Click it and Unblock the Notifications
സാം കറെന്
ഇത്തവണ റെക്കോഡ് തുകയായ 18.5 കോടിക്കാണ് സാം കറെനെ പഞ്ചാബ് കിങ്സ് സ്വന്തമാക്കിയത്. സിഎസ്കെ താരമായിരുന്ന കറെന് അവസാന സീസണില് കളിക്കാതിരുന്നതോടെ ടീം ഒഴിവാക്കുകയായിരുന്നു.
അവസാന ടി20 ലോകകപ്പില് ഗംഭീര പ്രകടനം കാഴ്ചവെച്ച സാം കറെന് ഇംഗ്ലണ്ടിന്റെ കിരീട നേട്ടത്തില് നിര്ണ്ണായക പങ്കുവഹിച്ചു. ഇതോടെ ലേലത്തില് വമ്പന് ഡിമാന്റായിരുന്ന കറെന്. പഞ്ചാബ് ടീം കറെന് അപരിചിതമില്ല.
കറെന് ഐപിഎല്ലിലേക്ക് വരവറിയിച്ച പഞ്ചാബിലൂടെയായിരുന്നു. പിന്നീടാണ് സിഎസ്കെയിലേക്കെത്തിയത്. ഇത്തവണ പഞ്ചാബിലേക്ക് തിരിച്ചെത്തിയതോടെ പഴയ തട്ടകത്തിലേക്ക് കറെന് തിരിച്ചെത്തിയിരിക്കുകയാണ് പറയാം.
ഇഷാന്ത് ശര്മ
ഇത്തവണ അണ്സോള്ഡാവുമെന്ന് കരുതിയിരുന്ന താരമാണ് ഇഷാന്ത് ശര്മ. ഇന്ത്യയുടെ സീനിയര് പേസറായ ഇഷാന്ത് പരിക്കിനെത്തുടര്ന്ന് ഏറെ നാളുകളായി ടീമിന് പുറത്താണ്. ഇന്ത്യ നിലവില് ടെസ്റ്റിലേക്ക് മാത്രം പരിഗണിക്കുന്ന താരമാണ് ഇഷാന്ത്. താരത്തിന്റെ ടി20 ഫോര്മാറ്റിലെ കണക്കുകളൊന്നും അത്ര മികച്ചതല്ല.
ഇത്തവണ ആരും വാങ്ങില്ലെന്ന് കരുതിയിരുന്നെങ്കിലും 50 ലക്ഷത്തിന് ഇഷാന്തിനെ ഡല്ഹിയാണ് സ്വന്തമാക്കിയത്. ഇഷാന്തിന്റെ പഴയ തട്ടകമാണ് ഡല്ഹി ക്യാപിറ്റല്സ്. ശര്ദുല് ഠാക്കൂറിനെ കൈവിട്ട ഡല്ഹി ഇഷാന്തിനെ പ്ലേയിങ് 11ലേക്ക് പരിഗണിക്കാനും സാധ്യതയുണ്ട്.
ഷക്കീബ് അല് ഹസന്
ബംഗ്ലാദേശിന്റെ സ്റ്റാര് ഓള്റൗണ്ടറാണ് ഷക്കീബ് അല് ഹസന്. മൂന്ന് ഫോര്മാറ്റിലും ഗംഭീര റെക്കോഡുള്ള ഷക്കീബ് അനുഭവസമ്പന്നനായ താരമാണ്. റെക്കോഡുകള് ഗംഭീരമാണെങ്കിലും കളത്തിലെ മോശം പ്രകടനത്തിന്റെ പേരില് പലപ്പോഴും വിമര്ശനം നേരിട്ട താരമാണ് ഷക്കീബ് അല് ഹസന്.
ഇത്തവണ ആദ്യ റൗണ്ടില് വാങ്ങാല് ആരുമില്ലാതിരുന്ന ഷക്കീബിനെ കെകെആറാണ് അവസാന റൗണ്ടില് സ്വന്തമാക്കിയത്. 1.5 കോടിക്കാണ് ഷക്കീബ് കെകെആറിലേക്കെത്തിയത്. നേരത്തെ കെകെആറിനായി കളിച്ചിട്ടുള്ള താരമാണ് ഷക്കീബ്.
ഇത്തവണ ഷക്കീബിന് കെകെആറിന്റെ പ്ലേയിങ് 11 ഇടം ലഭിക്കുക പ്രയാസമാണെന്ന് പറയാം. എന്താണ് കെകെആറിന്റെ പദ്ധതിയെന്ന് കാത്തിരുന്ന് കാണാം.
മന്ദീപ് സിങ്
വലം കൈയന് ബാറ്റ്സ്മാനായ മന്ദീപ് സിങ് ഇന്ത്യക്കായി കളിച്ചിട്ടുള്ള താരമാണ്. ഇത്തവണ ലേലത്തിലേക്കെത്തിപ്പെട്ട മന്ദീപിനെ 50 ലക്ഷത്തിന് കൊല്ക്കത്ത നൈറ്റ് റൈഡേഴ്സാണ് സ്വന്തമാക്കിയത്. ഇന്ത്യന് ബാറ്റ്സ്മാന്മാരുടെ ബാക്കപ്പായാവും മന്ദീപിന് അവസരം ലഭിക്കുക.
50 ലക്ഷം രൂപക്കാണ് മന്ദീപിനെ കെകെആര് സ്വന്തമാക്കിയത്. പഞ്ചാബ് കിങ്സ്, റോയല് ചലഞ്ചേഴ്സ് ബാംഗ്ലൂര്, ഡല്ഡി ക്യാപിറ്റല്സ് എന്നിവര്ക്കായെല്ലാം കളിച്ചിട്ടുള്ള താരം നേരത്തെ കെകെആറിനായും കളിച്ചിട്ടുണ്ട്.
Also Read: ക്രിസ്റ്റിയാനോ റൊണാള്ഡോ നേടി, പക്ഷെ മെസിക്ക് 'കിട്ടാക്കനി', ഈ പുരസ്കാരം അറിയാമോ?
പീയൂഷ് ചൗള
ഇന്ത്യയുടെ സീനിയര് ലെഗ് സ്പിന്നറായ പീയൂഷ് ചൗളയെ ഇത്തവണ ലേലത്തില് ആരും വാങ്ങില്ലെന്നാണ് കരുതിയിരുന്നതെങ്കിലും 50 ലക്ഷം രൂപക്ക് മുംബൈ ഇന്ത്യന്സ് താരത്തെ ടീമിലെത്തിക്കുകയായിരുന്നു.
അനുഭവസമ്പന്നനായ താരം അവസാന സീസണില് അണ്സോള്ഡായിരുന്നു. നേരത്തെ മുംബൈ ഇന്ത്യന്സിന്റെ ഭാഗമായിട്ടുള്ള താരമാണ് ചൗള. അതുകൊണ്ട് തന്നെ താരത്തിനെ സംബന്ധിച്ച് തറവാട്ടിലേക്ക് തിരിച്ചെത്തുന്ന പോലെയാണ് ഇത്തവണ മുംബൈയിലേക്കുള്ള വരവ്.
Continue with Google