കളിയില്‍ മാത്രമല്ല, വരുമാനത്തിലും ഷമി ഹീറോ- ആസ്തി, കാറുകള്‍, വീട് എല്ലാമറിയാം

ഷമിയുടെ ആസ്തി

ഈ വര്‍ഷം വരെയുള്ള കണക്കുകള്‍ പ്രകാരം മുഹമ്മദ് ഷമിയുടെ ആകെയുള്ള ആസ്തി ഏകദേശം 46 കോടിയോളം രൂപയാണ്. അന്താരാഷ്ട്ര മല്‍സരങ്ങളില്‍ കളിക്കുന്നതിലൂടെയും ഐപിഎല്ലിലൂടെയുമാണ് അദ്ദേഹത്തിനു പ്രധാനമായും വരുമാനം ലഭിക്കുന്നത്. കൂടാതെ പരസ്യ കരാറുകളും ഷമിയുടെ മറ്റൊരു പ്രധാനപ്പെട്ട വരുമാന മാര്‍ഗമാണ്.

നിലവില്‍ ഗുജറാത്ത് ടൈറ്റന്‍സില്‍ പ്രതിവര്‍ഷം 6.25 കോടി രൂപയാണ് ഷമിയുടെ പ്രതിഫലം. കഴിഞ്ഞ വര്‍ഷം മുതലാണ് അഹേത്തിനു ഈ ശമ്പളം ലഭിക്കാന്‍ തുടങ്ങിയത്. 2019 മുതല്‍ 21 വരെ പഞ്ചാബ് കിങ്‌സിലായിരുന്നപ്പോള്‍ പ്രതിവര്‍ഷം 4.8 കോടി രൂപയായിരുന്നു ഷമിക്കു ലഭിച്ചിരുന്നത്.

Also Read: IPL: ക്യാപ്റ്റനായി കന്നിയങ്കത്തില്‍ സെഞ്ച്വറി, എന്നിട്ടും 'വില്ലനായി' സഞ്ജു! സംഭവം അറിയാം

പരസ്യ കരാറുകള്‍

ഇന്ത്യയിലെ വിവിധ കമ്പനികളുമായി മുഹമ്മദ് ഷമിക്കു കരാറുണ്ട്. ഇതും അദ്ദേഹത്തിന്റെ വരുമാന സ്രോതസാണ്. പ്രതിവര്‍ഷം വലിയൊരു തുക വിവിധ ബ്രാന്‍ഡുകളില്‍ നിന്നും ഷമിക്കു ലഭിക്കുന്നു.

നിലവില്‍ പ്രമുഖ ബ്രാന്‍ഡുകളായ സ്റ്റാന്‍ഫോര്‍ഡ്, നൈക്കി, ഒക്ടാഎഫ്എക്‌സ്, ബ്ലിറ്റ്‌സ്പൂള്‍സ് എന്നീ ബ്രാന്‍ഡുകളുമായി അദ്ദേഹത്തിനു കരാറുണ്ട്. ഇതു വഴി പ്രതിവര്‍ഷം 1-2 കോടി രൂപ വെയാണ് ഷമി പ്രതിഫലമായി കൈപ്പറ്റുന്നത്.

Also Read: ഓഫ് സൈഡില്‍ 8 ഫീല്‍ഡര്‍മാര്‍, ധോണിയെ കുരുക്കാന്‍ ശ്രമിച്ച് പോണ്ടിങ് വിഡ്ഡിയായി!

കാര്‍ കളക്ഷന്‍, വീട്

ഇന്ത്യയുടെ മറ്റു പല ക്രിക്കറ്റര്‍മാരെയും പോലെ ആഡംബര കാറുകളുടെയും ബൈക്കുകളുടെയും വലിയൊരു നിരയൊന്നും മുഹമ്മദ് ഷമിക്ക് ഇല്ല. പ്രധാനമായം രണ്ടു ആഡംബര കാറുകളടക്കം മൂന്നു വാഹനങ്ങളാണ് അദ്ദേഹത്തിന്റെ പക്കലുള്ളത്. ടൊയോട്ട ഫോര്‍ച്യൂണര്‍, ബിഎംഡബ്ല്യു 5 സീരീസ്, ഔഡി എന്നിവയാണ് ഇവ.

ഉത്തര്‍പ്രദേശിലെ അംറോഹയാണ് ഷമിയുടെ ജന്‍മദേശം. ഇവിടെ അദ്ദേഹത്തിനു ഒരു ആംഡബര വീടുമുണ്ട്. 12- 14 കോടിയോളം വില മതിക്കുന്ന വീടാണിത്.

വീടിനോടു ചേര്‍ന്നു തന്നെ പരിശീലനം നടത്തുന്നതിനു വേണ്ടി ചെറിയൊരു ക്രിക്കറ്റ് ഗ്രൗണ്ടും ഷമി നിര്‍മിച്ചിട്ടുണ്ട്. കൊല്‍ക്കത്തയിലും അദ്ദേഹത്തിനു നിരവധി റിയല്‍ എസ്റ്റേറ്റ് സ്വത്തുക്കളുണ്ടെന്നാണ് വിവരം.