അരങ്ങേറ്റത്തില്‍ ഫ്‌ളോപ്പ്, ധോണി വന്ന് പറഞ്ഞത് ഒരു കാര്യം! വെളിപ്പെടുത്തി ശുബ്മാന്‍ ഗില്‍

ധോണി പറഞ്ഞത് തന്റെ അരങ്ങേറ്റത്തെപ്പറ്റി

'എന്റെ അരങ്ങേറ്റ മത്സരത്തില്‍ ഇന്ത്യ 15 റണ്‍സില്‍ നില്‍ക്കുമ്പോഴാണ് പുറത്താവുന്നത്. 9 റണ്‍സ് മാത്രമെടുത്ത് ഞാന്‍ പുറത്തായി എന്നത് വലിയ നിരാശയുണ്ടാക്കി. 19 വയസായിരുന്നു എന്റെ അന്നത്തെ പ്രായം. മഹിഭായി എന്റെ അടുത്തുവന്ന് പറഞ്ഞത് എന്റെ അരങ്ങേറ്റത്തെക്കാളും ഭേദമാണല്ലോ നിന്റേതെന്നാണ്. ഒരു പന്ത് പോലും നേരിടാതെ അരങ്ങേറ്റ മത്സരത്തില്‍ അദ്ദേഹം റണ്ണൗട്ടാവുകയായിരുന്നു. ഇത് എന്നോട് പറഞ്ഞ് ധോണി ചിരിക്കുകയാണ് ചെയ്തത്- ഗില്‍ ചാറ്റ് ഷോയില്‍ വെളിപ്പെടുത്തി.

Also Read: ഇന്ത്യക്ക് ടി20 കളിക്കാനറിയില്ല! ഇനിയും ഒരുപാട് മനസിലാക്കാനുണ്ട്- ചൂണ്ടിക്കാട്ടി അശ്വിന്‍

തുടക്കം പിഴച്ച ധോണി ഇന്ന് ഇതിഹാസം

അരങ്ങേറ്റ മത്സരത്തില്‍ അക്കൗണ്ട് തുറക്കാനോ ഒരു പന്ത് നേരിടാനോ ഭാഗ്യമില്ലാതെ റണ്ണൗട്ടായ താരമാണ് ധോണി. ഏതൊരു തുടക്കക്കാരനെ സംബന്ധിച്ചും മാനസികമായി തളര്‍ന്ന് പോകുന്ന അവസ്ഥയായിരിക്കും ഇത്. എന്നാല്‍ ധോണി ഈ മോശം തുടക്കത്തെ ഊര്‍ജമാക്കി മാറ്റുകയാണ് ചെയ്തത്. ഇപ്പോള്‍ പകരക്കാരനില്ലാത്ത പ്രതിഭാസമായി ധോണി മാറിയിരിക്കുന്നു. ഇന്ത്യക്ക് മൂന്ന് ഐസിസി കിരീടങ്ങള്‍ നേടിക്കൊടുത്ത ധോണി ലോക ക്രിക്കറ്റിലെ എക്കാലത്തെയും മികച്ച നായകനായും ഫിനിഷറായും വിക്കറ്റ് കീപ്പറായുമാണ് പാഡഴിച്ചത്.

ശുബ്മാന്‍ ഭാവിയിലെ സൂപ്പര്‍ താരം

ഇന്ത്യ വലിയ ഭാവി കല്‍പ്പിക്കുന്ന താരങ്ങളിലൊരാളാണ് ശുബ്മാന്‍ ഗില്‍. ടി20യിലും കൂടുതല്‍ അവസരം ശുബ്മാന് നല്‍കാനൊരുങ്ങുകയാണ് ടീം മാനേജ്‌മെന്റ്. വമ്പനടിക്കാരനായ താരമല്ലെങ്കിലും ക്ലാസിക് ഷോട്ടുകളിലൂടെ റണ്‍സുയര്‍ത്താന്‍ കഴിവുള്ളവനാണ്. നിലവില്‍ ഓപ്പണര്‍ റോളിലാണ് ഗില്‍ തിളങ്ങുന്നതെങ്കിലും വിരാട് കോലിക്ക് ശേഷം മൂന്നാം നമ്പറില്‍ തിളങ്ങാന്‍ കഴിവുള്ളവനാണ് ഗില്‍. കോലിയോട് ഉപമിക്കാവുന്ന ശൈലിയാണ് ഗില്ലിന്റേത്. അനുഭവസമ്പത്ത് നല്‍കി പിന്തുണച്ചാല്‍ വലിയ നേട്ടമുണ്ടാക്കാന്‍ ഗില്ലിന് സാധിച്ചേക്കും.

Also Read: FIFA World Cup 2022: ബ്രസീലിന് കപ്പടിക്കാന്‍ എളുപ്പമല്ല! കരുത്ത് തന്നെ തലവേദന, അറിയാം

ഐപിഎല്ലിലും മികച്ച പ്രകടനം തുടരുന്നു

ഐപിഎല്ലിലും ഇന്ത്യക്കായി മികച്ച പ്രകടനമാണ് ശുബ്മാന്‍ ഗില്‍ കാഴ്ചവെക്കുന്നത്. കൊല്‍ക്കത്ത നൈറ്റ് റൈഡേഴ്‌സ് താരമായിരുന്ന ഗില്‍ അവസാന സീസണില്‍ ഗുജറാത്ത് ടൈറ്റന്‍സിന്റെ താരമായിരുന്നു. ഗുജറാത്തിനെ കിരീടത്തിലേക്കെത്തിക്കുന്നതില്‍ നിര്‍ണ്ണായക പങ്കുവഹിച്ച താരമാണ് ഗില്‍. 74 ഐപിഎല്ലില്‍ നിന്ന് 32.2 ശരാശരിയില്‍ 1900 റണ്‍സാണ് താരം നേടിയത്. എന്നാല്‍ സ്‌ട്രൈക്കറേറ്റ് 125.25 മാത്രമാണെന്നതാണ് പ്രശ്‌നം. ഇന്ത്യന്‍ ടി20 ടീം ആക്രമണത്തിലേക്ക് ചുവടുമാറ്റാന്‍ തയ്യാറെടുക്കുമ്പോള്‍ ഗില്ലിന്റെ സ്‌ട്രൈക്കറേറ്റ് നിരാശപ്പെടുത്തുന്നതാണെന്ന് പറയാം. താരം മെച്ചപ്പെടുത്തേണ്ട കാര്യവും ഇതാണ്.