Click it and Unblock the Notifications
കോലിയെ പിന്തള്ളി
ഈ മല്സരത്തിലെ ഇന്നിങ്സോടെ ഇന്ത്യയുടെ റണ്മെഷീന് വിരാട് കോലിയെപ്പോലും മുഹമ്മദ് ഷമി പിന്തള്ളിയിരിക്കുകയാണെന്നതാണ് ശ്രദ്ധേയമായ കാര്യം. ടെസ്റ്റില് നേടിയ സിക്സറുകളുടെ എണ്ണത്തിലാണ് കോലിയെ ഷമി കടത്തിവെട്ടിയിരിക്കുന്നത്.
കോലി ഇതുവരെ കളിച്ച 178 ടെസ്റ്റ് ഇന്നിങ്സുകളില് നേടിയിരിക്കുന്നത് 24 സിക്സറുകളാണ്. ഇതാണ് 85 ഇന്നിങ്സുകള് മാത്രം കളിച്ചിരിക്കുന്ന ഷമി മറികടന്നിരിക്കുന്നത്.
ഇപ്പോള് 25 ടെസ്റ്റ് സിക്സറുകള് അദ്ദേഹത്തിന്റെ പേരിലുണ്ട്. ടെസ്റ്റില് 722 റണ്സാണ് ഷമിയുടെ സമ്പാദ്യം. രണ്ടു ഫിഫ്റ്റികള് ഇതിലുള്പ്പെടും. ഉയര്ന്ന സ്കോര് 78 റണ്സാണ്.
Also Read:IND vs AUS: ഒരു സെഞ്ച്വറി, രണ്ട് ഫിഫ്റ്റി- ഓസീസ് ഹിറ്റ്മാന്റെ വീക്ക്നെസ്! അറിയാം
യുവരാജും ഷമിക്കു പിന്നില്
വിരാട് കോലി മാത്രമല്ല ഇന്ത്യയുടെ മുന് ഇതിഹാസ ഓള്റൗണ്ടര് യുവരാജ് സിങിനെയും ടെസ്റ്റിലെ സിക്സറുകളുടെ എണ്ണത്തില് മുഹമ്മദ് ഷമി പിന്തള്ളിയിട്ടുണ്ടെന്നതാണ് രസകരമായ കാര്യം. യുവിക്ക് തന്റെ ടെസ്റ്റ് കരിയറില് നേടാനായത് 22 സിക്സറുകളാണ്. നാഗ്പൂര് ടെസ്റ്റിലെ മൂന്നു സിക്സറുകളോടെയാണ് യുവിയെ ഷമി മറികടന്നത്.
രവി ശാസ്ത്രി (22), രാഹുല് ദ്രാവിഡ് (21), മുഹമ്മദ് അസ്ഹറുദ്ദീന് (19), ഇര്ഫാന് പഠാന് (18), കെഎല് രാഹുല് (17), ചേതേശ്വര് പുജാര (15), ശിഖര് ധവാന് (12) തുടങ്ങിയവരെല്ലാം സിക്സകറുടെ എണ്ണത്തില് ഷമിക്കും താഴെയാണ്.
Also Read: IND vs AUS: വിക്കറ്റില്ലെങ്കിലെന്ത്? അക്ഷറിന്റെ വിലയറിഞ്ഞ് ഇന്ത്യ! 'വാലിന്റെ' നീളവും കൂടി
ഇന്ത്യക്കു മികച്ച ലീഡ്
ഓസ്ട്രേലിയക്കെതിരായ ഒന്നാം ക്രിക്കറ്റ് ടെസ്റ്റില് ഇന്ത്യ 223 റണ്സിന്റെ മികച്ച ഒന്നാമിന്നിങ്സ് ലീഡ് കരസ്ഥമാക്കിയിരിക്കുകയാണ്. ഓസീസിന്റെ ഒന്നാമിന്നിങ്സ് ടോട്ടലായ 177 റണ്സിനു മറുപടിയില് ഇന്ത്യ മൂന്നാംദിനം ആദ്യ സെഷനില് 400 റണ്സ് അടിച്ചെടുത്ത് ഓള്ഔട്ടാക്കുകയായിരുന്നു.
ക്യാപ്റ്റന് രോഹിത് ശര്മ (120) സെഞ്ച്വറിയോടെ പട നയിച്ചപ്പോള് ഓള്റൗണ്ടര്മാരായ അക്ഷര് പട്ടേല് (84), രവീന്ദ്ര ജഡേജ (70) എന്നിവരുടെ പ്രകടനങ്ങളും ടീമിനെ ശക്തമായ നിലയിലെത്തിച്ചു. അതോടൊപ്പം മുഹമ്മദ് ഷമിയടെ ഇടിവെട്ട് ഇന്നിങ്സ് കൂടി കണ്ടതോടെ ഇന്ത്യയുടെ ടോട്ടല് 400 റണ്സിലെത്തുകയായിരുന്നു.
ഇന്ത്യ ഒരു ഘട്ടത്തില് 350 റണ്സ് തികയ്ക്കുമോയെന്ന കാര്യം പോലും സംശയമായിരുന്നു. കാരണം എട്ടിന് 328 റണ്സെന്ന സ്കോറില് ടീം നില്ക്കെയാണ് ഷമി ക്രീസിലേക്കു വന്നത്. ഒട്ടും തന്നെ സമ്മര്ദ്ദമില്ലാതെ അദ്ദേഹം തുടക്കം മുതല് ആക്രമിച്ച് കളിക്കുകയായിരുന്നു. ഒമ്പതാം വിക്കറ്റില് അക്ഷറിനൊപ്പം 51 റണ്സ് ഷമി കൂട്ടിച്ചേര്ക്കുകയും ചെയ്തു. ടീം സ്കോര് 380ല് നില്ക്കെയായിരുന്നു ഷമി പുറത്തായത്.
Continue with Google