Click it and Unblock the Notifications
അന്ന് എബിഡിയെ പുറത്താക്കിയത് സുനില് നരെയ്നാണ്. എലിമിനേറ്റര് മത്സരത്തില് നരെയ്ന് എബിഡുയെ ക്ലീന് ബൗള്ഡ് ചെയ്യുകയായിരുന്നു. നരെയ്ന്റെ പന്തുകള് പൊതുവേ നേരിടുക പ്രയാസമാണ്. ഡിവില്ലിയേഴ്സിനെ സംബന്ധിച്ചും അങ്ങനെ തന്നെയാണ്. കരിയറില് നരെയ്ന്റെ പന്തുകളെ നേരിടാന് എബിഡി പ്രയാസപ്പെട്ടിരുന്നു. അടുത്ത സീസണില് വീണ്ടും ആര്സിബി ജേഴ്സിയിലേക്ക് അദ്ദേഹം തിരിച്ചെത്തുമോയെന്നത് കാത്തിരുന്ന് തന്നെ കാണണം.
ടെസ്റ്റ് ക്രിക്കറ്റില് എബിഡിയെ അവസാനമായി പുറത്താക്കിയത് ഓസ്ട്രേലിയയുടെ പാറ്റ് കമ്മിന്സാണ്. 2018ലായിരുന്നു ഇത്. ആദ്യ ഇന്നിങ്സില് 69 റണ്സുമായി തിളങ്ങിയ കമ്മിന്സ് രണ്ടാം ഇന്നിങ്സില് ആറ് റണ്സിനാണ് പുറത്തായത്. പാറ്റ് കമ്മിന്സിന്റെ പേസില് സ്ലിപ്പില് ക്യാച്ച് നല്കിയാണ് എബിഡി പുറത്തായത്. ടെസ്റ്റിലും മികച്ച കരിയര് തന്നെ നേടിയാണ് ഡിവില്ലിയേഴ്സ് കളം വിട്ടത്.
ഏകദിനത്തിലേക്ക് വരുമ്പോള് ഡിവില്ലിയേഴ്സിനെ അവസാനമായി പുറത്താക്കിയത് ഇന്ത്യന് സ്പിന്നര് യുസ് വേന്ദ്ര ചഹാലാണ്. ആര്സിബിയില് ഇരുവരും സഹതാരങ്ങളായിരുന്നു. 2018ല് ഇന്ത്യക്കെതിരെയായിരുന്നു എബിഡിയുടെ അവസാന ഏകദിന മത്സരം. 34 പന്തില് 30 റണ്സില് നില്ക്കവെ യുസ്വേന്ദ്ര ചഹാല് എബിഡിയെ ക്ലീന് ബൗള്ഡ് ചെയ്തു. ഇന്ത്യക്കായി വിരാട് കോലി സെഞ്ച്വറി നേടിയ മത്സരത്തില് ഇന്ത്യ എട്ട് വിക്കറ്റിന് വിജയിക്കുകയും ചെയ്തു.
അന്താരാഷ്ട്ര ടി20യിലെ ഡിവില്ലിയേഴ്സിന്റെ അവസാന മത്സരം ബംഗ്ലാദേശിനെതിരെയായിരുന്നു. 2017ലായിരുന്നു ഇത്. 15 പന്തില് 20 റണ്സാണ് അദ്ദേഹം നേടിയത്. ഡിവില്ലിയേഴ്സിന്റെ ടി20യിലെ അവസാന വിക്കറ്റ് നേടാന് ഭാഗ്യം ലഭിച്ചത് മുഹമ്മദ് സെയ്ഫുദ്ദീനാണ്. ക്യാച്ച് നല്കിയാണ് അദ്ദേഹം പുറത്തായത്. ഡേവിഡ് മില്ലര് സെഞ്ച്വറി നേടിയ ഈ മത്സരത്തില് ദക്ഷിണാഫ്രിക്ക 83 റണ്സിനാണ് ജയിച്ചത്.
Continue with Google