Click it and Unblock the Notifications
ഫിറ്റ്നസ് പ്രശ്നങ്ങള്
പൃഥ്വി ഷായുടെ പ്രധാന പ്രശ്നം ഫിറ്റ്നസാണ്. ഉത്തേജക പരിശോധനയില് പരാജയപ്പെട്ട് ഒരു വര്ഷത്തെ വിലക്ക് നേരിട്ട് താരത്തിന് വീട്ടിലിരിക്കേണ്ടി വന്നിരുന്നു. ഇതിന് ശേഷം മടങ്ങിയെത്തിയത് മുതല് അദ്ദേഹത്തിന്റെ ഫിറ്റ്നസ് വളരെ മോശമാണ്. കുടവയറുള്ള പൃഥ്വിയുടെ ഫിറ്റ്നസ് പ്രശ്നങ്ങള് നേരത്തെ തന്നെ സെലക്ടര്മാരടക്കം ചൂണ്ടിക്കാട്ടിയതാണ്. ഐപിഎല്ലിലും ആഭ്യന്തര ക്രിക്കറ്റിലും മികവ് കാട്ടുമ്പോഴും ഫിറ്റ്നസ് മെച്ചപ്പെടുത്താന് പൃഥ്വി ശ്രമിക്കുന്നില്ല. അതിവേഗത്തില് ഓടാന് അദ്ദേഹത്തിനാവില്ല. ഫിറ്റ്നസ് മെച്ചപ്പെടുത്താത്ത പക്ഷം പൃഥ്വിക്ക് ഇന്ത്യന് ടീമിലേക്ക് തിരിച്ചെത്തുക പ്രയാസം.
Also Read : രോഹിത് ശര്മയേക്കാള് ചെറുപ്പം, പക്ഷെ ഇതിനോടകം വിരമിച്ചു!, അഞ്ച് താരങ്ങളിതാ
സമാന പിഴവുകള് ആവര്ത്തിക്കുന്നു
ഓസ്ട്രേലിയക്കെതിരായ ബോര്ഡര് ഗവാസ്കര് ട്രോഫിയില് നിരാശപ്പെടുത്തിയ പ്രകടനം കാഴ്ചവെച്ചതോടെയാണ് പൃഥ്വി ഇന്ത്യന് ടീമില് നിന്ന് തഴയപ്പെടുന്നത്. പരമ്പരയില് ഒന്നിലധികം തവണ അദ്ദേഹം ക്ലീന്ബൗള്ഡായി. സമീപകാലത്തായി കൂടുതല് തവണയും പൃഥ്വി ഷാ ക്ലീന്ബൗള്ഡായാണ് പുറത്തായത്. ഇത് വഴിയ പിഴവാണെന്ന് ഡല്ഹി ക്യാപിറ്റല്സ് പരിശീലകനായിരുന്ന റിക്കി പോണ്ടിങ് തന്നെ ചൂണ്ടിക്കാട്ടിയിരുന്നു. പൃഥ്വിയുടെ ഫുട് വര്ക്കിലെ പിഴവാണെന്നാണ് അദ്ദേഹം പറഞ്ഞത്. പിഴവുകള് തിരുത്താന് പൃഥ്വി തയ്യാറാവാത്തതും അദ്ദേഹത്തെ തഴയാനുള്ള കാരണങ്ങളിലൊന്നായി പറയാം.
അലസനായ താരം
വലിയ ടീം സ്പിരിറ്റോടെ കളിക്കുന്ന താരമെന്ന് പൃഥ്വിയെ വിളിക്കാനാവില്ല. എപ്പോഴും അലസതയോടെയാണ് പൃഥ്വിയെ കാണപ്പെടുന്നത്. കൂടാതെ ഫീല്ഡിങ്ങിലും വലിയ മികവ് പൃഥ്വിക്ക് അവകാശപ്പെടാനാവില്ല. നിരവധി ക്യാച്ചുകള് പാഴാക്കുന്ന താരമാണവന്. അതിവേഗത്തിലോടി ബൗണ്ടറികള് തടയാന് ഫിറ്റ്നസ് അനുവദിക്കുന്നില്ല. ബാറ്റ്സ്മാനെന്ന നിലയില് ശരാശരി മാര്ക്ക് നല്കിയാലും മറ്റ് കാര്യങ്ങള് പരിഗണിക്കുമ്പോള് പൃഥ്വി അല്പ്പം പിന്നിലാണ്. അതുകൊണ്ട് തന്നെ പൃഥ്വിയെ തഴഞ്ഞതില് സെലക്ടര്മാരെ തെറ്റുപറയാനാവില്ല.
Continue with Google