Click it and Unblock the Notifications
മുഹമ്മദ് ആസിഫാണ് പ്രയാസപ്പെടുത്തിയത്
പാകിസ്താന് സ്വിങ് പേസര് മുഹമ്മദ് ആസിഫിനെയാണ് പ്രയാസപ്പെടുത്തിയ ബൗളറെന്ന് റോബിന് ഉത്തപ്പ പറഞ്ഞത്. 'മുഹമ്മദ് ആസിഫാണ് ഞാന് നേരിട്ടതില് ഏറ്റവും പ്രയാസമുള്ള ബൗളര്. അവന്റെ കഴിവ് വളരെ മികച്ചതാണ്.
ആസിഫ് നന്നായി സ്വിങ് ചെയ്യുന്ന ബൗളറാണ്. അവനെ ഷഹീന് ഷാ അഫ്രീദിയുമായി താരതമ്യപ്പെടുത്താന് സാധിക്കില്ല'-ഹിന്ദുസ്ഥാന് ടൈംസിനോട് സംസാരിക്കവെ ഉത്തപ്പ പറഞ്ഞു. ആസിഫ് ഒരു കാലത്ത് പാകിസ്താന്റെ പേസ് നിരയുടെ മുഖമായിരുന്നു.
സ്ഥിരതയോടെ വിക്കറ്റ് നേടാന് കഴിവുള്ള ആസിഫ് സ്വിങ്ങുകൊണ്ടാണ് വിറപ്പിച്ചിരുന്നത്. ഒട്ടുമിക്ക പ്രമുഖ ബാറ്റ്സ്മാന്മാര്ക്കെതിരേയും ആസിഫിന് മികച്ച റെക്കോഡ് അവകാശപ്പെടാം. തന്റെ ഉയരക്കൂടുതലിനെ കളത്തില് നന്നായി ഉപയോഗപ്പെടുത്തിയിരുന്ന പേസറാണ് ആസിഫ്.
അക്തര് പോലും പ്രശംസിച്ച ബൗളര്
പേസ് ബൗളര്മാരെക്കുറിച്ച് പറയുമ്പോള് ആദ്യം ഓര്മ വരുന്ന പേരുകളിലൊന്ന് പാക് സൂപ്പര് പേസര് ഷുഹൈബ് അക്തറിന്റേതാവും. അക്തര് പോലും ആസിഫിന്റെ പേസ് ബൗളിങ്ങിനെ പ്രശംസിച്ചിട്ടുണ്ട്. പേസ് ബൗളിങ്ങിന്റെ കല കാണണമെങ്കില് ആസിഫിന്റെ ബൗളിങ് കാണണമെന്നാണ് അക്തര് പറഞ്ഞത്.
'ഞാന് പന്തെറിയുന്നത് ലോകം കണ്ടിട്ടുള്ളതാണ്. ബൗളിങ്ങിന്റെ കല കാണാന് ആഗ്രഹിക്കുന്നുണ്ടെങ്കില് മുഹമ്മദ് ആസിഫിന്റെ ബൗളിങ് നോക്കുക. അതിനെയാണ് ബൗളിങ്ങെന്ന് വിളിക്കാനാവുക. 2006ല് കറാച്ചി ടെസ്റ്റില് വിവിഎസ് ലക്ഷ്മണ് ക്രീസില് നിന്ന് പ്രയാസപ്പെടുന്നത് ഞാന് കണ്ടു.
കാരണം ആസിഫിനെതിരേ എന്താണ് ചെയ്യേണ്ടതെന്ന് അറിയില്ല. ആസിഫിന്റെ പന്തുകള് മനസിലാക്കാന് ബാറ്റ്സ്മാന് പ്രയാസമാണ്'-അക്തര് പറഞ്ഞു.
Also Read: IND vs AUS: ആ പ്രശ്നം കോലിയെ പിന്തുടരുന്നു! കടുപ്പമാവും-മുന്നറിയിപ്പുമായി ജാഫര്
ഒത്തുകളിയില് അവസാനിച്ച കരിയര്
ആസിഫിന് നീണ്ട കരിയര് ലഭിച്ചിരുന്നെങ്കില് ലോക ക്രിക്കറ്റിലെ ഒട്ടുമിക്ക പേസ് ബൗളിങ് റെക്കോഡും സ്വന്തം പേരിലാക്കാനുള്ള കഴിവ് ആസിഫിനുണ്ടായിരുന്നു. എന്നാല് 2010ല് ഇംഗ്ലണ്ടിനെതിരായ മത്സരത്തിലെ ഒത്തുകളി വിവാദത്തില്പ്പെട്ടാണ് ആസിഫിന്റെ കരിയര് അവസാനിച്ചത്.
23 ടെസ്റ്റില് നിന്ന് 106 വിക്കറ്റും 38 ഏകദിനത്തില് നിന്ന് 46 വിക്കറ്റും 11 ടി20യില് നിന്ന് 13 വിക്കറ്റുമാണ് ആസിഫിന്റെ കരിയറിലുള്ളത്. ഒത്തുകളി കേസില് വിലക്ക് നേരിട്ട ആസിഫിന് തിരിച്ചുവരാന് പാകിസ്താന് അവസരം നല്കിയില്ല.
ഒത്തുകളി കേസില് ഉള്പ്പെട്ട മുഹമ്മദ് അമീറിന് ടീമിലേക്ക് തിരിച്ചെത്താന് പാകിസ്താന് ക്രിക്കറ്റ് ബോര്ഡ് അവസരമൊരുക്കിയിരുന്നു. എന്നാല് ആസിഫിന് തിരിച്ചുവരാന് അവസരം നല്കിയില്ല. പല തവണ അവസരം നല്കണമെന്നാവശ്യപ്പെട്ട് താരം രംഗത്തെത്തിയെങ്കിലും പരിഗണിക്കപ്പെട്ടില്ല.
ഇപ്പോള് ക്രിക്കറ്റില് നിന്ന് പൂര്ണ്ണമായും വിട്ടുനില്ക്കുകയാണ് ആസിഫ്. അവതാരകനായും നിരൂപകനായും എത്തുന്നുണ്ടെങ്കിലും പിസിബിയുടെ പിന്തുണ ലഭിക്കാത്തതിനാല് ആസിഫിന്റെ കരിയര് പ്രതീക്ഷക്കൊത്തുയരാതെ പോയി.
Continue with Google