Click it and Unblock the Notifications
ടീമിന്റെ ബാലന്സിനെ ബാധിക്കുന്നു
എപ്പോഴും ടീമിന് എടുത്തു പറയാന് ഒരു ഒന്നാം നിര പ്ലേയിങ് 11 ആവിശ്യമാണ്. ഇന്ത്യ നിരന്തരം പ്ലേയിങ് 11 മാറ്റം വരുത്തുന്നത്. ടീമിന്റെ ബാലന്സിനെ തകര്ക്കുന്നു. ടീമിനുള്ളില് താരങ്ങള്ക്ക് ഒത്തിണക്ക് നഷ്ടമാവുകയും മികച്ച കൂട്ടുകെട്ടുകള് സൃഷ്ടിക്കാന് സാധിക്കാതെ വരികയും ചെയ്യുന്നു. താരങ്ങള് തമ്മിലുള്ള ആത്മബന്ധവും പരസ്പര ധാരണയും ക്രിക്കറ്റില് വളരെ പ്രധാനപ്പെട്ടതാണ്. ടീമില് ഇടക്കിടെ മാറ്റം വരുമ്പോള് ഇതെല്ലാം നഷ്ടമാവുകയും ടീമിന്റെ പ്രകടനത്തെയത് ബാധിക്കുകയും ചെയ്യുന്നു.
ഇന്ത്യക്ക് മികച്ച പേസര്മാര് വേണം, ആരെ വളര്ത്തും!, അഞ്ച് യുവതാരങ്ങളിതാ
താരങ്ങളുടെ ആത്മവിശ്വാസം കുറക്കും
താരങ്ങളെ സമ്മര്ദ്ദത്തിലാക്കുന്ന നീക്കമാണ് നിലവില് ഇന്ത്യന് ടീം നടത്തുന്നത്. ഒരു യുവ താരത്തിനും ഇന്ത്യന് ടീമില് സ്ഥാനം ഉറപ്പില്ലാത്ത അവസ്ഥ. ഇത് താരങ്ങളുടെ ആത്മവിശ്വാസത്തെ ബാധിക്കും. ഒന്നോ രണ്ടോ മോശം പ്രകടനംകൊണ്ട് താരങ്ങള്ക്ക് സ്ഥാനം നഷ്ടമാകുമെന്ന അവസ്ഥ വരുന്നതോടെ താരങ്ങള്ക്ക് കൂടുതല് സമ്മര്ദ്ദത്തോടെ കളിക്കേണ്ടി വരികയും അവരുടെ പ്രകടനത്തെയത് ബാധിക്കുകയും ചെയ്യുന്നു.
താരങ്ങളുടെ ശൈലിയെ ബാധിക്കുന്നു
ഇന്ത്യ ബാറ്റിങ് ഓഡറിലും വലിയ പരീക്ഷണങ്ങള് നടത്തിക്കൊണ്ടേയിരിക്കുന്നു. സൂര്യകുമാര് യാദവ് നാലാം നമ്പറില് കളിക്കുമ്പോഴാണ് കൂടുതല് ഗുണം ചെയ്യുന്നത്. താരത്തിനെ ഓപ്പണിങ്ങിലും അഞ്ചാം നമ്പറിലുമെല്ലാം ഇന്ത്യ കളിപ്പിച്ചു. ബാറ്റിങ് പൊസിഷന് മാറുന്നതോടെ സൂര്യയുടെ ശൈലിയിലും മാറ്റേണ്ടി വരുന്നു. ദീപക് ഹൂഡ ടോപ് ഓഡറില് കളിക്കാന് കെല്പ്പുള്ള താരമാണ്. എന്നാല് ഇന്ത്യ ഹൂഡയെ ഫിനിഷറാക്കാന് ശ്രമിക്കുന്നു. താരത്തിന് തിളങ്ങാനാവുന്നില്ല. അനുയോജ്യമല്ലാത്ത പൊസിഷനുകള് നല്കി ഇന്ത്യ പരീക്ഷണം നടത്തുന്നത് ടീമിന് തന്നെ തിരിച്ചടിയായി മാറുമെന്നുറപ്പ്.
ടീമിന്റെ കെട്ടുറപ്പ് നഷ്ടപ്പെടും
സ്ഥിരമായൊരു മികച്ച പ്ലേയിങ് 11 ഉണ്ടായാല് ടീമീന് മികച്ച കെട്ടുറപ്പും ടീമിനുള്ള മികച്ചൊരു ധാരണയുമുണ്ടാവും. എന്നാല് നിരന്തരം ടീമിനുള്ളില് മാറ്റം വരുമ്പോള് ഈ കെട്ടുറപ്പ് നഷ്ടപ്പെടുന്നു. നിരന്തരം മാറ്റം വരുമ്പോള് ആശയക്കുഴപ്പങ്ങള്ക്ക് സാധ്യതകളേറെ. ഏഷ്യാ കപ്പിലെ ഇന്ത്യന് ടീമിന്റെ പ്രകടനത്തില് ഈ കെട്ടുറപ്പില്ലായിരുന്നു. ഇന്ത്യ ടി20 ലോകകപ്പിന് മുമ്പ് തിരികെ കൊണ്ടുവരേണ്ടതും ഈ കെട്ടുറപ്പാണ്.
ASIA CUP: റിഷഭ് ടെസ്റ്റ് കളിക്കട്ടെ, ടി20യില് വേണ്ട! സഞ്ജു വരണമെന്ന് ആരാധകര്
ടീമിന് നല്ല മാതൃകയാവില്ല
നിരന്തരം പരീക്ഷണം നടത്തുന്നത് ഒരു ടീമിനും നല്ല മാതൃകയല്ല. താരങ്ങള്ക്ക് അവസരങ്ങള് നല്കി പിന്തുണച്ച് മികച്ച പ്രകടനത്തിലേക്കെത്തിക്കുകയാണ് വേണ്ടത്. അതുകൊണ്ട് തന്നെ നിരന്തരം ടീമില് മാറ്റം വരുത്തുന്നത് നല്ല മാതൃകയായി കണക്കാക്കാനാവില്ല. ഇന്ത്യയെപ്പോലൊരു വലിയ ആരാധക പിന്തുണയുള്ള ടീമില് ഇത്തരത്തിലുള്ള മോശം പരീക്ഷണങ്ങള് വലിയ വിമര്ശനത്തിന് കാരണമാവുമെന്നുറപ്പ്.
Continue with Google