Click it and Unblock the Notifications
വര്ക്കൗട്ട്
ശരീരം കൂടുതല് കരുത്തുറ്റതാക്കി തീര്ക്കാനുള്ള വ്യായാമങ്ങളിലാണ് സൂര്യകുമാര് യാദവ് പ്രധാനമായും ശ്രദ്ധിക്കുന്നത്. ഭാരമുയര്ത്തിയാണ് താരം ശരീരത്തിന്റെ കരുത്ത് വര്ധിപ്പിക്കാന് ശ്രമിക്കുന്നത്. ഇതു ശരീരഭാരം വര്ധിക്കാതെ നിയന്ത്രിക്കാന് സൂര്യയെ സഹായിക്കുകയും ചെയ്യുന്നു.
ഹൃദയാരോഗ്യം മെച്ചപ്പെടുത്താനുള്ള വര്ക്കൗട്ടുകളും അദ്ദേഹം ചെയ്യാറുണ്ട്. കാരണം ശരീരത്തോടൊപ്പം ഹൃദയത്തിന്റെ ആരോഗ്യവും ഒരു കായിക താരത്തെ സംബന്ധിച്ച്് വളരെ പ്രധാനപ്പെട്ടതാണ്.
വീട്ടിലോ, ജിമ്മിലോ വച്ച് വര്ക്കൗട്ടുകളില് ഏര്പ്പെടുമ്പോഴെല്ലാം സൂര്യ കെറ്റ്ല്ബെല്സ് ഉപയോഗിക്കാറുണ്ട്. അടിസ്ഥാനപരമായ കാര്ഡിയോ വ്യായാമങ്ങള് ചെയ്യമ്പോഴെല്ലാം താരം ഇതും അതോടൊപ്പം ചെയ്യാറുണ്ട്. ഓട്ടമാണ് സൂര്യയുടെ മറ്റൊരു പ്രധാനപ്പെട്ട വ്യായാമം. ദിവസേന താരം ചെയ്യുന്ന ഒരു വ്യായാമം കൂടിയാണിത്.
Also Read: ശ്രീശാന്ത് സ്പിന്നറോ? തുടക്കം സ്പന്നറായി, ഇവര് കസറിയത് വേറെ റോളില്! അറിയാം
ഭക്ഷണക്രമം
വ്യായാമത്തോടൊപ്പം ഭക്ഷണ ക്രമത്തിലും സൂര്യകുമാര് യാദവ് ശ്രദ്ധ പുലര്ത്താറുണ്ട്. പ്രോട്ടീനുള്പ്പെട്ട ഭക്ഷണങ്ങള് കൂടുതലായി കഴിക്കാന് താരം ശ്രദ്ധിക്കുകയും ചെയ്യുന്നു.
ഒരുപാട് പ്രോട്ടീന് ശരീരത്തിനു നല്കുന്ന നോണ് വെജിറേറ്ററിയന് ഭക്ഷണങ്ങളായ മുട്ട, മാംസം, മല്സ്യം എന്നിവയെല്ലാം സൂര്യ നന്നായി കഴിക്കുന്നു.
കൂടാതെ പാലുല്പ്പന്നങ്ങള്, നാരുകളടങ്ങിയ പച്ചക്കറികള് എന്നിവയും സൂര്യയുടെ ഭക്ഷണക്രമത്തിന്റെ ഭാഗമാണ്. തന്റെ ആഹാരം വളരെ സന്തുലതമാണെന്നു ഉറപ്പു വരുത്താന് സൂര്യ ശ്രദ്ധിക്കാറുണ്ട്. നട്ട്സ്, ഒമേഗ 3 ഉള്പ്പെട്ട ഭക്ഷണങ്ങള് എന്നിവയെല്ലാം തന്റ ആഹാരക്രമത്തില് അദ്ദേഹം ഉള്പ്പെടുത്തിയിരിക്കുന്നു.
ക്രിക്കറ്റ് ഒരുപാട് എനര്ജി ആവശ്യപ്പെടുന്ന ഗെയിമായതിനാല് നിര്ജലീകരണത്തിനുള്ള സാധ്യതയും കൂടുതലാണ്. ഇതു കാരണം സംഭവിക്കാനിടയുള്ള പരിക്കുകള് ഒഴിവാക്കാന് അദ്ദേഹം ദിവസേന ഒരുപാട് വെള്ളം കുടിക്കുകയും ചെയ്യുന്നു.
Also Read: ജയ്സ്വാളും സര്ഫറാസും ടെസ്റ്റ് ടീമില്, ക്യാപ്റ്റനായി സഞ്ജു- ഈ ടീം പൊളി, നോക്കാം
നീന്തലിനോടു പ്രിയം
നീന്തല് സൂര്യകുമാര് യാദവിനു വളരെ പ്രിയപ്പെട്ട വ്യായാമങ്ങളിലൊന്നാണ്. കാരണം മാനസിക സമ്മര്ദ്ദം കുറയ്ക്കാന് നീന്തലിനേക്കാള് മികച്ചൊരു വ്യായാമം ഇല്ലെന്നു തന്നെ പറയാം. അതുകൊണ്ടു തന്നെ ഇടയ്ക്കിടെ സ്വിമ്മിങ് പൂളില് സമയം ചെലവഴിക്കാന് സൂര്യ ശ്രദ്ധിക്കാറുമുണ്ട്.
ചിരിയും ഒരു അത്ലറ്റിനെ സംബന്ധിച്ച് സമ്മര്ദ്ദമകറ്റാന് നല്ലൊരു ഉപാധിയാണ്. അതുകൊണ്ടു തന്നെ സമയം ലഭിക്കുമ്പോഴെല്ലാം മനസ്സിനെ കൂടുതല് ഹാപ്പിയാക്കി നിലനിര്ത്താന് ഇന്സ്റ്റഗ്രാം റീല്സ് പോലെയുള്ള രസകരമായ കാര്യങ്ങളില് സൂര്യ ഏര്പ്പെടുകയും ചെയ്യുന്നു.
Continue with Google