ഇന്ത്യയെ തോല്‍പ്പിക്കൂ, സിംബാബ്‌വെക്കാരനെ വിവാഹം കഴിക്കാം-പാക് നടിയുടെ ഓഫര്‍

സിംബാബ്‌വെക്കാരനെ വിവാഹം കഴിക്കാം

ഇന്ത്യയെ സിംബാബ് വെ തോല്‍പ്പിച്ചാല്‍ സിംബാബ് വെക്കാരനെ വിവാഹം കഴിക്കാം എന്നാണ് പാകിസ്താന്‍ നടിയുടെ വാഗ്ദാനം. ട്വിറ്ററിലൂടെയാണ് നടി ഇക്കാര്യം അറിയിച്ചത്. ഞായറാഴ്ചയാണ് ഇന്ത്യ-സിംബാബ് വെ പോരാട്ടം. ഇതില്‍ തോല്‍ക്കാതെ നോക്കിയാല്‍ ഇന്ത്യക്ക് സെമി ഉറപ്പിക്കാം. അതേ സമയം ഇന്ത്യ തോറ്റാല്‍ മാത്രമെ പാകിസ്താന് സെമി പ്രതീക്ഷയുള്ളൂ. അതുകൊണ്ട് തന്നെ സൂപ്പര്‍ പോരാട്ടത്തെ ആകാംക്ഷയോടെയാണ് എല്ലാവരും ഉറ്റുനോക്കുന്നത്.സിംബാബ്‌വെ ഇത്തവണ അട്ടിമറികള്‍ നടത്തി ഞെട്ടിച്ച ടീമാണ്. അതുകൊണ്ട് തന്നെ ഇന്ത്യ കരുതിത്തന്നെയാവും ഇറങ്ങുന്നത്.

Also Read : IPL 2023:പഞ്ചാബ് കിങ്‌സിനെ ഇനി ധവാന്‍ നയിക്കും, മായങ്കിന്റെ കസേര തെറിച്ചു

നേരത്തെയും ഇന്ത്യക്കെതിരേയെത്തി

ഇതിനോടകം നടിയുടെ ട്വീറ്റിന് താഴെ നിരവധി പ്രതികരണങ്ങളാണ് ലഭിച്ചത്. ഇന്ത്യ-ബംഗ്ലാദേശ് മത്സരത്തില്‍ ബംഗ്ലാദേശ് ജയിക്കുമെന്ന് നിരവധി തവണ സെഹാര്‍ ഷിന്‍വാരി ട്വിറ്ററില്‍ പോസ്റ്റ് ചെയ്തിരുന്നു. എന്നാല്‍ ലാസ്റ്റ് ഓവര്‍ ത്രില്ലറില്‍ ഇന്ത്യ വിജയിച്ചതോടെ നിരവധി ട്രോളുകള്‍ സെഹാറിനെതിരേ ഉയര്‍ന്നിരുന്നു. ഇതിന് മുമ്പും ഇന്ത്യ തോല്‍ക്കുമെന്ന തരത്തിലുള്ള പ്രവചനങ്ങള്‍ ട്വിറ്ററിലൂടെ താരം പങ്കുവെച്ചിരുന്നു. ഇന്ത്യയുടെ അവസാന ഓസീസ് പരമ്പരയില്‍ ഒരു മത്സരം തോറ്റപ്പോള്‍ വിമര്‍ശനവുമായി പാകിസ്താന്‍ നടി രംഗത്തെത്തിയിരുന്നു.

Also Read : ബാബര്‍ 'സ്വാര്‍ത്ഥനെന്ന്' ഗംഭീര്‍, വാക്കുകള്‍ സൂക്ഷിക്കണമെന്ന് അഫ്രീദി, പോരാട്ടം ശക്തം

പാകിസ്താന് വലിയ പ്രതീക്ഷ വേണ്ട

സെമിയിലെത്താന്‍ ഇന്ത്യ, ദക്ഷിണാഫ്രിക്ക മത്സരഫലങ്ങളിലേക്കാണ് പാകിസ്താന്‍ ഉറ്റുനോക്കുന്നത്. അതിന് മുന്നോടിയായി പാകിസ്താന്‍ അവസാന മത്സരത്തില്‍ ബംഗ്ലാദേശിനെ വലിയ മാര്‍ജിനില്‍ തോല്‍പ്പിക്കേണ്ടതായുണ്ട്. കൂടാതെ ഇന്ത്യ അവസാന മത്സരത്തില്‍ സിംബാബ് വെയോട് തോല്‍ക്കുകയും ചെയ്യണം. ഇതിന് സാധ്യത കുറവാണ്. മഴമൂലം പോയിന്റ് പങ്കിട്ടാലും ഇന്ത്യ ജയിക്കും. അതേ സമയം ദക്ഷിണാഫ്രിക്കയ്ക്കും അവസാന മത്സരം നിര്‍ണ്ണായകം. നെതര്‍ലന്‍ഡ്‌സിനെ തോല്‍പ്പിച്ചാലെ ദക്ഷിണാഫ്രിക്കയ്ക്കും സെമിയിലെത്താനാവു.