IND vs SA T20: ഇന്ത്യക്ക് ജയിക്കണോ?, ദ്രാവിഡ് അതിന് തയ്യാറാവണം!, ഉപദേശിച്ച് വെങ്സര്‍ക്കാര്‍

'ഓരോരുത്തര്‍ക്കും മത്സരത്തെക്കുറിച്ച് ഓരോ വീക്ഷണമാണുള്ളത്. എനിക്ക് തോന്നുന്നത് ഉമ്രാന്‍ മാലിക്ക് തന്റെ വേഗവും കൃത്യതയും ഐപിഎല്ലില്‍ കാട്ടിയത് ഇന്ത്യക്കായി ആവര്‍ത്തിക്കാനാവുമെന്നതാണ്. ഇതാണ് ഉമ്രാനെ ഇന്ത്യ കളിപ്പിക്കാനുള്ള ശരിയായ സമയമെന്നാണ് കരുതുന്നത്. കഴിഞ്ഞ 10 വര്‍ഷത്തിനുള്ളില്‍ ഏറ്റവും അത്ഭുതപ്പെടുത്തിയ താരങ്ങളിലൊരാളാണ് ഉമ്രാന്‍ മാലിക്. പേസ് ബൗളറെന്ന നിലയില്‍ വലിയ ആക്രമണോത്സകത അവന്‍ നിലനിര്‍ത്തുന്നു. ഇന്ത്യക്കായി ദീര്‍ഘ നാള്‍ കളിക്കാന്‍ അവന് സാധിക്കുമെന്നാണ് പ്രതീക്ഷ'-ദിലീപ് പറഞ്ഞു.

വിശാഖ പട്ടണത്താണ് മൂന്നാം ടി20 നടക്കുന്നത്. ബൗളര്‍മാര്‍ക്ക് മുന്‍തൂക്കമുള്ള പിച്ചാണ് അവിടെ. അതുകൊണ്ട് തന്നെ ദക്ഷിണാഫ്രിക്കന്‍ താരങ്ങള്‍ക്ക് അധികം നേരിട്ട് പരിചയമില്ലാത്ത ബൗളറാണ് ഉമ്രാന്‍. തുടര്‍ച്ചയായി 150ന് മുകളില്‍ വേഗത്തില്‍ പന്തെറിയാനുള്ള കഴിവാണ് ഉമ്രാനെ വ്യത്യസ്തനാക്കുന്നത്. നെറ്റ്സില്‍ 167 വേഗം കുറിച്ച് ഞെട്ടിക്കാന്‍ അദ്ദേഹത്തിനായിരുന്നു. ഈ മികവ് അന്താരാഷ്ട്ര ക്രിക്കറ്റില്‍ ആവര്‍ത്തിക്കാന്‍ ഉമ്രാനാവുമോയെന്നത് കണ്ടറിയാം.

ടെസ്റ്റ്, ഏകദിനം, ടി20, എബിഡിയുടെ അവസാന വിക്കറ്റ് നേടിയതാര്? മൂന്ന് ബൗളര്‍മാരിതാ

ഇന്ത്യയുടെ ടി20 ലോകകപ്പ് പദ്ധതികളുടെ ഭാഗമായിട്ടുള്ള താരമാണ് ഉമ്രാന്‍. ഓസ്ട്രേലിയയില്‍ ഒക്ടോബറില്‍ നടക്കുന്ന ലോകകപ്പില്‍ പേസ് ബൗളര്‍മാര്‍ക്ക് തിളങ്ങാനാവും. അവിടുത്തെ പിച്ച് എക്സ്ട്രാ പേസിനെയും ബൗണ്‍സിനെയും തുണക്കുന്നതാണ്. അതുകൊണ്ട് തന്നെ സ്വാഭാവിക പേസുള്ള ഉമ്രാനെപ്പോലെയുള്ളവര്‍ക്ക് മികവ് കാട്ടാനായേക്കും. എന്നാല്‍ തീരുമാനം എടുക്കേണ്ടത് രാഹുല്‍ ദ്രാവിഡാണ്. നെറ്റ്സില്‍ പന്തെറിഞ്ഞപ്പോള്‍ ഉമ്രാന്‍ നന്നായി തല്ലുവാങ്ങിയെന്നാണ് വിവരം. അതുകൊണ്ട് തന്നെ ഉമ്രാന് അവസരം ലഭിക്കുമോയെന്നത് കണ്ടറിയണം.

'കാര്‍ത്തിക് ഇന്ത്യയുടെ ലോകകപ്പ് ടീമില്‍ വേണോ?, റിക്കി പോണ്ടിങ് പറയുന്നതിങ്ങനെ

അര്‍ഷദീപ് സിങ്ങും അവസരം കാത്ത് പുറത്തുണ്ട്. ഇടം കൈയന്‍ പേസര്‍മാരുടെ അഭാവം ഇന്ത്യന്‍ ടീമിലുണ്ടെന്നതിനാല്‍ അര്‍ഷദീപിനെ ഇന്ത്യക്ക് പരിഗണിക്കാവുന്നതാണ്. ഐപിഎല്ലില്‍ പഞ്ചാബ് കിങ്സ് പേസറായ താരം അവസാന ഓവറുകളില്‍ നന്നായി പന്തെറിയുന്നവനാണ്. അതുകൊണ്ട് തന്നെ അര്‍ഷദീപില്‍ ഇന്ത്യക്ക് പ്രതീക്ഷകളേറെ. ആരെയാവും ഇന്ത്യ പരിഗണിക്കുകയെന്നത് കാത്തിരുന്ന് കാണണം.