Click it and Unblock the Notifications
ബാറ്റിങ് പ്രകടനം മികച്ചത്
മൂന്ന് ഫോര്മാറ്റിലും ഇന്ത്യയുടെ മുഖ്യ വിക്കറ്റ് കീപ്പര് ബാറ്റ്സ്മാനാണ് റിഷഭ് പന്ത്. ഒറ്റക്ക് മത്സരഫലത്തെ മാറ്റിമറിക്കാന് കെല്പ്പുള്ള റിഷഭ് ഇടം കൈയന് ബാറ്റ്സ്മാനായി ടീമിന്റെ നട്ടെല്ലായി നില്ക്കുന്നു. റിഷഭിന്റെ ടി20 പ്രകടനങ്ങള്ക്കെതിരേ വിമര്ശനം ഉയരുന്നുണ്ടെങ്കിലും ടെസ്റ്റിലും ഏകദിനത്തിലും അദ്ദേഹം ടീമിന്റെ നട്ടെല്ലാണ്. ഏകദിനത്തില് അദ്ദേഹത്തിനെതിരേ ഉയര്ന്ന വിമര്ശനങ്ങള്ക്ക് ഇംഗ്ലണ്ടിനെതിരേ സെഞ്ച്വറി നേടിയാണ് റിഷഭ് മറുപടി നല്കിയത്.
നിലയുറപ്പിച്ചാല് അനായാസം റണ്സുയര്ത്താന് കെല്പ്പുള്ള താരത്തെ ഇന്ത്യ നായകനാക്കിയാലും അദ്ദേഹത്തിന്റെ ബാറ്റിങ് പ്രകടനത്തെ അത് ബാധിച്ചേക്കില്ല. സമ്മര്ദ്ദം ബാധിക്കാത്ത നായകനെന്ന നിലയില് ഇന്ത്യക്ക് പരിഗണിക്കാന് സാധിക്കും. യുവതാരത്തിന് നായകനെന്ന നിലയില് പരമാവധി അവസരം നല്കി വളര്ത്തിക്കൊണ്ട് വരേണ്ടതായുണ്ട്.
IND vs WI: രോഹിത്തും ധവാനും ഉടക്കിലോ?, ഹിറ്റ്മാന് ലക്ഷ്യമിടുന്നതെന്ത്?, സെലക്ടര് പറയുന്നു
ഉത്തരവാദിത്തങ്ങള് നല്കി വളര്ത്തണം
ഇന്ത്യയുടെ സൂപ്പര് താരമെന്ന നിലയിലും ഭാവി നായകനെന്ന നിലയിലും വാഴ്ത്തപ്പെടുന്ന റിഷഭ് പന്തിന് ഇപ്പോഴേ ഉത്തരവാദിത്തങ്ങള് നല്കി വളര്ത്തിക്കൊണ്ട് വരണം. പെട്ടെന്ന് നായകസ്ഥാനം നല്കുന്നതിന് മുമ്പായി അവസരങ്ങള് നല്കി അദ്ദേഹത്തിന് ആത്മവിശ്വാസം നല്കേണ്ടതായുണ്ട്. മികച്ച ഫോമില് കളിക്കാന് സാധിക്കുന്ന സമയത്ത് കൂടുതല് അവസരങ്ങള് നല്കി ക്യാപ്റ്റനെന്ന നിലയില് റിഷഭിനെ വളര്ത്തിക്കൊണ്ട് വരാന് ശ്രമിക്കേണ്ടതായുണ്ട്. ധവാനെ ഇന്ത്യ നായകനാക്കി പരിഗണിക്കുന്നത് ടീമിന്റെ ഭാവിയിലേക്ക് ഗുണം ചെയ്യുന്നതല്ല. അതേ സമയം റിഷഭിന് ഉത്തരവാദിത്തം നല്കി വളര്ത്തിക്കൊണ്ടുവരുന്നത് ടീമിന്റെ ഭാവിയിലേക്ക് വളരെ ഗുണം ചെയ്യുന്ന കാര്യം തന്നെയാണ്.
'ഡിന്ഡ വന്ന് സച്ചിനെ രൂക്ഷമായി നോക്കി', പിന്നെ സംഭവിച്ചത്!, ഓര്മ പങ്കുവെച്ച് ദാസ്ഗുപ്ത
ഇന്ത്യയുടെ ഭാവി നായകന്
ഇന്ത്യയുടെ ഭാവി നായകനെന്ന നിലയില് മുഖ്യ പരിഗണന ലഭിക്കുന്ന താരമാണ് റിഷഭ് പന്ത്. രോഹിത് ശര്മക്ക് ശേഷം കെ എല് രാഹുല് ക്യാപ്റ്റനാവുമ്പോള് റിഷഭ് വൈസ് ക്യാപ്റ്റനായി എത്തും. രാഹുലിന്റെ അഭാവത്തില് റിഷഭിന് ക്യാപ്റ്റന്സി ലഭിക്കുകയും ചെയ്യും. ധവാനെ ഇന്ത്യ ടീമില് പരിഗണിച്ചാലും നായകനാക്കുന്നത് അദ്ദേഹത്തിന്റെ കരിയറില് ഇനി വലിയ സ്വാധീനമുണ്ടാക്കിയേക്കില്ല. എന്നാല് കരിയറിന്റെ പകുതി പോലും പിന്നിടാത്ത റിഷഭിന് ഇപ്പോഴേ അവസരം നല്കിയാല് ഇന്ത്യക്ക് കൂടുതല് മികച്ചൊരു നായകനെ സൃഷ്ടിക്കാനായേക്കും. അതുകൊണ്ട് തന്നെ റിഷഭ് പന്തിനെ ഇന്ത്യ ഇപ്പോഴേ നായകനാക്കി വളര്ത്തിക്കൊണ്ട് വരേണ്ടതായുണ്ട്.
Continue with Google