Click it and Unblock the Notifications
സച്ചിന് ടെണ്ടുല്ക്കര്-സനത് ജയസൂര്യ
ലോക ക്രിക്കറ്റിലെ രണ്ട് ഇതിഹാസങ്ങളാണ് സച്ചിന് ടെണ്ടുല്ക്കറും സനത് ജയസൂര്യയും. സച്ചിന് ഇന്ത്യന് ക്രിക്കറ്റിലൂടെ ലോക ക്രിക്കറ്റിന്റെ വിസ്മയമായി മാറിയപ്പോള് ശ്രീലങ്കന് ടീമിന്റെ എക്കാലത്തെയും മികച്ച വെടിക്കെട്ട് ബാറ്റ്സ്മാന്മാരിലൊരാളാണ് ജയസൂര്യ.
ഓപ്പണിങ്ങില് തല്ലിത്തകര്ക്കുന്ന ജയസൂര്യയും ക്ലാസിക് ബാറ്റിങ്ങുകൊണ്ട് അത്ഭുതപ്പെടുത്തുന്ന സച്ചിന് ടെണ്ടുല്ക്കറും ചേര്ന്ന മുംബൈയുടെ ഓപ്പണിങ് കൂട്ടുകെട്ട് അത്ര പെട്ടെന്നൊന്നും ആരാധകര്ക്ക് മറക്കാനാവാത്തതാണ്.
സച്ചിന് 78 ടി20കള് മുംബൈക്കൊപ്പം കളിച്ച് 2334 റണ്സാണ് നേടിയത്. ഇതില് 1 സെഞ്ച്വറിയും 13 ഫിഫ്റ്റിയും ഉള്പ്പെടും. ജയസൂര്യ 30 ഐപിഎല്ലില് നിന്ന് 768 റണ്സാണ് നേടിയത്. ഇതില് 1 സെഞ്ച്വറിയും 4 ഫിഫ്റ്റിയും ഉള്പ്പെടും.
രോഹിത് ശര്മ (c), സൂര്യകുമാര് യാദവ്, കറെന് പൊള്ളാര്ഡ്
ടീമിന്റെ നായകനും ഓപ്പണറുമായി രോഹിത് ശര്മയാണുള്ളത്. അഞ്ച് തവണ ടീമിനെ കിരീടത്തിലേക്കെത്തിച്ച നായകനാണ് രോഹിത്. 2011ല് മുംബൈയിലേക്കെത്തി 2013ലാണ് രോഹിത് മുംബൈയുടെ നായകനാവുന്നത്. ബാറ്റ്സ്മാനെന്ന നിലയിലും ഗംഭീര റെക്കോഡുള്ള രോഹിത് ഇപ്പോള് ഓപ്പണറെന്ന നിലയിലാണ് കളിക്കുന്നത്.
നാലാം നമ്പറില് അമ്പാട്ടി റായിഡു, സൂര്യകുമാര് യാദവ് എന്നിവരില് ആര് വേണമെന്നതാണ് ചോദ്യം. ഇതില് വെടിക്കെട്ട് ബാറ്റിങ് മികവും മൈതാനത്തിന്റെ എല്ലാ ഭാഗത്തേക്കും ഷോട്ട് കളിക്കാനുള്ള കഴിവും വിലയിരുത്തി സൂര്യകുമാര് യാദവിന് അവസരം നല്കാം.
നിലവിലെ ഒന്നാം നമ്പര് ടി20 ബാറ്റ്സ്മാനായ സൂര്യകുമാര് ഒറ്റക്ക് മുംബൈയെ വിജയത്തിലേക്കെത്തിച്ച മത്സരങ്ങള് നിരവധിയാണ്. ഇത്തവണയും മുംബൈ നിരയില് ശക്തമായ സാന്നിധ്യമായി സൂര്യകുമാറുണ്ട്.
അഞ്ചാം നമ്പറില് കറെന് പൊള്ളാര്ഡിനാണ് അവസരം. ടീമിന്റെ വൈസ് ക്യാപ്റ്റനായ പൊള്ളാര്ഡ് അതിവേഗം റണ്സുയര്ത്താന് കഴിവുള്ള താരം കൂടിയാണ്. ഒറ്റക്ക് ടീമിനെ പൊള്ളാര്ഡ് നിരവധി തവണ വിജയത്തിലെത്തിച്ചിട്ടുണ്ട്.
ഹര്ദിക് പാണ്ഡ്യ, ക്രുണാല് പാണ്ഡ്യ, ഹര്ഭജന് സിങ്
ആറാം നമ്പറില് ഫിനിഷറായി പേസ് ഓള്റൗണ്ടര് ഹര്ദിക് പാണ്ഡ്യക്കാണ് അവസരം. ഫിനിഷറെന്ന നിലയില് മുംബൈക്കൊപ്പം മികച്ച റെക്കോഡുള്ള താരം അതിവേഗത്തില് റണ്സുയര്ത്താന് മിടുക്കന്. 14ാം സീസണിന് ശേഷം മുംബൈ വിട്ട ഹര്ദിക് നിലവില് ഗുജറാത്ത് ടൈറ്റന്സിന്റെ നായകനാണ്.
ക്രുണാല് പാണ്ഡ്യയാണ് ഏഴാമന്. സ്പിന് ഓള്റൗണ്ടറായ ക്രുണാലും മുംബൈക്കായി നിരവധി മാച്ച് വിന്നിങ് പ്രകടനം നടത്തിയിട്ടുണ്ട്. അവസാന സീസണില് മുംബൈ വിട്ട് ലഖ്നൗ സൂപ്പര് ജയ്ന്റ്സിനൊപ്പമായിരുന്നു ക്രുണാലുണ്ടായിരുന്നത്.
എട്ടാമനായി ഹര്ഭജന് സിങ്ങിനാണ് അവസരം. സ്പിന് ഓള്റൗണ്ടറായ ഹര്ഭജന് മുംബൈയെ നയിച്ചിട്ടുള്ള താരമാണ്. പിന്നീട് ടീം വിട്ട് ചെന്നൈ സൂപ്പര് കിങ്സിനായും ഹര്ഭജന് കളിച്ചു. മുംബൈ ടീമിന്റെ വളര്ച്ചയില് ഭാജിയുടെ പങ്ക് വലുതാണ്.
Also Read: രാഹുല് വഴിമാറൂ! ഇന്ത്യക്കായി ഓപ്പണ് ചെയ്യാന് ഇതാ നാല് യുവ തുര്ക്കികള്, മിന്നിക്കും
മിച്ചല് മഗ്ലെനഗന്, ജസ്പ്രീത് ബുംറ, ലസിസ് മലിംഗ
മുംബൈയുടെ സ്റ്റാര് പേസര്മാരിലൊരാളായിരുന്നു കിവീസ് പേസര് മിച്ചല് മക്ലെനഗന്. പവര്പ്ലേയിലെ രോഹിത്തിന്റെ വജ്രായുധമായിരുന്നു താരം.
യോര്ക്കറുകളിലൂടെ എതിരാളികളെ വിറപ്പിക്കുന്ന ജസ്പ്രീത് ബുംറയാണ് 10ാമന്. മുംബൈയിലൂടെ വളര്ന്ന താരമാണ് ബുംറ. ഇന്ന് ഇന്ത്യയുടെയും പേസ് നിരയിലെ സജീവ സാന്നിധ്യമാണ് അദ്ദേഹം.
11ാമനായി ലസിത് മലിംഗയാണുള്ളത്. യോര്ക്കറുകളിലൂടെ ബാറ്റ്സ്മാനെ പിടിച്ചുകെട്ടുന്ന മലിംഗ റണ്സ് വിട്ടുകൊടുക്കാന് മടികാട്ടുന്ന ബൗളര്മാരിലൊരാളാണ്. ഐപിഎല്ലിലെ ഏറ്റവും മികച്ച പേസര്മാരിലൊരാളാണ് മലിംഗയെന്ന് പറയാം.
Continue with Google