Click it and Unblock the Notifications
രവി ബിഷ്നോയിയെ ബാക്കപ്പ് താരമായി പരിഗണിക്കുകയും ആര് അശ്വിനെ ടീമില് ഉള്പ്പെടുത്തുകയും ചെയ്ത തീരുമാനത്തെ ഗവാസ്കര് അനുകൂലിച്ചാണ് സംസാരിച്ചത്. 'ബിഷ്നോയിയെ സംബന്ധിച്ച് ചെറുപ്പമാണ്. അധികം വൈകാതെ വീണ്ടും ടി20 ലോകകപ്പ് വരും. അതുകൊണ്ട് തന്നെ അവന് ഭാവിയിലും കളിക്കാം. നിലവില് അവനെ പുറത്തിരുത്താനാവാത്ത വിധം മികച്ച പ്രകടനം നടത്തുന്നു. അവനെ സംബന്ധിച്ച് കാര്യങ്ങള് മനസിലാക്കാനുള്ള അവസരമാണിത്.
ഇത് ഇന്ത്യയുടെ മികച്ച ടീമായാണ് കരുതുന്നത്. ജസ്പ്രീത് ബുംറയും ഹര്ഷല് പട്ടേലും എത്തിയതോടെ റണ്സ് പ്രതിരോധിക്കാനും ഇന്ത്യക്ക് സാധിക്കുമെന്നാണ് പ്രതീക്ഷ. ഇന്ത്യക്ക് റണ്സ് പ്രതിരോധിക്കുന്നതില് പ്രശ്നങ്ങളുണ്ട്. രണ്ട് വലിയ ടീമുകള് തമ്മിലുള്ള പോരാട്ടത്തില് റണ്സ് പ്രതിരോധിക്കേണ്ടി വരുമ്പോള് ഇരുവരുടെയും സാന്നിധ്യം ഇന്ത്യക്ക് കരുത്താവും.
ബാബറോ കോലിയോ ബെസ്റ്റ്?, അവന് തന്നെ കേമന്, പാക് കോച്ച് സക്ലെയ്ന് മുഷ്താഖ് പറയുന്നു
ദീപക് ചഹാറാണ് ടീമിനുള്ളിലേക്ക് വരേണ്ടിയിരുന്ന ഒരു താരം. എന്നാല് അര്ഷദീപ് സിങ്ങിനെ നിലനിര്ത്തേണ്ടത് അത്യാവശ്യമായതിനാല് ചഹാറിനെ മാറ്റേണ്ടി വന്നതാണ്. ഇടം കൈയന് പേസാക്രമണം അത്യാവശ്യമാണ്. ഇന്ത്യന് ടീമിനെ പ്രഖ്യാപിച്ച് കഴിഞ്ഞു. ഇനി കുറ്റം പറഞ്ഞിട്ട് കാര്യമില്ല. പിന്തുണക്കുകയാണ് വേണ്ടത്'-ഇന്ത്യ ടുഡെയോട് സംസാരിക്കവെ ഗവാസ്കര് പറഞ്ഞു.
ഇന്ത്യ തിരഞ്ഞെടുത്ത ടീം മികച്ചതാണെന്ന് പറയാം. എന്നാല് ചില ദൗര്ബല്യങ്ങളും ടീമിനുണ്ട്. അതില് പ്രധാനപ്പെട്ടത് ബാക്കപ്പ് ബാറ്റ്സ്മാന്മാരുടെ കുറവാണ്. ശ്രേയസ് അയ്യരെയാണ് ഇന്ത്യ ബാക്കപ്പ് ബാറ്റ്സ്മാനായി പരിഗണിച്ചത്. ശ്രേയസ് ഷോര്ട്ട് ബോളില് പതറുന്നത് എല്ലാവര്ക്കും അറിയാവുന്ന കാര്യമാണ്. ഓസ്ട്രേലിയയിലെ പേസും ബൗണ്സും നിറഞ്ഞ സാഹചര്യത്തില് ശ്രേയസിന് തിളങ്ങുക കടുപ്പമാവും. ഇന്ത്യ സഞ്ജു സാംസണെ ബാക്കപ്പ് ബാറ്റ്സ്മാനായി പരിഗണിക്കേണ്ടിയിരുന്നു.
ഇടം കൈയന് ബാറ്റ്സ്മാന്മാരുടെ കുറവ് നികത്താനും ഓപ്പണിങ്ങിലേക്ക് ബാക്കപ്പാക്കാനും ഇഷാന് കിഷനെയും പരിഗണിക്കാമായിരുന്നു. ബുംറയും ഹര്ഷലും മടങ്ങിയെത്തിയതോടെ ഇന്ത്യന് ടീം ശക്തമായിരിക്കുകയാണ്. ഏത് വമ്പന്മാരെയും വീഴ്ത്താന് കെല്പ്പുള്ള താരനിര ഇന്ന് ഇന്ത്യക്കൊപ്പമുണ്ട്. ഏഷ്യാ കപ്പിലെ തിരിച്ചടികളില് നിന്ന് പാഠം ഉള്ക്കൊണ്ട് ഇന്ത്യക്ക് തിരിച്ചുവരാനാവുമോയെന്നത് കാത്തിരുന്ന് കണ്ടറിയാം.
T20 World Cup: ഇന്ത്യ അവനെ വിശ്വസിക്കരുത്!, നേട്ടം ഉണ്ടാക്കിത്തരില്ല, പേസറെക്കുറിച്ച് ബട്ട്
ഇന്ത്യയുടെ ലോകകപ്പ് ടീം- രോഹിത് ശര്മ (ക്യാപ്റ്റന്) കെഎല് രാഹുല് (വൈസ് ക്യാപ്റ്റന്), വിരാട് കോലി, സൂര്യകുമാര് യാദവ്, ദീപക് ഹൂഡ, റിഷഭ് പന്ത് (വിക്കറ്റ് കീപ്പര്) ദിനേഷ് കാര്ത്തിക് (വിക്കറ്റ് കീപ്പര്) ഹാര്ദിക് പാണ്ഡ്യ, ആര്. അശ്വിന്, യുസ്വേന്ദ്ര ചാഹല്, അക്ഷര് പട്ടേല്, ജസ്പ്രീത് ബുംറ, ഭുവനേശ്വര് കുമാര്, ഹര്ഷല് പട്ടേല്, അര്ഷ്ദീപ് സിംഗ്.
റിസര്വ് താരങ്ങള്- മുഹമ്മദ് ഷമി, ശ്രേയസ് അയ്യര്, രവി ബിഷ്നോയ്, ദീപക് ചാഹര്.
Continue with Google