രോഹിത്, ധവാന്‍, രാഹുല്‍, മറികടക്കേണ്ടത് വമ്പന്മാരെ, പോരാട്ടം തുറന്ന് പറഞ്ഞ് ഗില്‍

മത്സരം കടുപ്പം

ഇപ്പോഴിതാ 2023ലെ ഏകദിന ലോകകപ്പില്‍ ഓപ്പണിങ് സ്ഥാനത്തിനായുള്ള ശക്തമായ പോരാട്ടത്തെക്കുറിച്ച് തുറന്ന് പറഞ്ഞിരിക്കുകയാണ് ഇന്ത്യയുടെ യുവ ഓപ്പണര്‍ ശുബ്മാന്‍ ഗില്‍. 'ഏകദിന ലോകകപ്പിലെ സ്ഥാനത്തെക്കുറിച്ച് ചിന്തിച്ച് യാതൊരു സമ്മര്‍ദ്ദവുമില്ല. ഈ സാഹചര്യത്തില്‍ കളിച്ച് അനുഭവസമ്പത്തുണ്ട്. അതുകൊണ്ട് തന്നെ സമ്മര്‍ദ്ദമില്ല.

കഴിയുന്നത്ര മികച്ച പ്രകടനം നടത്താനാണ് ശ്രമിക്കുന്നത്. ഇന്ത്യയിലാണ് ലോകകപ്പെന്നത് കൂടുതല്‍ കൗതുകമാവുന്നു. ഇന്ത്യയുടെ ബാറ്റിങ് നിരയില്‍ നിരവധി പ്രതിഭകളുണ്ട്. ഒന്നിലധികം താരങ്ങള്‍ ഓരോ പൊസിഷനിലേക്കുമുള്ളതിനാല്‍ സെലക്ടര്‍മാര്‍ക്ക് തീരുമാനം പ്രയാസമാവും. യുവതാരങ്ങള്‍ക്കുള്ള മികച്ച അവസരമാണ് ദക്ഷിണാഫ്രിക്കന്‍ പരമ്പര. എല്ലാവരും പ്രതീക്ഷയോടെയാണ് മുന്നോട്ട് പോകുന്നത്'-ഗില്‍ പറഞ്ഞു.

Also Read : T20 World Cup : 'ഇന്ത്യയെ രക്ഷിക്കാന്‍ അവനേ സാധിക്കൂ', ടീമില്‍ വേണം, നിര്‍ദേശിച്ച് ജാഫര്‍

ധവാന് മുഖ്യ പരിഗണന

ഏകദിനത്തില്‍ രോഹിത്തിനൊപ്പം മുഖ്യ പരിഗണന ധവാന് തന്നെയാണ്. രാഹുലിന് അടുത്ത അവസരം ലഭിക്കുമ്പോള്‍ ഗില്ലിന് കാര്യങ്ങള്‍ എളുപ്പമല്ല. എന്നാല്‍ സമീപകാലത്ത് ലഭിച്ച അവസരങ്ങളെല്ലാം ഗില്‍ മുതലാക്കിയിട്ടുണ്ട്. ആറ് ഇന്നിങ്‌സില്‍ ഇന്ത്യക്കായി ഏകദിനത്തില്‍ ഓപ്പണ്‍ ചെയ്ത് 143.50 ശരാശരിയില്‍ 287 റണ്‍സാണ് അദ്ദേഹം നേടിയത്. ധവാനും ഏകദിന ലോകകപ്പ് മുന്നില്‍ക്കണ്ടാണ് മുന്നോട്ട് പോകുന്നത്.

Also Read : T20 World Cup 2022: ഇംഗ്ലണ്ടല്ല, ഫേവറേറ്റുകള്‍ ആ രണ്ട് ടീമുകള്‍, തിരഞ്ഞെടുത്ത് മോയിന്‍ അലി

ഭാവി സൂപ്പര്‍ താരം

ഇത്തവണത്തെ ടി20 ലോകകപ്പിലെ ഇന്ത്യയുടെ പ്രകടനം നിര്‍ണ്ണായകമാവും. ടീം മോശം പ്രകടനം കാഴ്ചവെച്ചാല്‍ വലിയ അഴിച്ചുപണി ഉണ്ടായേക്കും. ഫോം പരിഗണിച്ചാല്‍ ഗില്ലിന് വേണ്ടി സീനിയേഴ്‌സിന് വഴിമാറിക്കൊടുക്കേണ്ടി വരും. വിരാട് കോലിക്ക് ശേഷം ആ സ്ഥാനത്തേക്ക് മുഖ്യ പരിഗണന ലഭിക്കുന്നത് ഗില്ലിനാവും. കോലിയെപ്പോലെ തന്നെ നിലയുറപ്പിച്ച് വലിയ പ്രകടനം നടത്തുന്ന താരമാണ് ഗില്‍. മാച്ച് വിന്നറായി മാറാന്‍ കെല്‍പ്പുള്ള ഗ്ലില്‍ ക്ലാസിക് താരമാണ്. ഭാവിയിലെ സൂപ്പര്‍ താരങ്ങളിലൊരാളാണ് ഗില്ലെന്നതില്‍ തര്‍ക്കമില്ല.