Click it and Unblock the Notifications
അഫ്ഗാനിസ്താന്
ടി20 സ്പെഷ്യലിസ്റ്റുകളായ ഒരുപിടി മാച്ച വിന്നര്മാരുള്ള ടീമാണെങ്കിലും അഫ്ഗാനിസ്താന് ഇത്തവണ സെമി ഫൈനല് കാണാന് സാധ്യത കുറവാണ്. റാഷിദ് ഖാന്, നായകന് മുഹമ്മദ് നബി, സ്പിന്നര് മുജീബുര് റഹ്മാന്, ഓപ്പണര് റഹ്മാനുള്ള ഗുര്ബാസ് എന്നിവരെല്ലാം കൡതനിച്ച് ജയിപ്പിക്കാന് ശേഷിയുള്ളവരാണ്.
പക്ഷെ മരണഗ്രൂപ്പിലാണ് അഫ്ഗാനുള്ളത്. ആദ്യ കളിയില് ഇംഗ്ലണ്ടിനോടു അവര് തോറ്റിരുന്നു. ശേഷിച്ച നാലു മല്സരങ്ങളില് ഒന്നു കൂടി തോറ്റാല് അഫ്ഗാന്റെ സെമി സാധ്യതകള്ക്കു മങ്ങലേല്ക്കും. ഓസ്ട്രേലിയ, ന്യൂസിലാന്ഡ്, ശ്രീലങ്ക, അയര്ലാന്ഡ് എന്നിവരുമായാണ് അഫ്ഗാന്റെ ശേഷിച്ച മല്സരങ്ങള്.
ബംഗ്ലാദേശ്
ഏഷ്യയില് നിന്നു തന്നെയുള്ള ബംഗ്ലാദേശാണ് സെമി കാണാതെ പുറത്താവാന് സാധ്യതയുള്ള മറ്റൊരു ടീം. സൂപ്പര് 12ല് ഗ്രൂപ്പ് രണ്ടിലാണ് നിലവില് അവരുടെ സ്ഥാനം. ആദ്യ കളിയില് നെതര്ലാന്ഡ്സിനെ ഒമ്പതു റണ്സിനു തോല്പ്പിച്ചെങ്കിലും ബംഗ്ലാ കടുവകളുടെ സെമിയിലേക്കുള്ള പ്രയാണം എളുപ്പമല്ല. പരിചയസമ്പന്നരായ മുഷ്ഫിഖുര് റഹീമും മഹമ്മുദുള്ളയുമില്ലാതെയാണ് ബംഗ്ലാ ടീം ഈ ലോകകപ്പിനെത്തിയിരിക്കുന്നത്.
നായകന് ഷാക്വിബുല് ഹസന്, ലിറ്റണ് ദാസ്, മുസ്തഫിസുര് റഹ്മാന് എന്നിവരുടെ പ്രകടനത്തെ ആശ്രയിച്ചിരിക്കും ബംഗ്ലാദേശിന്റെ ടൂര്ണമെന്റിലെ ഭാവി. അവസാനമായി ന്യൂസിലാന്ഡില് നടന്ന ത്രിരാഷ്ട്ര പരമ്പരയില് ഒരു കളി പോലും അവര് ജയിച്ചിരുന്നില്ല.
പാകിസ്താന്
മുന് ചാംപ്യന്മാരായ പാകിസ്താണ് ഈ ടൂര്ണമെന്റിന്റെ സെമി ഫൈനല് നഷ്ടമാവാനിടയുള്ള മറ്റൊരു ടീം. കഴിഞ്ഞ തവണ സെമിയിലെത്താന് അവര്ക്കായിരുന്നു. എന്നാല് ഇത്തവണ തോല്വിയോടെയാണ് പാക് ടീം തുടങ്ങിയത്. ഇന്ത്യക്കെതിരായ ത്രില്ലറില് നാലു വിക്കറ്റിനായിരുന്നു പാ്ക് തോല്വി. ശേഷിച്ച മല്സരങ്ങള് ബാബര് ആസമിനും സംഘത്തിനും ഇതോടെ നിര്ണയകമായിരിക്കുകയാണ്.
പരിചയസമ്പന്നനായ ഷുഐബ് മാലിക്ക് ടീമില് ഇല്ലാത്തതിനാല് ബാബര് ആസം- മുഹമ്മദ് റിസ്വാന് ജോടിയെ പാകിസ്താന് അമിതമായി ആശ്രയിക്കേണ്ടി വന്നിരിക്കുകയാണ്. ഇവര് തുടക്കത്തില് പുറത്തായാല് മികച്ച കളിക്കാര് മധ്യനിരയില് ഇല്ലെന്നത് പാകിസ്താന് ക്ഷീണമാണ്. നിലവില് മധ്യനിരയിലുള്ളവര്ക്കൊന്നും അനുഭവസമ്പത്തില്ലെന്നതു പാകിസ്താനു പോരായ്മയാണ്. ലോകകപ്പിലെ തുടര്ന്നുള്ള മല്സരങ്ങളില് പാകിസ്താനു ഇതു ക്ഷീണമായേക്കും.
Also Read: T20 World Cup 2022: എതിരാളി പാകിസ്താനോ? കോലി കത്തികയറും! അഞ്ചില് നാലിലും 50 പ്ലസ്
ഓസ്ട്രേലിയ
കിരീട ഫേവറിറ്റുകളും കഴിഞ്ഞ തവണത്തേ ജേതാക്കളുമായ ഓസ്ട്രേലിയയും ഇത്തവണ സെമിയിലെത്തുന്ന കാര്യം സംശയമാണ്. സൂപ്പര് 12ന്റെ മരണഗ്രൂപ്പിലെ ആദ്യ കളിയില് ഓസീസിനു തുടക്കം പാളിയിരിക്കുകയാണ്. 89 റണ്സിന്റെ വന് പരാജയമാണ് ന്യൂസിലാന്ഡിനെതിരേ അവര്ക്കു നേരിട്ടത്.
ഇനിയുള്ള കളികളല്ലാം ജയിച്ചാല് മാത്രമേ ഓസീസിനു സെമിയുറപ്പുള്ളൂ. ഒന്നില്ക്കൂടി പരാജയപ്പെട്ടാല് കംഗാരുപ്പടയ്ക്കു സെമിയിലെത്തുക ദുഷ്കരമായിരിക്കും. ഇംഗ്ലണ്ട്, ശ്രീലങ്ക, അയര്ലാന്ഡ്, അഫ്ഗാനിസ്താന് എന്നിവരുമായാണ് ഓസീസിന്റെ ഇനിയുള്ള മല്സരങ്ങള്
Continue with Google