Click it and Unblock the Notifications
മുഹമ്മദ് അസ്ഹറുദ്ദീന്റെ ക്യാപ്റ്റന്സിക്ക് കീഴില് ഇന്ത്യന് ടീമിലേക്ക് വരികയും സൗരവ് ഗാംഗുലിയുടെ കീഴില് വളരുകയും ചെയ്ത നെഹ്റ രാഹുല് ദ്രാവിഡ്, എംഎസ് ധോണി, വിരാട് കോലി എന്നിവരുടെയെല്ലാം ക്യാപ്റ്റന്സിക്ക് കീഴില് കളിച്ച നെഹ്റ ഇന്ത്യയുടെ എക്കാലത്തെയും മികച്ച ഇടം കൈയന് പേസര്മാരിലൊരാളാണ്. ഇന്ത്യക്കായി കളിക്കുമ്പോള് അടിക്കടി പരിക്കേറ്റിരുന്ന താരമായിരുന്നു നെഹ്റ. എന്നാല് മികവ് നഷ്ടപ്പെടാതെ തിരിച്ചുവരാനും അദ്ദേഹത്തിന് സാധിച്ചിട്ടുണ്ട്.
ആളെ മനസിലായോ?, എന്തൊരു കോലമെടേ...,സൂപ്പര് ക്രിക്കറ്റ് താരത്തിന് ട്രോളോട് ട്രോള്
തന്റെ അറിവില് കരിയറില് 13ലധികം ശസ്ത്രക്രിയ ചെയ്തിട്ടുണ്ടെന്നാണ് നെഹ്റ പറയുന്നത്. 'പേസറായിരുന്നതിനാല്ത്തന്നെ പരിക്കേല്ക്കാനുള്ള സാധ്യത സ്വാഭാവികമാണ്. എനിക്ക് കരിയറില് 13ലധികം തവണ പരിക്കിനെത്തുടര്ന്ന് ശസ്ത്രക്രിയ ചെയ്യേണ്ടി വന്നിട്ടുണ്ട്. കൈമുട്ടിനും കാല്ക്കുഴയ്ക്കുമാണ് കൂടുതല് തവണ ശസ്ത്രക്രിയ ചെയ്തത്. തോളിനും ശസ്ത്രക്രിയ ചെയ്യേണ്ടി വന്നിട്ടുണ്ട്. നാക്കിലും കണ്ണിലുമൊഴിക്കെ മിക്കയിടത്തും ശസ്ത്രക്രിയ ചെയ്തിട്ടുണ്ട്'- നെഹ്റ ചാറ്റ് വിത്ത് ചാമ്പ്യന് ഷോയിലാണ് തന്റെ പരിക്കുകളെക്കുറിച്ച് തുറന്ന് പറഞ്ഞിട്ടുള്ളത്.
പരിശീലനത്തിന് ശേഷം തിരിച്ചുവരുമ്പോള് ഞാന് വണ്ടിയോടിക്കുമ്പോള് സെവാഗ് അതുപോലെ ഉറങ്ങും. വളരെ രസമുള്ള നാളുകളായിരുന്നു അത്. അവനോടൊപ്പം ഒരുമിച്ച് നിരവധി വര്ഷം കളിക്കാന് സാധിച്ചതും വളരെ സന്തോഷം നല്കുന്ന കാര്യമാണ്. കരിയറില് ചെറിയ ചെറിയ പരിക്കുകളൊന്നും എന്നെ ബാധിച്ചിരുന്നില്ല. സംഭവിച്ചതെല്ലാം വലുതായിരുന്നു' - നെഹ്റ പറഞ്ഞു.
കരിയറില് ഏറ്റവും ആസ്വദിച്ചിരുന്ന നിമിഷങ്ങളെക്കുറിച്ചും നെഹ്റ പറഞ്ഞു. യുവരാജ് സിങ്, ഹര്ഭജന് സിങ്, സഹീര് ഖാന്, രോഹിത് ശര്മ, ഹര്ദിക് പാണ്ഡ്യ എന്നിവരെല്ലാം വളരെ രസകരമായ സ്വഭാവമുള്ളവരാണെന്നും നിരവധി തമാശകള് ഒരുമിച്ച് ഒപ്പിച്ചിട്ടുണ്ടെന്നും നെഹ്റ പറഞ്ഞു. വിരമിച്ച ശേഷം പരിശീലനത്തിലേക്ക് തിരിഞ്ഞ നെഹ്റ ഐപിഎല്ലില് ഗുജറാത്ത് ടൈറ്റന്സിന്റെ പരിശീലകനായി കിരീടവും ചൂടിച്ചു.
IND vs ZIM: ഇവരെ ഇന്ത്യ തഴയരുത്, അവസരം കൊടുക്കണം, സ്ഥാനം അര്ഹിക്കുന്ന അഞ്ച് പേരിതാ
ഇന്ത്യക്കായി 17 ടെസ്റ്റില് നിന്നും 44 വിക്കറ്റും 120 ഏകദിനത്തില് നിന്ന് 157 വിക്കറ്റും 27 ടി20യില് നിന്ന് 34 വിക്കറ്റുമാണ് നെഹ്റ കരിയറില് നേടിയത്. 88 ഐപിഎല്ലില് നിന്ന് 106 വിക്കറ്റും അദ്ദേഹത്തിന്റെ പേരിലുണ്ട്. ഫിറ്റ്നസ് പ്രശ്നങ്ങള് നേരിട്ടില്ലായിരുന്നെങ്കില് അല്പ്പം കൂടി വലിയൊരു കരിയര് സൃഷ്ടിച്ചെടുക്കാന് നെഹ്റക്ക് സാധിക്കുമായിരുന്നു,
Continue with Google