IND vs AUS: ഖ്വാജയുടെ വിക്കറ്റ് നേടിക്കൊടുത്തത് ഭരത്! അതെങ്ങനെ? ഡികെ പറയുന്നു

ഭരത്താണ് റിവ്യൂ എടുപ്പിച്ചത്

ഭരത് ഒടുവില്‍ ടെസ്റ്റ് ക്യാപ് നേടിയെടുത്തിരിക്കുകയാണ്. ഏറെ നാളുകളായി ആന്ധ്രക്കായി അവന്‍ കളിക്കുന്നുണ്ട്. ഇന്ത്യ എ ടീമിനുവേണ്ടിയും നിരവധി മത്സരങ്ങള്‍ അവന്‍ കളിച്ചിട്ടുണ്ട്. അഞ്ച് വര്‍ഷത്തോളമായി അവന്‍ സജീവമായി കളിക്കുകയാണ്.

വിക്കറ്റ് കീപ്പറായി ക്രീസിലെത്തി അഞ്ച് മിനുട്ടിനുള്ളില്‍ത്തന്നെ അവന്‍ നിര്‍ണ്ണായക തീരുമാനം കൈക്കൊണ്ടിരിക്കുകയാണ്. ഉസ്മാന്‍ ഖ്വാജയെ മുഹമ്മദ് സിറാജ് എല്‍ബിയില്‍ കുടുക്കിയപ്പോള്‍ ഭരത് നേരിട്ട് രോഹിത്തിന്റെ അടുത്തോട്ട് ചെല്ലുകയാണുണ്ടായത്.

ഇത്തരം സന്ദര്‍ഭങ്ങളില്‍ വിക്കറ്റ് കീപ്പറാണ് കാര്യം വ്യക്തമാക്കിക്കൊടുക്കേണ്ടത്. ചെറിയ സമയത്തിനുള്ളില്‍ നിര്‍ണ്ണായക തീരുമാനമെടുക്കാന്‍ നായകനോട് പറഞ്ഞത് ഭരത്താണ്'-കാര്‍ത്തിക് പറഞ്ഞു. മത്സരത്തില്‍ കമന്റേറ്ററായി കാര്‍ത്തികുണ്ട്.

Also Read: ഇന്ത്യക്ക് തോല്‍വി ഭയം, പാകിസ്താനില്‍ കളിക്കാന്‍ ധൈര്യമില്ല-ജാവേദിന് പൊങ്കാല

ആദ്യ പന്തില്‍ത്തന്നെ വിക്കറ്റുമായി സിറാജ്

മുഹമ്മദ് ഷമിയിലൂടെ ഇന്നിങ്‌സ് ആരംഭിച്ച ഇന്ത്യ രണ്ടാം ഓവര്‍ മുഹമ്മദ് സിറാജിനാണ് നല്‍കിയത്. ആദ്യ പന്തില്‍ത്തന്നെ സിറാജ് വിക്കറ്റ് നേടി. ഖ്വാജയെ സിറാജ് വിക്കറ്റിന് മുന്നില്‍ കുടുക്കുകയായിരുന്നു. ഫീല്‍ഡ് അംപയര്‍ നോട്ടൗട്ട് വിളിച്ചെങ്കിലും റിവ്യൂവിലൂടെ ഇന്ത്യ വിക്കറ്റ് നേടിയെടുക്കുകയായിരുന്നു.

എന്തായാലും ഇതൊരു മികച്ച തുടക്കമാവുകയായിരുന്നു. അധികം വൈകാതെ ഡേവിഡ് വാര്‍ണര്‍ മുഹമ്മദ് ഷമി ക്ലീന്‍ബൗള്‍ഡ് ചെയ്തു. പിന്നാലെ രവീന്ദ്ര ജഡേജയുടെയും ആര്‍ അശ്വിന്റേയും സ്പിന്‍ മാന്ത്രികതയാണ് കണ്ടത്. ഇതോടെ ഓസ്‌ട്രേലിയ 177 എന്ന സ്‌കോറിലേക്കൊതുങ്ങി.

Also Read: കോലിയോട് അതൃപ്തിയോ? യുവരാജ് ഒപ്പം പരിശീലിച്ചില്ല-സംഭവം വെളിപ്പെടുത്തി മുന്‍ കോച്ച്

ഭരത്തില്‍ വലിയ പ്രതീക്ഷ

ഇന്ത്യ വിക്കറ്റ് കീപ്പര്‍ സ്ഥാനത്തേക്ക് കെ എസ് ഭരത്തിനെ പരിഗണിച്ചത് വലിയ പ്രതീക്ഷയോടെയാണ്. റിഷഭ് പന്ത് കളിച്ച് മികവ് കാട്ടിയിരുന്ന വിക്കറ്റ് കീപ്പര്‍ സ്ഥാനത്ത് കീപ്പറെന്ന നിലയില്‍ മികവ് കാട്ടാന്‍ ഭരത്തിന് സാധിക്കുന്നുണ്ട്.

രവീന്ദ്ര ജഡേജയുടെ പന്തില്‍ മര്‍നസ് ലബ്യുഷെയ്‌നെ സ്റ്റംപിങ്ങിലൂടെ പുറത്താക്കാന്‍ ഭരത്തിനായിരുന്നു. എന്നാല്‍ ബാറ്റിങ്ങില്‍ റിഷഭിന്റെ അഭാവം നികത്തുന്ന പ്രകടനം ഭരത് കാഴ്ചവെക്കേണ്ടതായുണ്ട്. അതിന് സാധിക്കുമോയെന്ന് കണ്ടറിയാം.