മുഹമ്മദ് അര്ഷദ് ഖാന്
കഴിഞ്ഞ സീസണില് മുംബൈ ഇന്ത്യന്സിനു വേണ്ടി കളിക്കാര് അവസരം ലഭിക്കാതിരുന്ന യുവതാരമാണ് മുഹമ്മദ് അര്ഷദ് ഖാന്. തന്റെ കഴിവ് പ്രദര്ശിപ്പക്കാന് സാധിക്കാതിരുന്നിട്ടും മുംബൈയ്ക്കുള്ള വിശ്വാസമാണ് 24 കാരനായ താരത്തെ ടീമില് തുടരാന് സഹായിച്ചത്. ഇടംകൈയന് ബാറ്ററും ഇടംകൈടന് മീഡിയം പേസറുമായ അര്ഷദ് ടീമിനു അടുത്ത സീസണില് മുതല്ക്കൂട്ടാവുമെന്ന കണക്കുകൂട്ടലിലാണ് മുംബൈ.
അര്ജുന് ടെണ്ടുല്ക്കര്
ഒരു പരിചയപ്പെടുത്തല് ആവശ്യമില്ലാത്ത ക്രിക്കറ്ററാണ് അര്ജുന് ടെണ്ടുല്ക്കര്. മുന് ബാറ്റിങ് ഇതിഹാസം സച്ചിന് ടെണ്ടുല്ക്കറുടെ മകനും ഓള്റൗണ്ടറുമായ അര്ജുനെ മികച്ച ഭാവി വാഗ്ദാനമായിട്ടാണ് മുംബൈ കാണുന്നത്. മുംബൈയ്ക്കൊപ്പം താരത്തിന്റെ തുടര്ച്ചയായ രണ്ടാമത്തെ സീസണ് കൂടിയായിരുന്നു കഴിഞ്ഞ തവണത്തേത്. 2021ലും മുംബൈ കൂടാരത്തിലുണ്ടായിരുന്ന അര്ജുന് പക്ഷെ അരങ്ങേറാന് അവസരം കിട്ടിയില്ല. ഇടംകൈയന് ഫാസ്റ്റ് ബൗളറും ഓള്റൗണ്ടറുമായ അര്ജുന് ആഭ്യന്തര ക്രിക്കറ്റില് ഇപ്പോള് ഗോവയ്ക്കു വേണ്ടിയാണ് കളിക്കുന്നത്.
Also Read: വലിയ മത്സരം കളിക്കാനാവും, പക്ഷെ ഇപ്പോഴും പുറത്ത്, സഞ്ജുവിനെ പിന്തുണച്ച് കൈഫ്
ആകാഷ് മധ്വാള്
അണ്ക്യാപ്പ്ഡ് ഇന്ത്യന് താരം ആകാഷ് മധ്വാളിനെയും കഴിഞ്ഞ സീസണില് കളിക്കാതിരുന്നിട്ടും മുംബൈ ഇന്ത്യന്സ് നിലനിര്ത്തിയിട്ടുണ്ട്. കഴിഞ്ഞ സീസണിന്റെ അന്തിമ ഘട്ടത്തിലാണ് പകരക്കാരനായി ആകാഷ് മുംബൈ ടീമിലെത്തിയത്. മീഡിയം പേസറും വലംകൈയന് ബാറ്ററുമാണ് 28 കാരനായ താരം.
Also Read: ടി20 ലോകകപ്പിലെ വലിയ തെറ്റ്! ദ്രാവിഡും രോഹിത്തും ഉത്തരം പറയണം, മുന് ഇന്ത്യന് താരം
ജോഫ്ര ആര്ച്ചര്
ഇംഗ്ലണ്ടിന്റെ സ്പീഡ് സ്റ്റാര് ജോഫ്ര ആര്ച്ചര് കഴിഞ്ഞ സീസണില് മുംബൈ ഇന്ത്യന്സിന്റെ ഭാഗമായിരുന്നെങ്കിലും കളിക്കാന് ഇറങ്ങിയിരുന്നില്ല. ഫിറ്റ്നസ് വീണ്ടെടുക്കാത്തതിനാലായിരുന്നു അദ്ദേഹത്തിനു ടൂര്ണമെന്റ് നഷ്ടമായത്. സീസണിനു മുമ്പ് നടന്ന മെഗാ ലേലത്തിലായിരുന്നു മോഹ വിലയെറിഞ്ഞ് ആര്ച്ചറെ മുംബൈ വാങ്ങിയത്. സീസണില് അദ്ദേഹം കളിക്കില്ലെന്നും 2023ല് മാത്രമേ ടീമിനൊപ്പം ചേരുകയുള്ളൂവെന്നും അന്നു തന്നെ ഉറപ്പായിരുന്നു. എന്നിട്ടും ആര്ച്ചറെ ടീമിലെത്തിക്കാന് മുംബൈ ധൈര്യം കാണിച്ചു. 2020ല് രാജസ്ഥാന് റോയല്സിനു വേണ്ടിയാണ് പേസര് അവസാനമായി ഐപിഎല്ലില് കളിച്ചത്.