Click it and Unblock the Notifications
തോളിന് പരിക്കേറ്റിരുന്നു
2011ലെ ഐസിസി ഏകദിന ലോകകപ്പിനു മുമ്പ് തോളിലെ പരിക്കു കാരണം താന് വലഞ്ഞിരുന്നതായി വീരേന്ദര് സെവാഗ് പറയുന്നു. തോളിലെ പ്രശ്നങ്ങളെ തുടര്ന്നു ഞാന് അന്നു സ്കാനിങിനു വിധേയനായിരുന്നു. ചെറിയൊരു പൊട്ടലുള്ളതായി വ്യക്തമായതിനെ തുടര്ന്നു ഡോക്ടര്മാര് ശസ്ത്രക്രിയക്കു നിര്ദേശിക്കുകയായിരുന്നു.
ശസ്ത്രക്രിയ നടത്തിയില്ലെങ്കില് എനിക്കു മുന്നോട്ടു പോവാനും സാധിക്കില്ലായിരുന്നു. ഇക്കാര്യം ഞാന് ഉടന് തന്നെ ഇന്ത്യന് ഗാരി കേസ്റ്റണിനെയും ബിസിസിഐയെയും അറിയിക്കുകയും ചെയ്തു. 2010 ഡിസംബറിലായിരുന്നു ഇതെന്നും വീരേന്ദര് സെവാഗ് പറയുന്നു.
ശസ്ത്രക്രിയ വേണ്ടെന്നു നിര്ദേശിച്ചു
ലോകകപ്പിനുള്ള ഇന്ത്യന് ടീമില് എന്നെ ഉള്പ്പെടുത്തണമോ, വേണ്ടോ എന്ന തീരുമാനിക്കേണ്ടത് ഗാരി കേസ്റ്റണും ബിസിസിഐയുമാണ്. കാരണം ഡിസംബറില് ഞാന് ശസ്ത്രക്രിയക്കു വിധേയനായാല് ലോകകപ്പിനു മുമ്പ് എനിക്കു ഫിറ്റ്നസ് വീണ്ടടുക്കാന് കഴിയില്ല.
ശസ്ത്രക്രിയ ഇപ്പോള് വേണ്ടെന്നായിരുന്നു ബിസിസിഐയും കേസ്റ്റണും എനിക്കു നല്കിയ ഉപദേശം. ലോകകപ്പിനു ശേഷം ശസ്ത്രക്രിയ നടത്താമെന്നും അതു വരെ നിങ്ങള് ഞങ്ങള് ഇന്ത്യക്കു വേണ്ടി കളിപ്പിക്കാമെന്നും അവര് അറിയിക്കുകയായിരുന്നുവെന്നും വീരേന്ദര് സെവാഗ് വെളിപ്പെടുത്തിയിരുന്നു.
ടെസ്റ്റില് മാത്രം കളിച്ചു
ബിസിസിഐയുടെയും ഗാരി കേസ്റ്റണിന്റെയും നിര്ദേശം പരിഗണിച്ച് ഞാന് ശസ്ത്രക്രിയ നീട്ടി വയുകയായിരുന്നു. ഇതിനിടെ ഇന്ത്യക്കു വേണ്ടി ടെസ്റ്റ് മല്സരങ്ങളില് കളിക്കുകയും ചെയ്തു. പക്ഷെ ലോകകപ്പ് വരെ ഏകദിന മല്സരങ്ങളില് നിന്നും ഞാന് വിട്ടുനില്ക്കുകയായിരുന്നു. കൂടുതല് പരിക്കുകളേല്ക്കുന്നതിനു തടയുന്നതിനു വേണ്ടിയായിരുന്നു ഇത്.
മല്സരങ്ങളില് കളിക്കാതിരുന്ന സമയങ്ങളില് തോളിലെ വേദന മാറ്റിയെടുക്കാനുള്ള ശ്രമങ്ങള് ഞാന് തുടരുകയും ചെയ്തു. ഇഞ്ചക്ഷന് എടുക്കുന്നതിനായി ജര്മനിയിലും അന്നു ഞാന് പോയിരുന്നു. ഇക്കാര്യം എല്ലാവര്ക്കും അറിയാവുന്നതാണെന്നും വീരേന്ദര് സെവാഗ് തുറന്നു പറഞ്ഞിരുന്നു.
Continue with Google