Click it and Unblock the Notifications
കൂടുതല് റണ്സ്
മൂന്നു മല്സരങ്ങളുടെ ഏകദിന പരമ്പരയില് കൂടുതല് റണ്സെന്ന ലോക റെക്കോര്ഡ് നേരത്തേ ബാബര് ആസമിനു അവകാശപ്പെട്ടതായിരുന്നു. 360 റണ്സോടെയായിരുന്നു അദ്ദേഹം ഒന്നാംസ്ഥാനമലങ്കരിച്ചത്.
ഈ റെക്കോര്ഡിനൊപ്പം ശുഭ്മാന് ഗില്ലും ഇപ്പോള് എത്തിയിരിക്കുകയാണ്. 360 റണ്സ് തന്നെയാണ് താരം അടിച്ചെടുത്തത്. ഈ ലിസ്റ്റിലെ മൂന്നാമന് ബംഗ്ലാദേശ് താരം ഇംറുല് ഖയസാണ്. 349 റണ്സാണ് അദ്ദേഹത്തിന്റെ സമ്പാദ്യം.
ന്യൂസിലാന്ഡുമായുള്ള പരമ്പരയിലെ ടോപ്സ്കോററായ ഗില് പ്ലെയര് ഓഫ് ദി സീരീസ് പുരസ്കാരവും ഉറപ്പാക്കിക്കഴിഞ്ഞു. മൂന്നു മല്സരങ്ങളില് നിന്നും 180 ശരാശിയരിയില് 128.57 സ്ട്രൈക്ക് റേറ്റിലാണ് ഗില് 360 റണ്സെടുത്തത്. 208 റണ്സാണ് ഉയര്ന്ന സ്കോര്.
Also Read: World Cup 2023: പടയൊരുക്കം പ്രധാനം, ചാംപ്യന്മാരാവാന് ഇന്ത്യ എന്തു ചെയ്യണം? അറിയാം
ട്രോട്ടിന്റെ റെക്കോര്ഡ് തിരുത്തി
ഏകദിന ക്രിക്കറ്റില് കരിയറിലെ ആദ്യത്തെ 24 ഇന്നിങ്സുകളില് നിന്നും ഏറ്റവുമധികം റണ്സെടുത്ത താരം ഇംഗ്ലണ്ടിന്റെ മുന് ബാറ്റര് ജൊനാതന് ട്രോട്ടായിരുന്നു. അദ്ദേഹത്തിന്റെ റെക്കോര്ഡ് തകര്ത്തെറിഞ്ഞിരിക്കുകയാണ് ശുഭ്മാന് ഗില്.
24 ഇന്നിങ്സുകളില് നിന്നും ട്രോട്ട് സ്കോര് ചെയ്തത് 1,194 റണ്സായിരുന്നു. അദ്ദേഹത്തേക്കാള് മൂന്നു ഇന്നിങ്സുകള് കുറച്ചു കളിച്ചാണ് ഈ റെക്കോര്ഡ് തകര്ത്തത്. 21 ഇന്നിങ്സുകളില് നിന്നും ഗില് വാരിക്കൂട്ടിയത് 1254 റണ്സാണ്. 73.76 ശരാശരിയോടെയാണിത്. 109.81 ആണ് താരത്തിന്റെ സ്ട്രൈക്ക് റേറ്റ്.
Also Read:ക്ലോക്ക് മുതല് ലൈറ്റ്ഹൗസ് വരെ! രാഹുലിന്റെ ടാറ്റൂസ് ഏതൊക്കെ? അറിയാം
ഗില്ലിന്റെ പ്രകടനം
2022 മുതലുള്ള ശുഭ്മാന് ഗില്ലിന്റെ 18 മല്സരങ്ങളിലെ പ്രകടനമെടുത്താല് അത് അദ്ഭുതപ്പെടുത്തുന്നതാണ്. നാലു സെഞ്ച്വറികളും അഞ്ചു ഫിഫ്റ്റി പ്ലസ് സ്കോറുകളുമടക്കം 1204 റണ്സാണ് താരം അടിച്ചെടുത്തത്.
നാലു സെഞ്ച്വറികളില് ഒന്നു ഡബിള് സെഞ്ച്വറിയിലെത്തിക്കാനും ഗില്ലിനു കഴിഞ്ഞു. ഒരിന്നിങ്സില് മാത്രമേ അദ്ദേഹം ഒറ്റയക്ക സ്കോറില് പുറത്തായിട്ടുള്ളൂ.
64 (53 ബോള്), 43 (49), 98*(98), 82* (72), 33 (34), 130 (97), 3(7), 28 (26), 49 (57), 50 (65), 45* (42), 13 (22), 70 (60), 21 (12), 116 (97), 208 (149), 40* (45), 112 (78) എന്നിങ്ങനെയാണ് ഗില്ലിന്റെ സ്കോറുകള്.
Continue with Google