IND vs AUS: ജഡേജ പന്ത് ചുരണ്ടി? സ്മിത്തിന്റെ സ്വഭാവം ഇന്ത്യക്കില്ല! ട്വിറ്ററില്‍ ഫാന്‍സ് പോര്

വീഡിയോ പുറത്തുവിട്ട് ഫോക്‌സ് ക്രിക്കറ്റ്

ഈ സംഭവത്തിന്റെ വീഡിയോ പുറത്തുവിട്ട് പന്തില്‍ കൃത്രിമം കാട്ടിയെന്ന ആരോപണം ആദ്യം ഉന്നയിച്ചത് ഫോക്‌സ് ക്രിക്കറ്റാണ്. ഇത് പിന്നീട് വൈറലായി മാറുകയായിരുന്നു. മുന്‍ ഓസീസ് നായകന്‍ ടിം പെയ്ന്‍, മുന്‍ ഇംഗ്ലണ്ട് നായകന്‍ മൈക്കല്‍ വോണ്‍ എന്നിവരെല്ലാം ആരോപണത്തെ പിന്തുണക്കുന്ന നിലയിലാണ് ട്വീറ്റ് ചെയ്തിരിക്കുന്നത്.

എന്നാല്‍ അടിസ്ഥാന രഹിതമായ ആരോപണമാണെന്നാണ് ഇന്ത്യന്‍ ആരാധകര്‍ പറയുന്നത്. പന്തില്‍ കൃത്രിമം നടത്തേണ്ട സാഹചര്യം ഈ പിച്ചിലില്ലായിരുന്നു. വലിയ ടേണോ ബൗണ്‍സോ പിച്ചില്‍ ലഭിച്ചിരുന്നില്ലെന്നും. അതുകൊണ്ട് തന്നെ പന്ത് ചുരണ്ടി ഗ്രിപ്പുണ്ടാക്കിയിട്ടും വലിയ കാര്യമില്ലെന്നും ഇന്ത്യന്‍ ആരാധകര്‍ പറയുന്നു.

Also Read: IND vs AUS: ലബ്യുഷെയ്‌നെയും സ്മിത്തിനെയും എങ്ങനെ കുടുക്കി? തന്ത്രം വെളിപ്പെടുത്ത് ജഡേജ

കൈമാറിയത് വേദന സംഹാരി ബാം

സിറാജ് എന്തോ ഒന്ന് ജഡേജക്ക് കൈമാറുന്നുണ്ടെന്ന് വീഡിയോയിലൂടെ വ്യക്തമാണ്. എന്നാല്‍ എന്താണിതെന്നത് വീഡിയോയില്‍ വ്യക്തമല്ല. ജഡേജക്ക് സിറാജ് കൈമാറിയത് വേദന മാറാനുള്ള ബാം ആണെന്നും അത് ജഡേജ വിരലിനുള്ളില്‍ തേക്കുകയായിരുന്നുവെന്നുമാണ് ആരാധകര്‍ പറയുന്നത്.

സ്പിന്നര്‍മാര്‍ക്ക് കൂടുതല്‍ വിരലുകളില്‍ ശക്തി നല്‍കേണ്ടി വരും. ഇത് പരിക്കേല്‍ക്കാനുള്ള സാധ്യത ഉയര്‍ത്തും. പരിക്കിന് ശേഷം തിരിച്ചെത്തിയ ജഡേജക്ക് വേദനിച്ചപ്പോള്‍ അത് മാറാനുള്ള ബാമാണ് സിറാജ് നല്‍കിയതെന്നാണ് വിക്രാന്ത് ഗുപ്തയും പറയുന്നത്.

Also Read: IND vs AUS: ആദ്യ ദിനം റെക്കോഡുകളുടെ പെരുമഴ! അഞ്ച് വമ്പന്‍ നേട്ടങ്ങള്‍- അറിയാം

സ്മിത്തിനും വാര്‍ണറിനും പരിഹാസം

നേരത്തെ ദക്ഷിണാഫ്രിക്കയ്‌ക്കെതിരേ പന്ത് ചുരണ്ടല്‍ നടത്തിയതിന് വിലക്ക് നേരിട്ട താരങ്ങളാണ് സ്റ്റീവ് സ്മിത്തിനും ഡേവിഡ് വാര്‍ണറും. രണ്ട് പേരും ഇപ്പോഴും ഓസീസ് ടീമിലുണ്ട്. ഇന്ത്യക്കെതിരേ ഓസീസ് മാധ്യമങ്ങള്‍ പന്ത് ചുരണ്ടല്‍ ആരോപണം ഉയര്‍ത്തുമ്പോള്‍ സ്മിത്തിനേയും വാര്‍ണറെയും വിമര്‍ശിച്ചാണ് ഇന്ത്യ തിരിച്ചടിക്കുന്നത്.

വീഡിയോയില്‍ എന്താണ് സംഭവിക്കുന്നതെന്ന് വ്യക്തമാവുന്നില്ലെങ്കില്‍ വാര്‍ണറോടും സ്മിത്തിനോടും ചോദിക്കൂവെന്നും ഇരുവരും അത് വ്യക്തമാക്കിത്തരുമെന്നും എങ്ങനെ പന്ത് ചുരണ്ടണമെന്ന് അവര്‍ക്ക് നന്നായി അറിയാമെന്നും ഇന്ത്യന്‍ ഫാന്‍സ് പരിഹസിക്കുന്നു.

പന്തില്‍ കൃത്രിമം കാട്ടിയും കള്ളത്തരം കാട്ടിയും ജയിക്കേണ്ട ആവിശ്യം ഇന്ത്യക്കില്ലെന്നും ഓസീസ് ടീമിനെപ്പോലെ കള്ളന്മാരല്ല ഇന്ത്യക്കാരെന്നും ആരാധകര്‍ പറയുന്നു. എന്തെങ്കിലും കേള്‍ക്കുമ്പോഴേ ഇന്ത്യയെ വിമര്‍ശിക്കാന്‍ കാത്തുനില്‍ക്കുന്നയാളാണ് മൈക്കല്‍ വോണെന്നും ആരാധകര്‍ പറയുന്നു.

ടിം പെയ്‌നെ ഇന്ത്യ ഓസ്‌ട്രേലിയയിലെത്തി നാണംകെടുത്തിയിട്ടുണ്ടെന്നും അതിന്റെ വിരോധമാണ് സാമൂഹ്യ മാധ്യമങ്ങളിലൂടെ കരഞ്ഞ് തീര്‍ക്കുന്നതെന്നുമെല്ലാം ആരാധകര്‍ പരിഹസിക്കുന്നു. എന്തായാലും മത്സരം പുരോഗമിക്കവെ പ്രചരിക്കുന്ന വീഡിയോ കൂടുതല്‍ ചര്‍ച്ചയാവുമെന്നുറപ്പ്.