ്ധങ്ങളാണ് കാണിച്ചത്? യുവി പൊട്ടിത്തെറിച്ചു! ധോണിയെയും വിട്ടില്ല

നാലാം നമ്പറിലെ മണ്ടത്തരം

നാലാം നമ്പറില്‍ വിജയ് ശങ്കറിനെ ഇന്ത്യന്‍ ടീമില്‍ ഉള്‍പ്പെടുത്തിയതാണ് ഇന്ത്യ അന്നു കാണിച്ച ഏറ്റവും വലിയ അബദ്ധങ്ങളിലൊന്നെന്നു യുവരാജ് സിങ് അഭിപ്രായപ്പെട്ടിരുന്നു.

2019ലെ ലോകകകപ്പിനു മുമ്പ് നാലാം നമ്പറില്‍ ഇന്ത്യ ഒരുപാട് പേരെ പരീക്ഷിച്ചു. അവസാനം അമ്പാട്ടി റായുഡുവിലെത്തി. എട്ട്- ഒമ്പതു മാസത്തോളം കളിക്കുകയും ന്യൂസിലാന്‍ഡില്‍ 90 പ്ലസ് സ്‌കോര്‍ നേടുകയും ചെയ്തു. ഇതില്‍ മാന്‍ ഓഫ് ദി മാച്ചുമായി.

പക്ഷെ ലോകകപ്പിനു മുമ്പ് ഓസ്‌ട്രേലിയക്കെതിരായ ചില ഇന്നിങ്‌സുകളില്‍ റായുഡുവിന് തിളങ്ങാനായില്ല. ഉടന്‍ തന്നെ അദ്ദേഹത്തെ ലോകകപ്പ് ടീമില്‍ നിന്നൊഴിവാക്കുകയും ചെയ്തു. തുടര്‍ന്നാണ് വിജയ് ശങ്കര്‍ അപ്രതീക്ഷിതമായി ലോകകപ്പ് ടീമിലെത്തിയതെന്നും യുവി പറഞ്ഞിരുന്നു.

Also Read: ഇവര്‍ 'അണ്ടര്‍റേറ്റഡ്', പ്രതിഭയുണ്ട്, അര്‍ഹിച്ച അംഗീകാരമില്ല- ലിസ്റ്റില്‍ സഞ്ജുവും

വിജയ് ശങ്കറിന് അനുഭവസമ്പത്തില്ല

നാലാം നമ്പറെന്നത് ഒരു ടീമിലെ വളരെ നിര്‍ണായകമായ പൊസിഷനാണെന്നും അവിടേക്കു മികച്ചൊരു താരം തന്നെ ആവശ്യമാണെന്നും ടീം മാനേജ്‌മെന്റും സെലക്ടര്‍മാരുമെല്ലാം മനസ്സിലാക്കേണ്ടിയിരുന്നുവെന്നും യുവരാജ് സിങ് ചൂണ്ടിക്കാട്ടിയിരുന്നു.

ഇംഗ്ലണ്ടില്‍ ബോള്‍ നന്നായി സീം ചെയ്യും. അതുകൊണ്ടു തന്നെ ടെക്‌നിക്കലായി വളരെ മികവുറ്റ ഒരാളായിരുന്നു ഇന്ത്യന്‍ ടീമില്‍ നാലാമനായി വേണ്ടിയിരുന്നത്. വിജയ് ശങ്കറിന് നേരത്തേ ഇംഗ്ലണ്ടില്‍ കളിച്ചുള്ള പരിചയമൊന്നുമില്ല, റിഷഭ് പന്തിനും അനുഭവസമ്പത്ത് തീരെയില്ലായിരുന്നു.

ദിനേശ് കാര്‍ത്തിക് നല്ല മല്‍സര പരിചയമുള്ളയാളാണ്. പക്ഷെ അദ്ദേഹത്തെ പുറത്തിരുത്തി. സെമിയില്‍ പെട്ടെന്നു കളിക്കാന്‍ ഇറങ്ങേണ്ടി വരികയും ചെയ്തു. എന്തായിരുന്നു അന്നു ടീം മാനേജ്‌മെന്റിന്റെ പ്ലാനെന്നു തനിക്കു മനസ്സിലായില്ലെന്നും യുവി വ്യക്തമാക്കിയിരുന്നു.

Also Read: ഈ റെക്കോര്‍ഡുകള്‍ മറന്നേക്കൂ, സച്ചിന്‍ സ്‌പെഷ്യല്‍! മറികടക്കാന്‍ ആര്‍ക്കുമാവില്ല

ധോണി എന്തുകൊണ്ട് വൈകി ഇറങ്ങി?

ന്യൂസിലാന്‍ഡുമായുള്ള സെമി ഫൈനലില്‍ ഇന്ത്യക്കു തുടര്‍ച്ചയായി വിക്കറ്റുകള്‍ നഷ്ടമായിട്ടും എംഎസ് ധോണി ഏഴാം നമ്പറില്‍ ബാറ്റ് ചെയ്യാനെത്തിയത് കണ്ടപ്പോള്‍ അദ്ഭുതപ്പെട്ടു പോയെന്നും യുവരാജ് സിങ് പറയുന്നു.

ധോണി അന്നു മുന്‍നിരയിലേക്കു ബാറ്റ് ചെയ്യാന്‍ ഇറങ്ങേണ്ടതായിരുന്നു. കാരണം ഇന്ത്യന്‍ മധ്യനിരയില്‍ ഏറ്റവുമധികം അനുഭവസമ്പത്ത് അദ്ദേഹത്തിനായിരുന്നു. അന്നു എന്തായിരുന്നു ഇന്ത്യന്‍ ടീം മാനേജ്‌മെന്റ് ചിന്തിച്ചതെന്നു എനിക്കറിയില്ല.

ധോണിയും ജഡേജയും ചേര്‍ന്ന് അന്നു ടീമിനെ വിജയത്തിന്റെ അടുത്തു വരെയെത്തിച്ചിരുന്നു. ധോണി കുറച്ചു കൂടി നേരത്തേ ക്രീസിലേക്കു വന്നിരുന്നെങ്കില്‍ അവസാനം വരെ ബാറ്റ് ചെയ്യാന്‍ കുറച്ചുകൂടി സമയവും ലഭിക്കുമായിരുന്നുവെന്നും യുവരാജ് വിലയിരുത്തിയിരുന്നു.