Click it and Unblock the Notifications
പരിശീലകന് രാഹുല് ദ്രാവിഡിനും നായകന് റിഷഭ് പന്തിനും എതിരേ വലിയ വിമര്ശനങ്ങള് ഇതിനോടകം ഉയര്ന്ന് കഴിഞ്ഞു. ഇപ്പോഴിതാ കാര്ത്തികിന് മുമ്പായി അക്ഷറിനെ ബാറ്റിങ്ങിനയച്ചത് അബദ്ധമല്ലെന്നും ടീമിന്റെ പദ്ധതിയായിരുന്നു അതെന്നും വ്യക്തമാക്കിയിരിക്കുകയാണ് ശ്രേയസ് അയ്യര്. ആദ്യ പന്ത് മുതല് അടിച്ച് കളിക്കുന്ന ഒരു താരത്തെ അല്ല ഇന്ത്യ ആ സമയത്ത് ആവിശ്യപ്പെട്ടിരുന്നതെന്നും അതുകൊണ്ടാണ് അക്ഷര് ഡികെയ്ക്ക് മുന്നെ എത്തിയതെന്നുമാണ് ശ്രേയസ് പറയുന്നത്.
'കാര്ത്തിക് ഇന്ത്യയുടെ ലോകകപ്പ് ടീമില് വേണോ?, റിക്കി പോണ്ടിങ് പറയുന്നതിങ്ങനെ
'അക്ഷര് ക്രീസിലേക്കെത്തുമ്പോള് ഏഴ് ഓവറോളം ഇന്ത്യക്ക് ബാക്കിയുണ്ടായിരുന്നു. ആ സമയത്ത് സിംഗിള് എടുത്ത് സ്ട്രൈക്ക് കൈമാറി മത്സരം മുന്നോട്ട് കൊണ്ട് പോകാന് കെല്പ്പുള്ള താരത്തെയായിരുന്നു ടീം ആവിശ്യപ്പെട്ടത്. അല്ലാതെ ആദ്യ പന്ത് മുതല് ആക്രമിക്കാന് കെല്പ്പുള്ള താരത്തെയായിരുന്നില്ല. ഡികെയ്ക്കും അത് ചെയ്യാനാവും. എന്നാല് 15 ഓവറിന് ശേഷം അദ്ദേഹം എങ്ങനെയാണ് കളി മുന്നോട്ട് കൊണ്ടുപോയതെന്ന് നോക്കുക. തുടക്കത്തിലെ അവന് പതറിയെങ്കിലും പിന്നീടങ്ങോട്ട് മത്സരം നന്നായിട്ട് കൊണ്ടുപോയി'-ശ്രേയസ് വ്യക്തമാക്കി.
'ഗതി കെട്ടാന് കീപ്പറുമാവും', സാഹചര്യം കൊണ്ട് കീപ്പറായ അഞ്ച് സൂപ്പര് താരങ്ങളിതാ
ഇന്ത്യയുടെ ബാറ്റ്സ്മാന്മാര് ടൈമിങ് കണ്ടെത്താനാവാതെ പിച്ചില് വളരെയധികം പ്രയാസപ്പെട്ടു. കാര്ത്തികിന്റേയും തുടക്കം പതിയെയായിരുന്നു. നിലയുറപ്പിച്ച ശേഷമാണ് അദ്ദേഹവും ആക്രമിക്കാന് തുടങ്ങിയത്. കട്ടക്കില് ബാറ്റിങ് വളരെ ദുഷ്കരമായിരുന്നുവെന്നാണ് ശ്രേയസ് പറഞ്ഞത്. 'സത്യസന്ധമായി പറഞ്ഞാല് പിച്ചില് ബാറ്റ് ചെയ്യുക വളരെ പ്രയാസമായിരുന്നു. 35 പന്ത് നേരിട്ടിട്ടും എങ്ങനെയാണ് പിച്ച് പെരുമാറുന്നതെന്ന് മനസിലാക്കാന് സാധിച്ചില്ല. ടൈമിങ് കണ്ടെത്താനും പ്രയാസപ്പെട്ടു. കഴിയുന്നതെല്ലാം അവിടെ പരീക്ഷിച്ചിട്ടുണ്ട്. വളരെ പ്രയാസമുള്ള പിച്ചായിരുന്നു അത്'-ശ്രേയസ് അയ്യര് കൂട്ടിച്ചേര്ത്തു.
Continue with Google