Click it and Unblock the Notifications
വെങ്കടേഷ് അയ്യര്
ഹര്ദിക് പാണ്ഡ്യയുടെ അഭാവത്തില് ഇന്ത്യ വളര്ത്തിക്കൊണ്ട് വരാന് ശ്രമിച്ച ഇടം കൈയന് മീഡിയം പേസ് ഓള്റൗണ്ടറാണ് വെങ്കടേഷ് അയ്യര്. 2021ലെ ഐപിഎല്ലില് കൊല്ക്കത്ത നൈറ്റ് റൈഡേഴ്സ് ഓപ്പണറെന്ന നിലയില് കസറിയ വെങ്കടേഷിനെ വളരെ വേഗം ഇന്ത്യ ടീമിലേക്ക് പരിഗണിച്ചു. കെകെആറില് ഓപ്പണറായ താരത്തെ ഇന്ത്യ ഫിനിഷര് റോളിലാണ് പരീക്ഷിച്ചത്. 7 ഇന്നിങ്സില് നിന്ന് 133 റണ്സ് നേടിയ വെങ്കടേഷ് അഞ്ച് വിക്കറ്റും നേടി. എന്നാല് ഫിനിഷറെന്ന നിലയില് വിശ്വസ്തനായി മാറാന് വെങ്കടേഷിനായില്ല. ഇതോടെ ഇന്ത്യന് ടീമിലെ താരത്തിന്റെ സീറ്റ് തെറിച്ചു. ഹര്ദിക് മിന്നും ഫോമില് മടങ്ങിയെത്തിയതോടെ വെങ്കടേഷ് അയ്യരെ ഇന്ത്യ പൂര്ണ്ണമായും തഴഞ്ഞു. ഇനിയൊരു തിരിച്ചുവരവും കടുപ്പം.
പൃഥ്വി ഷാ
ഇന്ത്യയുടെ വെടിക്കെട്ട് ഓപ്പണര് പരിവേഷമുള്ള താരമാണ് പൃഥ്വി ഷാ. ഇന്ത്യ അണ്ടര് 19 ടീമിനെ ലോകകപ്പ് കിരീടം ചൂടിച്ച പൃഥ്വി വലിയ പ്രതീക്ഷ നല്കിയാണ് ഇന്ത്യന് ടീമിലേക്കെത്തിയത്. 2018ലെ അരങ്ങേറ്റ ടെസ്റ്റില് സെഞ്ച്വറി നേടി വരവറിയിച്ച താരം പതിയ ഫോമൗട്ടായി. ന്യൂസീലന്ഡിനും ഓസ്ട്രേലിയയിലും ഫ്ളോപ്പായതോടെ പൃഥ്വ ടെസ്റ്റ് ടീമിന് പുറത്തായി. ശ്രീലങ്കയ്ക്കെതിരായ പരിമിത ഓവര് പരമ്പരയിലൂടെ തിരിച്ചെത്തിയ പൃഥ്വിഷാക്ക് ശ്രദ്ധേയ പ്രകടനം കാഴ്ചവെക്കാനായില്ല. ഐപിഎല്ലില് തല്ലിത്തകര്ക്കുന്ന ഓപ്പണറായിട്ടും ഇന്ത്യയുടെ ടി20 ടീമില് പോലും പൃഥ്വിക്ക് ഇപ്പോള് ഇടമില്ല. ഇന്ത്യ ഇനിയും അവസരം കൊടുക്കാന് സാധ്യതയുള്ള താരമാണ് പൃഥ്വി ഷാ.
കോലിയും ഹസന് അലിയും നേരിടുന്നത് ഒരേ പ്രശ്നം, പരിഹാരമുണ്ട്!, ചൂണ്ടിക്കാട്ടി പാക് താരം
നവദീപ് സൈനി
ഇന്ത്യയുടെ പേസ് നിരയില് പ്രതീക്ഷ നല്കിയ താരമാണ് നവദീപ് സൈനി. തുടര്ച്ചയായി 140 പ്ലസ് വേഗത്തിലെറിയാന് വലം കൈയന് പേസര്ക്ക് കഴിവുണ്ട്. 9 ടി20യില് നിന്ന് 13 വിക്കറ്റ് വീഴ്ത്തിയ താരം തുടക്ക സമയത്ത് മികച്ച പ്രകടനമാണ് കാഴ്ചവെച്ചതെങ്കിലും പിന്നീട് തല്ലുകൊള്ളിയായി മാറി. കളത്തിലെ പെരുമാറ്റത്തിന്റെ പേരിലും വിമര്ശനം നേരിട്ടതോടെ സൈനിയെ ഇന്ത്യ തഴഞ്ഞു. ഐപിഎല്ലിലും ടീമിലെ സ്ഥിര സാന്നിധ്യമാവാന് സൈനിക്കായിട്ടില്ല. ഇനിയൊരു തിരിച്ചുവരവും സൈനിക്ക് പ്രയാസമാവും.
ശിവം ദുബെ
യുവരാജ് സിങ്ങിന്റെ പകരക്കാരനെന്ന നിലയില് വലിയ കൊട്ടിഘോഷിക്കപ്പെട്ട താരമാണ് ശിവം ദുബെ. വലം കൈയന് ബൗളറും ഇടം കൈയന് ബാറ്റ്സ്മാനുമായ ദുബെ തമിഴ്നാട് പ്രീമിയര് ലീഗില് വെടിക്കെട്ട് പ്രകടനം നടത്തിയാണ് ശ്രദ്ധ പിടിച്ചുപറ്റിയത്. 13 ടി20 ഇന്ത്യക്കായി കളിച്ച് 105 റണ്സാണ് ദുബെ നേടിയത്. അഞ്ച് വിക്കറ്റാണ് ആകെ വീഴ്ത്തിയത്. ഇപ്പോള് രണ്ട് വര്ഷത്തോളമായി അദ്ദേഹം ഇന്ത്യന് ടീമിന് പുറത്താണ് ഇനിയൊരു തിരിച്ചുവരവ് എളുപ്പമല്ല.
T20 World Cup: കോലി മൂന്നാം നമ്പറില് തുടരും, സൂപ്പര് ഓള്റൗണ്ടര് ഉണ്ടാവില്ല!, നിര്ണ്ണായക സൂചന
വിജയ് ശങ്കര്
ഇന്ത്യയുടെ ത്രീ ഡയമന്ഷന് താരമെന്ന നിലയില് രവി ശാസ്ത്രിയടക്കം വാഴ്ത്തിയ ഓള്റൗണ്ടറാണ് തമിഴ്നാട് കാരനായ വിജയ് ശങ്കര്. എന്നാല് ബാറ്റിങ്ങിലും ബൗളിങ്ങിലും ഒരുപോലെ നിരാശപ്പെടുത്തിയ താരത്തിന് അധികം അവസരങ്ങള് ലഭിച്ചില്ല. ഐപിഎല്ലിലും ഇപ്പോള് ടീമിന് പുറത്താണ്. 2019ലെ ഏകദിന ലോകകപ്പിനുള്ള ടീമില് അമ്പാട്ടി റായിഡുവിനെ മറികടന്ന് വിജയ് ശങ്കറെത്തിയത് വലിയ വിവാദമായിരുന്നു.
Continue with Google