Click it and Unblock the Notifications
ഡിക്കെയ്ക്കു ഫിനിഷറുടെ റോള്
ദിനേശ് കാര്ത്തികിനു നേരത്തേ ഫിനിഷറുടെ റോള് മാത്രമായിരുന്നു ഇന്ത്യ നല്കിയിരുന്നത്. ഫസ്റ്റ് ചോയ്സ് വിക്കറ്റ് കീപ്പര് റിഷഭ് പന്തായിരുന്നു. പക്ഷെ ബാറ്റിങില് സ്ഥിരമായി ഫ്ളോപ്പായി തുടര്ന്നതോടെ ടീം മാനേജ്മെന്റ് താരത്തെ തഴയാന് നിര്ബന്ധിതരാവുകയായിരുന്നു. ഫിനിഷിങിനൊപ്പം വിക്കറ്റ് കീപ്പറുടെ റോള് കൂടി കാര്ത്തിക്കിനെ ഏല്പ്പിക്കുകയും ചെയ്തു.
ലോകകപ്പിനു മുമ്പ് ഓപ്പണിങിലടക്കം പല പൊസിഷനുകളിലും റിഷഭിനെ ഇന്ത്യ പരീക്ഷിച്ചു നോക്കിയിരുന്നു. പക്ഷെ എല്ലായിടത്തും താരം ദയനീയ പരാജയമായ മാറി. തുടര്ന്നാണ് ലോകകപ്പില് പുറത്തിരുത്തിയത്.
ഡിക്കെ ടീം പ്ലെയര്
ദിനേശ് കാര്ത്തിക് മോശം കളിക്കാരനല്ലെന്നും പക്ഷെ ഇംഗ്ലണ്ടുമായുള്ള സെമി ഫൈനലില് കൂടുതല് ഇംപാക്ടുണ്ടാക്കുക റിഷഭ് പന്താണെന്നുമാണ് രവി ശാസ്ത്രിയുടെ നിരീക്ഷണം. ദിനേശ് നല്ലൊരു ടീം പ്ലെയറാണ്. പക്ഷെ ഇംഗ്ലണ്ട്, ന്യൂസിലാന്ഡ് പോലെയുള്ള ടീമുകള്ക്കെതിരേ കളിക്കുമ്പോള് റിഷഭ് പന്താണ് കൂടുതല് നല്ല ഓപ്ഷനെന്നും രവി ശാസ്ത്രി പറഞ്ഞു.
ഇടംകൈയനായ മാച്ച് വന്നര്
ഇംഗ്ലണ്ട് ടീമിന്റെ ബൗളിങ് ആക്രമണം നോക്കൂ. മല്സരഗതി മാറ്റിമറിക്കാന് ശേഷിയുള്ള., മാച്ച് വിന്നറായ മികച്ചൊരു ഇടം കൈയന് ബാറ്ററെയാണ് ഇന്ത്യന് ടീമിനു ആവശ്യം. ഇംഗ്ലണ്ടിനെതിരേ നന്നായി പെര്ഫോം ചെയ്തിട്ടുള്ളയാളാണ് റിഷഭ്. അടുത്തിടെ ഒരു ഏകദിനത്തില് അവന് ഇംഗ്ലണ്ടിനെതിരേ ഇന്ത്യയെ തനിച്ച് വിജയത്തിലേക്കു നയിച്ചിരുന്നുവെന്നും രവി ശാസ്ത്രി വിലയിരുത്തി.
ഞാനെങ്കില് പന്തിനെ കളിപ്പിക്കും
ഞാനാണെങ്കില് റിഷഭ് പന്തിനെയായിരിക്കും ഇംഗ്ലണ്ടുമായുളള സെമി ഫൈനലില് കളിപ്പിക്കുക. അതു അവന് ഇവിടെ നേരത്തേ കളിച്ചിട്ടുണ്ട് എന്ന കാരണം കൊണ്ടല്ല. മറിച്ച് റിഷഭ് ഒരു എക്സ് ഫാക്ടറായതിനാലാണ്. ടീമിനെ സെമി ഫൈനലില് വിജയിപ്പിക്കാനുള്ള ശേഷി അവനുണ്ടെന്നും സ്റ്റാര് സ്പോര്ട്സിന്റെ ഷോയില് സംസാരിക്കവെ രവി ശാസ്ത്രി അഭിപ്രായപ്പെട്ടു.
ഇടംകൈയന് ഉറപ്പായും വേണം
ഇംഗ്ലണ്ടിനെതിരായ സെമി ഫൈനലില് ഇന്ത്യന് ഇലവനില് ഇടംകൈയന് ബാറ്റര് ഉറപ്പായും വേണമെന്നതിനു കാരണങ്ങളും രവി ശാസ്ത്രി നിരത്തി. അഡ്ലെയ്ഡിലാണ് സെമി ഫൈനല് നടക്കുന്നത്. ഇവിടുത്തെ ബൗണ്ടറികള് ചെറുതാണ്. ഇംഗ്ലണ്ട് ബൗളിങ് ആക്രമണത്തിന്റെ താളം തെറ്റിക്കാന് ഇടംകൈയന് ബാറ്റര് തീര്ച്ചയായും ടീമില് വേണം. ഒരുപാട് വലംകൈയന് ബാറ്റര്മാര് ടീമിലുണ്ടെങ്കില് എല്ലാം ഒരുപോലെ തന്നെ അനുഭവപ്പെടും. ഇംഗ്ലണ്ടിന്റേത് നല്ല ബൗളിങ് നിരയാണ്. ഇടംകൈയന്മാരും വലംകൈയന്മാരുമടങ്ങുന്ന വൈവിധ്യമുള്ള ബൗളിങ് നിര അവര്ക്കുണ്ട്. മുന്നിരയില് 3-4 വിക്കറ്റുകള് നഷ്ടമാവുകയാണെങ്കില് കളി ജയിപ്പിക്കാന് സാധിക്കുന്ന, അപകടകാരിയായ ഒരു ഇടംകൈയന് ബാറ്ററെ ടീമിനു ആവശ്യമാണെന്നും ശാസ്ത്രി കൂട്ടിച്ചേര്ത്തു.
Continue with Google