Click it and Unblock the Notifications
ഒരോവറില് അഞ്ച് പന്ത് മാത്രം
ഓസീസ് ബാറ്റ് ചെയ്ത നാലാം ഓവറിലാണ് സംഭവം. ഈ ഓവറില് അഫ്ഗാന് ബൗളര് എറിഞ്ഞത് അഞ്ച് പന്ത് മാത്രമാണെന്നാണ് വസ്തുത. ഇത്രയും നിര്ണ്ണായകമായ മത്സരത്തില് എങ്ങനെയാണ് അംപയര്ക്ക് ഇത്രയും വലിയ മണ്ടത്തരം സംഭവിച്ചതെന്നാണ് ആരാധകര് ചോദിക്കുന്നത്. നവീന് ഉല് ഹഖ് എറിഞ്ഞ നാലാം ഓവറിലെ ആദ്യ രണ്ട് പന്തിലും സിംഗിള് പിറന്നപ്പോള് മൂന്നാം പന്തില് ബൗണ്ടറിയും നാലാം പന്തില് മൂന്ന് റണ്സും നേടി.
അഞ്ചാം പന്ത് ഡോട്ട് ബോളായതിന് പിന്നാലെ അംപയര് ഓവര് അവസാനിച്ചതായി അറിയിക്കുകയായിരുന്നു. നിര്ണ്ണായകമായ ഒരു ബോള് ഓസീസിന് നഷ്ടമായി. ഐസിസി ടൂര്ണമെന്റുകളില് ഇത്രയും വലിയ പിഴവ് സംഭവിച്ചത് ഗുരുതരമായ വീഴ്ചയായാണ് ആരാധകര് ചൂണ്ടിക്കാട്ടുന്നത്. അഞ്ച് പന്ത് മാത്രമാണ് എറിഞ്ഞതെന്ന് ഓസീസ് ബാറ്റ്സ്മാന്മാരും തിരിച്ചറിയാതെ പോയി.
നെറ്റ് റണ്റേറ്റിനെ ബാധിച്ചു
അവസാന ബോളിലാണ് ഓസ്ട്രേലിയ അഫ്ഗാനിസ്ഥാനെ തോല്പ്പിച്ചത്. റാഷിദ് ഖാന്റെ വെടിക്കെട്ട് ബാറ്റിങ് ഓസീസിനെ അവസാന ഓവര് വരെ വിറപ്പിച്ചു. അവസാന പന്ത് സിക്സര് ആയിരുന്നെങ്കില് ഓസീസ് തോല്ക്കുമായിരുന്നു. ഭാഗ്യംകൊണ്ടാണ് ആതിഥേയര് തോല്ക്കാതെ രക്ഷപെട്ടത്. ഒരു ബോള് കൂടി ഓസീസിന് ലഭിച്ചിരുന്നെങ്കില് നെറ്റ് റണ്റേറ്റില് അത് മാറ്റം കൊണ്ടുവരാനുള്ള സാധ്യതയും തള്ളിക്കളയാനാവില്ല. ജീവന് മരണ പോരാട്ടത്തിന് ഓസീസ് ഇറങ്ങിയപ്പോള് ഇത്തരമൊരു പിഴവ് സംഭവിച്ചത് തെറ്റ് തന്നെയാണ്.
പൊരുതി ജയിച്ച് ഓസീസ്
അഫ്ഗാനിസ്ഥാനെതിരായ മത്സരത്തില് ശക്തമായ പോരാട്ടത്തിനൊടുവിലാണ് ഓസ്ട്രേലിയ വിജയം നേടിയെടുത്തത്. ആദ്യം ബാറ്റ് ചെയ്ത ഓസീസ് 8 വിക്കറ്റ് നഷ്ടത്തില് 168 റണ്സെടുത്തപ്പോള് മറുപടിക്കിറങ്ങിയ അഫ്ഗാനിസ്ഥാന് 20 ഓവറില് 7 വിക്കറ്റ് നഷ്ടത്തില് 164 റണ്സാണ് നേടിയത്. നാല് റണ്സിന്റെ ജയം ഓസീസിന്. ആരോണ് ഫിഞ്ചും ടിം ഡേവിഡുമൊന്നുമില്ലാതെ ഇറങ്ങിയ ഓസീസിനായി ഗ്ലെന് മാക്സ് വെല് (54*) ഫിഫ്റ്റി നേടി. 23 പന്തില് 48* റണ്സുമായി റാഷിദ് ഖാന് അവസാന പന്തുവരെ ഓസീസിന് വിറപ്പിച്ചു. ജയിച്ചെങ്കിലും ഓസീസിന്റെ സെമി സാധ്യത ഇപ്പോഴും കൈയാലപ്പുറത്ത് തന്നെ.
Continue with Google