Click it and Unblock the Notifications
റെയ്‌നയുടെ പിന്‍മാറ്റം
ഈ സീസണ്‍ ആരംഭിക്കുന്നതിനു മുമ്പായിരുന്നു വ്യക്തിപരമായ കാരണങ്ങള്‍ അറിയിച്ച് റെയ്‌ന ഐപിഎല്ലില്‍ നിന്നും പിന്‍മാറിയത്. ടൂര്‍ണമെന്റില്‍ നിന്നും വിട്ടുനില്‍ക്കാനുള്ള യഥാര്‍ഥ കാരണം എന്താണെന്ന് ഇപ്പോഴും അവ്യക്തമാണ്. സിഎസ്‌കെ മാനേജ്‌മെന്റുമായി ഉടക്കിയാണ് അദ്ദേഹം യുഎഇയില്‍ നിന്നും തിരികെ പോയതെന്ന് നേരത്തേ റിപ്പോര്‍ട്ടുകളുണ്ടായിരുന്നു. എന്നാല്‍ ഇന്ത്യയില്‍ വച്ച് സ്വന്തം കുടുംബത്തിനു നേരെയുണ്ടായ അജ്ഞാതരുടെ ആക്രമണത്തെ തുടര്‍ന്നാണ് റെയ്‌ന മടങ്ങിയതെന്ന മറ്റൊരു വാദവുമുണ്ടായിരുന്നു.
ഇന്ത്യയിലെത്തിയ ശേഷം സിഎസ്‌കെയിലേക്കു താന്‍ തിരിച്ചുവന്നേക്കുമെന്നുള്ള സൂചനകള്‍ റെയ്‌ന നല്‍കിയിരുന്നു. പക്ഷെ സിഎസ്‌കെ ടീം മാനേജ്‌മെന്റ് ഇതിനോടു വലിയ താല്‍പ്പര്യം കാണിച്ചില്ലെന്നാണ് വിവരം.
റെയ്‌ന പ്ലീസ് മടങ്ങി വരൂ
സമൂഹ മാധ്യമങ്ങളിലൂടെ നിരവധി പേര്‍ റെയ്‌നയോട് സിഎസ്‌കെ ടീമിലേക്കു മടങ്ങിയെത്താന്‍ അഭ്യര്‍ഥിച്ചിട്ടുണ്ട്.
ആരെങ്കിലുമൊന്ന് റെയ്‌നയെ തിരികെ കൊണ്ടുവരൂയെന്നായിരുന്നു ഒരു ട്വീറ്റ്.
നമുക്ക് സുരേഷ് റെയ്‌നയെ തിരികെ കൊണ്ടുവരാന്‍ സാധിക്കുമോ, പ്ലീസ് എന്ന് ഒരാള്‍ ട്വീറ്റ് ചെയ്തു.
സിഎസ്‌കെ ഇപ്പോള്‍ വലിയ കുഴപ്പത്തിലാണ്. ദയവ് ചെയ്ത് സിഎസ്‌കെ ടീമിലേക്കു മടങ്ങിവരൂയെന്ന് ഒരാള്‍ അഭ്യര്‍ഥിച്ചു.
എത്ര തവണ അപേക്ഷിക്കണം?
ദയവു ചെയ്ത് തിരിച്ചുവരൂ റെയ്‌നാ. എത്ര തവണ ഞങ്ങള്‍ നിങ്ങളോട് അപേക്ഷിക്കണം, പ്ലീസ് തിരികെ വരൂ റെയ്‌നാ, പ്ലീസ് എന്ന് ഒരാള്‍ അപേക്ഷിച്ചു.
ഇപ്പോള്‍ ടീമില്‍ റെയ്‌നയുടെ പ്രാധാന്യം സിഎസ്‌കെയ്ക്കു മനസ്സിലാവും. ധോണിക്കു തന്റെ വലംകൈയാണ് നഷ്ടമായിരിക്കുന്നതെന്നായിരുന്നു ഒരു ടീറ്റ്.
