Click it and Unblock the Notifications
'ആദ്യ ദിനത്തെ പ്രകടനത്തോടെ തന്നെ തങ്ങളുടെ നിലപാടെന്തെന്ന് കാട്ടാന് ഇന്ത്യക്കായി. ഈര്പ്പം നിറഞ്ഞ പിച്ചില് ഇംഗ്ലണ്ട് പേസര്മാര്ക്ക് വലിയ മുന്തൂക്കമുണ്ടായിരുന്നു. ആദ്യ രണ്ട് മണിക്കൂറിനുള്ളില് 3 - 4 വിക്കറ്റ് വീഴ്ത്തി ഇന്ത്യയെ സമ്മര്ദ്ദത്തിലാക്കാമെന്നാണ് ഇംഗ്ലണ്ട് കരുതിയത്. ഈ സാഹചര്യത്തില് രോഹിത് ശര്മ ബാറ്റ് ചെയ്ത രീതി വിവരിക്കാനാവാത്തതാണ്.
Also Read: IND vs ENG: 'കരിയറിലെ ഏറ്റവും മോശം സമയമായിരുന്നു അത്', 2011ലെ ഓര്മ പങ്കുവെച്ച് രോഹിത് ശര്മ
മികച്ചൊരു തുടക്കം തന്നെയാണ് ഇന്ത്യക്ക് ലഭിച്ചത്. സമ്മര്ദ്ദം ഒഴിവാക്കിയ രോഹിതിന്റെ ഇന്നിങ്സിനെ കൂട്ടുപിടിച്ചാണ് രാഹുല് ഇന്നിങ്സ് കെട്ടിപ്പടുത്തത്. രോഹിത് ശര്മയുടെ സ്ട്രൈക്കറേറ്റ് 57ഉും കെ എല് രാഹുലിന്റേത് 51ഉുമാണ്. ഇതില് നിന്ന് തന്നെ ഇവര് ബൗളര്മാര്ക്ക് നല്കിയ സമ്മര്ദ്ദം എത്രത്തോളമെന്ന് വ്യക്തമാണ്. ഇരുവരും ആധിപത്യം കാട്ടുന്ന പ്രകടനമാണ് നടത്തിയത്' - ഇന്സമാം പറഞ്ഞു.
Also Read : IND vs ENG: രോഹിതിന്റെ വെടിക്കെട്ട്, രാഹുലിന്റെ ക്ലാസിക്, ഒന്നാം ദിനത്തിലെ എല്ലാ റെക്കോഡുകളുമറിയാം
പിഴവുകളില്ലാത്ത ഇന്നിങ്സ് എന്ന് നിസംശയം പറയാം. സാഹചര്യം ബൗളര്മാര്ക്ക് കൂടുതല് അനുകൂലമായിരുന്നെങ്കിലും ഇന്ത്യയുടെ ബാറ്റ്സ്മാന്മാരുടെ പ്രതിഭക്ക് മുന്നില് ഇംഗ്ലണ്ട് ബൗളിങ് നിര നിഷ്പ്രഭമായി. രോഹിത് സാം കറാന്റെ ഒരോവറില് നാല് ബൗണ്ടറിയടക്കം പറത്തി കടന്നാക്രമിച്ചാണ് കളിച്ചത്. 11 ഫോറും ഒരു സിക്സുമാണ് രോഹിതിന്റെ ഇന്നിങ്സില് ഉള്പ്പെട്ടത്. രാഹുല് 12 ഫോറും ഒരു സിക്സുമാണ് നേടിയത്.
കെ എല് രാഹുലിന്റെ വിദേശ പിച്ചിലെ നാലാമത്തെ ടെസ്റ്റ് സെഞ്ച്വറിയാണിത്. നാട്ടിലേക്കാള് കൂടുതല് വിദേശത്ത് ടെസ്റ്റ് സെഞ്ച്വറി നേടുന്ന അപൂര്വ്വം താരങ്ങളിലൊരാളാണ് കെ എല് രാഹുലെന്ന് ഇന്സമാം ഉല് ഹഖ് പറഞ്ഞു. 'നാട്ടിലെ സെഞ്ച്വറികളേക്കാള് കൂടുതല് വിദേശ സെഞ്ച്വറികളുള്ള വളരെ കുറച്ച് താരങ്ങള് മാത്രമാണുള്ളത്. വിദേശത്ത് സെഞ്ച്വറി നേടിയിട്ടുള്ള നിരവധി താരങ്ങളെ ചൂണ്ടിക്കാട്ടാനാവും. എന്നാല് ഇവരെല്ലാം നാട്ടില് സെഞ്ച്വറികള് നേടി പരിചയസമ്പത്തായ ശേഷമാവും വിദേശത്ത് സെഞ്ച്വറി നേടിയത്. എന്നാല് രാഹുലിന്റെ കാര്യം നേരെ തിരിച്ചാണ്' - ഇന്സമാം കൂട്ടിച്ചേര്ത്തു.
Continue with Google