രോഹിത്തിന്റെ പകരക്കാരനെ ഇനി കാത്തിരിക്കേണ്ട! ഗില്‍ തയ്യാര്‍, കിടിലന്‍ ഫോമില്‍

കളിച്ചത് 10 ഇന്നിങ്‌സുകള്‍

ഇന്ത്യക്കു വേണ്ടി ഏകദിനത്തില്‍ ഈ വര്‍ഷം ശുഭ്മാന്‍ ഗില്‍ കളിച്ചിട്ടുള്ളത് 10 ഇന്നിങ്‌സുകളാണ്. ഇവയില്‍ ഒന്നില്‍ സെഞ്ച്വറി കുറിച്ച താരം നാലെണ്ണത്തില്‍ ഫിഫ്റ്റിയും കണ്ടെത്തി.
130 റണ്‍സാണ് ഗില്ലിന്റെ കരിയര്‍ ബെസ്റ്റ് പ്രകടനം. 98 ബോളില്‍ പുറത്താവാതെ 98 റണ്‍സ്, 72 ബോളില്‍ പുറത്താവാതെ 82 റണ്‍സ്, 53 ബോളില്‍ 63 റണ്‍സ്, ഇന്നത്തെ കളിയിലെ 50 റണ്‍സ് എന്നിയാണ് താരത്തിന്റെ നാലു ഫിഫ്റ്റി ഇന്നിങ്‌സുകള്‍. 43 (49 ബോള്‍), 33 (34), 3 (7), 28 (26), 49 (57) എന്നിങ്ങനെയാണ് ബാക്കിയുള്ള മല്‍സരങ്ങളില്‍ ഗില്ലിന്റെ പ്രകടനം.

Also Read: IND vs NZ 2022: റിഷഭ് ആഭ്യന്തര ക്രിക്കറ്റ് കളിക്കട്ടെ! തടിയും കുറയ്ക്കട്ടെ- തുറന്നടിച്ച് കനേരിയ

സെഞ്ച്വറി സിംബാബ്‌വെയ്‌ക്കെതിരേ

ഈ വര്‍ഷത്തെ ഏഷ്യാ കപ്പിനു തൊട്ടുമുമ്പ് ഇന്ത്യന്‍ ടീം സിംബാബ്‌വെയില്‍ പര്യടനം നടത്തിയിരുന്നു. ഈ ഏകദിന പരമ്പരയിലായിരുന്നു ശുഭ്മാന്‍ ഗില്‍ തന്റെ കരിയര്‍ ബെസ്റ്റ് ഇന്നിങ്‌സ് കളിച്ചത്. ആഗസ്റ്റ് 22ന് ഹരാരെയില്‍ നടന്ന മൂന്നാമത്തെയും അവസാനത്തെയും മല്‍സരത്തിലായിരുന്നു ടീമിനായി താരത്തിന്റെ വണ്‍മാന്‍ഷോ.
മല്‍സരത്തില്‍ ക്യാപ്റ്റന്‍ കെഎല്‍ രാഹുലും ശിഖര്‍ ധവാനും ചേര്‍ന്നായിരുന്നു ടീമിനായി ഓപ്പണ്‍ ചെയ്തത്. മൂന്നാമനായെത്തിയ ഗില്‍ 130 റണ്‍സോടെ ഇന്ത്യന്‍ ഇന്നിങ്‌സിന്റെ അമരക്കാരനായി മാറി. വെറും 97 ബോളിലായിരുന്നു 15 ബൗണ്ടറിയും ഒരു സിക്‌സറുമടക്കം താരം 130 റണ്‍സ് അടിച്ചെടുച്ചത്തത്. മല്‍സരത്തില്‍ ഇന്ത്യ ജയിച്ചതോടെ പ്ലെയര്‍ ഓഫ് ദി മാച്ചായ ഗില്‍ പരമ്പരയുടെ താരമായും തിരഞ്ഞെടുക്കപ്പെട്ടു.

Also Read: രാഹുലിന് ആവശ്യത്തിന് അവസരം നല്‍കി, ലോകകപ്പില്‍ ഗില്‍ മതി- ഡാനിഷ് കനേരിയ

ഗില്ലിന്റെ കരിയര്‍

ഇന്ത്യക്കു വേണ്ടി ടെസ്റ്റ്, ഏകിന ഫോര്‍മാറ്റുകളില്‍ മാത്രമേ ശുഭ്മാന്‍ ഗില്‍ കളിച്ചിട്ടുള്ളൂ. ഏകദിന അരങ്ങേറ്റത്തിനു വേണ്ടി താരം കാത്തിരിക്കുകയാണ്. ടെസറ്റില്‍ 21 ഇന്നിങ്‌സുകള്‍ കളിച്ച താരം 57.33 എന്ന മികച്ച ശരാശരിയില്‍ 579 റണ്‍സ് സ്‌കോര്‍ ചെയ്തിട്ടുണ്ട്. നാലു ഫിഫ്റ്റികളുള്‍പ്പെടെയാണിത്. ഉയര്‍ന്ന സ്‌കോര്‍ 91 റണ്‍സാണ്.
ഏകദിനത്തിലാവട്ടെ ഗില്‍ ഇതുവരെ കളിച്ചത് 13 ഇന്നിങ്‌സുകളിലാണ്. ഇവയല്‍ നിന്നും 57.18 ശരാശരിയില്‍ 62 റണ്‍സെടുക്കുകയും ചെയ്തിട്ടുണ്ട്.

ഐപിഎല്ലിലും തിളങ്ങി

ഐപിഎല്ലിലും ശ്രദ്ധേയമായ പ്രകടനമാണ് ശുഭ്മാന്‍ ഗില്‍ നടത്തുന്നത്. കൊല്‍ക്കത്ത നൈറ്റ്‌റൈഡേഴ്‌സിലൂടെയാണ് താരം ടൂര്‍ണമെന്റില്‍ അരങ്ങേറിയത്. കഴിഞ്ഞ സീസണില്‍ ചാംപ്യന്‍മാരായ ഗുജറാത്ത് ടൈറ്റന്‍സിന്റെ ഭാഗമായിരുന്നു ഗില്‍. ഐപിഎല്ലില്‍ ഇതുവരെ 71 ഇന്നിങ്‌സുകള്‍ കളിച്ച താരത്തിന്റെ സമ്പാദ്യം 1900 റണ്‍സാണ്. 14 ഫിഫ്റ്റികളോടെയാണിത്.