Click it and Unblock the Notifications
രോഹിത് ശര്മ - കെ എല് രാഹുല്
രോഹിത് ശര്മയും കെ എല് രാഹുലും തന്നെ ഓപ്പണര്മാരായുണ്ടാവും. നായകന് കൂടിയായ രോഹിത്തിന്റെ സമീപകാല പ്രകടനങ്ങള് മോശമാണ്. പാകിസ്താനെതിരേ അവസാന മത്സരങ്ങളിലെല്ലാം നിരാശപ്പെടുത്തിയ ഹിറ്റ്മാന് ഇത്തവണ മികവ് കാട്ടേണ്ടത് അത്യാവശ്യമാണ്. ആദ്യ സന്നാഹത്തില് മൂന്ന് റണ്സ് മാത്രമാണ് രോഹിത്തിന് നേടാനായത്. പവര്പ്ലേയില് രോഹിത് നടത്തുന്ന പ്രകടനം ഇന്ത്യക്ക് വളരെ നിര്ണ്ണായകമാണ്. കെ എല് രാഹുല് സന്നാഹത്തില് ഫിഫ്റ്റിയടക്കം നേടി. എന്നാല് ഉയര്ന്ന സ്ട്രൈക്കറേറ്റില് രാഹുല് കളിക്കേണ്ടത് അത്യാവശ്യമായിരിക്കുകയാണ്.
വിരാട് കോലി, സൂര്യകുമാര് യാദവ്, ഹര്ദിക് പാണ്ഡ്യ
മൂന്നാം നമ്പറില് ഇന്നിങ്സ് മുന്നോട്ട് കൊണ്ടുപോകാന് വിരാട് കോലിയുണ്ടാവും. മോശം ഫോമിനെ അതിജീവിച്ച് വിരാട് കോലി ശക്തമായി തിരിച്ചെത്തിയത് ഇന്ത്യക്ക് വലിയ ആത്മവിശ്വാസം നല്കുന്ന കാര്യമാണ്. ഏഷ്യാ കപ്പില് സെഞ്ച്വറിയടക്കം നേടി കസറാന് കോലിക്കായിരുന്നു. 2021ലെ ടി20 ലോകകപ്പില് പാകിസ്താനെതിരേ കോലി ഫിഫ്റ്റി നേടിയിരുന്നു. സൂര്യകുമാര് യാദവാണ് നിലവില് ഇന്ത്യന് ടീമില് ഏറ്റവും ഫോമില്. സമീപകാലത്ത് കളിച്ച മത്സരങ്ങളിലെല്ലാം വെടിക്കെട്ട് ബാറ്റിങ് കാഴ്ചവെക്കാന് സൂര്യക്കായിരുന്നു.
നാലാം നമ്പറില് മറ്റൊരു പകരക്കാരനെക്കുറിച്ച് ഇന്ത്യ ചിന്തിക്കുക പോലുമില്ല. അഞ്ചാം നമ്പറില് ഹര്ദിക് പാണ്ഡ്യക്കാണ് അവസരം. ഇന്ത്യയുടെ പേസ് ഓള്റൗണ്ടര്ക്ക് മധ്യനിരയില് നിര്ണ്ണായക റോള്. ഫിനിഷറെന്ന നിലയിലും ഇന്ത്യ വലിയ പരിഗണനയാണ് ഹര്ദിക്കിന് നല്കുന്നത്. അഞ്ചാം നമ്പറില് ഹര്ദിക് കളിക്കുമ്പോള് റിഷഭ് പന്ത് പുറത്തിരിക്കും.
ദിനേഷ് കാര്ത്തിക്, അക്ഷര് പട്ടേല്, ആര് അശ്വിന്
വിക്കറ്റ് കീപ്പര് ബാറ്റ്സ്മാനായും ഫിനിഷറായും ഇന്ത്യ അവസരം നല്കുക സീനിയര് ബാറ്റ്സ്മാന് ദിനേഷ് കാര്ത്തികിലാണ്. അവസാന ഓവറുകളില് അതിവേഗം റണ്സുയര്ത്താന് കഴിവുള്ള ഡികെ സമീപകാലത്തായി മികച്ച പ്രകടനങ്ങളാണ് കാഴ്ചവെക്കുന്നത്. ഏഴാം നമ്പറില് ഇടം കൈയന് സ്പിന് ഓള്റൗണ്ടര് അക്ഷര് പട്ടേലിനാണ് അവസരം. പവര്പ്ലേയിലടക്കം നന്നായി പന്തെറിയാന് കഴിവുള്ള അക്ഷര് വിക്കറ്റ് വീഴ്ത്താനും മിടുക്കുകാട്ടുന്നു.
രവീന്ദ്ര ജഡേജയുടെ അഭാവം നികത്താന് ഒരു പരിധിവരെ അക്ഷറിന് സാധിക്കുന്നു. ആര് അശ്വിനെ ഇന്ത്യ പ്ലേയിങ് 11 ഉള്പ്പെടുത്തിയേക്കും. ഇന്ത്യയുടെ സീനിയര് സ്പിന് ഓള്റൗണ്ടറാണ് അദ്ദേഹം. യുസ് വേന്ദ്ര ചഹാലിനെ പുറത്തിരുത്തി അശ്വിനെ ഇന്ത്യ പരിഗണിക്കാനാണ് സാധ്യത കൂടുതല്. ബാറ്റുകൊണ്ടും അശ്വിന് ടീമിന് ഗുണം ചെയ്യുന്നു.
ഹര്ഷല് പട്ടേല്, അര്ഷദീപ് സിങ്, ഭുവനേശ്വര് കുമാര്
ഇന്ത്യയുടെ പ്ലേയിങ് 11 ഹര്ഷല് പട്ടേലിനും സ്ഥാനമുറപ്പ്. അതിവേഗ പേസറല്ലെങ്കിലും നന്നായി സ്ലോബോളുകളെറിയാന് കഴിവുള്ള താരമാണ് ഹര്ഷല്. ഓസ്ട്രേലിയയിലെ അതിവേഗ പിച്ചില് ഹര്ഷലിന്റെ സ്ലോ ബോളുകള് ക്ലിക്കായേക്കും. 10ാമനായി ഇടം കൈയന് പേസര് അര്ഷദീപ് സിങ് ഉണ്ടാവും. യോര്ക്കറുകളിലൂടെ ഡെത്ത് ഓവറുകളിലെ റണ്ണൊഴുക്ക് തടയാന് അര്ഷദീപ് മിടുക്കനാണ്. സീനിയര് പേസറായി ഭുവനേശ്വര് കുമാറും ഒപ്പമുണ്ടാവും. ജസ്പ്രീത് ബുംറക്ക് പകരക്കാരനായെത്തിയ മുഹമ്മദ് ഷമിക്ക് ആദ്യ മത്സരത്തില് അവസരം ലഭിച്ചേക്കില്ല.
Continue with Google