Click it and Unblock the Notifications
ഏകദിനവും ടി20യും ഇന്ത്യക്ക്
ഓസീസിനെതിരായ ഏകദിന, ടി20 പരമ്പരകളില് ഇന്ത്യ തന്നെ വിജയിക്കുമെന്ന് ആര്പി സിങ് ആത്മവിശ്വാസത്തോടെ പറയുന്നു. ടി20, ഏകദിനം എന്നിവയില് ഓസ്ട്രേലിയ ജയിക്കുമെന്നു തനിക്കു തോന്നുന്നില്ല. നമ്മുടെ ടീം ഈ ഫോര്മാറ്റുകളില് മികച്ച പ്രകടനമാണ് നടത്തിക്കൊണ്ടിരിക്കുന്നത്. ഓസീസിനേക്കാള് ബഹുദൂരം നമ്മള് ഈ ഫോര്മാറ്റുകളില് മുന്നിലാണ്.
പക്ഷെ ടെസ്റ്റ് പരമ്പരയില് ഇന്ത്യക്കു ഓസ്ട്രേലിയയില് നിന്നും ശക്തമായ വെല്ലുവിളി നേരിടേണ്ടി വരും. അതു തികച്ചും വ്യത്യസ്തമായ ഫോര്മാറ്റാണ്. പരമ്പര നേടാന് ഇന്ത്യക്കു കഠിനാധ്വാനം നടത്തേണ്ടി വരുമെന്നും ആര്പി വിശദമാക്കി.
ബൗളിങ് ആക്രമണം
ഓസ്ട്രേലിയയേക്കാള് ഇന്ത്യ പരമ്പര നേടാനാണ് കൂടുതല് സാധ്യത. ടെസ്റ്റില് ഇരുടീമുകളും തുല്യ പോരാട്ടം തന്നെയായിരിക്കും പുറത്തെടുക്കുക. ബൗളിങ് ആക്രമണം നോക്കിയാല് ഇരുടീമുകളുടേതും ഒരുപോലെ മികച്ചതാണ്. ഓസ്ട്രേലിയ്ക്കു മിച്ചെല് സ്റ്റാര്ക്ക്, പാറ്റ് കമ്മിന്സ് തുടങ്ങിയ ലോകോത്തര പേസര്മാരുണ്ട്. പക്ഷെ ബാറ്റിങ് വിലയിരുത്തുമ്പോള് ഇന്ത്യക്കാണ് മേല്ക്കൈയെന്നും ആര്പി വിലയിരുത്തി.
ഇന്ത്യയുടെ ബൗളിങ് ആക്രമണം ഓസീസ് ടീമിന് സര്പ്രൈസ് തന്നെയായിരിക്കും. ജസ്പ്രീത് ബുംറ, മുഹമ്മദ് ഷമി എന്നിവരടങ്ങുന്ന ഇന്ത്യയുടെ ബൗളിങ് നിര കരുത്തുറ്റതാണ്. നമ്മുടെ ബെഞ്ച് സ്ട്രെങ്ത്തും മികച്ചതാണ്. ഇന്ത്യയുടേത് കുറേക്കൂടി സന്തുലിതമായി ടീമാണെന്നും ആര്പി കൂട്ടിച്ചേര്ത്തു.
ഓസ്ട്രേലിയ സ്പെഷ്യല്
ഓസ്ട്രേലിയയില് കളിക്കുന്നത് വളരെ സ്പെഷ്യലാണ്. അവിടുത്തെ കാണികളും, അന്തരീക്ഷവും പിച്ചുകളുമെല്ലാം വളരെ മികച്ച അനുഭവമാണ് നമുക്ക് സമ്മാനിക്കുക. ഓസീസിനെതിരായ ബൗളര്മാര്ക്കെതിരേ നമുക്ക് മാത്രമല്ല പോരാടേണ്ടി വരിക. നമ്മുടെ ബൗളര്മാര്ക്കെതിരേ അവര്ക്കും പോരടിക്കേണ്ടിവരും. കാരണം ഓസ്ട്രേലിയയിലെ കാലാവസ്ഥ വ്യത്യസ്തമാണെന്നും 2007-08ലെ ഓസീസ് പര്യടനത്തില് മിന്നുന്ന പ്രകടനം നടത്തിയ ആര്പി ചൂണ്ടിക്കാട്ടി.
2007-08ലെ ഓസീസ് പര്യടനത്തിലെ ടെസ്റ്റ് പരമ്പരയില് ആര്പി രണ്ടു തവണ നാലു വിക്കറ്റ് നേട്ടം കൈവരിച്ചിരുന്നു.
Continue with Google