Click it and Unblock the Notifications
ധോണിയെ എങ്ങനെ കുടുക്കി
സിഎസ്കെ നായകനായ എംഎസ് ധോണി ബാറ്റ് ചെയ്യാനിറങ്ങുമ്പോള് പൂട്ടാന് കെകെആര് നായകന് ഗൗതം ഗംഭീര് പ്രയോഗിച്ചിരുന്ന തന്ത്രം സമ്മര്ദ്ദമായിരുന്നുവെന്നാണ് ഉത്തപ്പ പറയുന്നത്. 'ഈ ചോദ്യം ഗംഭീറിനോട് ചോദിക്കുന്നതാണ് കൂടുതല് നല്ലത്. ആ സമയത്ത് ഞാന് കെകെആറിന്റെ വിക്കറ്റ് കീപ്പറായിരുന്നു. എന്നാല് ഗംഭീര് പ്രയോഗിച്ചിരുന്ന തന്ത്രമായി കരുതുന്നത് അധിക സമ്മര്ദ്ദമാണ്. ധോണി ബാറ്റ് ചെയ്യാന് ക്രീസിലേക്കെത്തുമ്പോള് വലിയ ഷോട്ട് കളിക്കാന് നിര്ബദ്ധിപ്പിക്കുന്ന അവസ്ഥയിലേക്കെത്തിക്കും. അത് ഒരു 50-50 സാധ്യതയാണ്. മികച്ച രീതിയില് ഫീല്ഡ് വിന്യസിച്ച് ക്യാച്ചിലേക്കെത്തിക്കാന് ശ്രമിക്കും'- ഉത്തപ്പ പറഞ്ഞു.
Also Read : IND vs NZ: പൃഥ്വിയെ വീണ്ടും തഴഞ്ഞു!, എന്തിന് ഇത്ര ശത്രുത?, ആരാധകര് കട്ടകലിപ്പില്
ഗംഭീറിന്റെ മാസ്റ്റര്പ്ലാന്
ധോണിക്കെതിരേ ഒരു തവണ ഗംഭീര് ഇറക്കിയ തന്ത്രം എല്ലാവരെയും അത്ഭുതപ്പെടുത്തുന്നതായിരുന്നു. ധോണിക്ക് തുടക്കത്തിലേ സ്പിന്നിനെ നേരിടാന് അല്പ്പം പ്രയാസമുണ്ട്. 2015, 2016 സീസണുകളില് സുനില് നരെയ്നെ തുടക്കത്തിലെ ധോണിക്കെതിരേ കളത്തിലിറക്കിയാണ് ഗംഭീര് ധോണിയെ പൂട്ടാന് ശ്രമിച്ചത്. രണ്ട് സ്ലിപ്പ്, ഷോര്ട്ട് ലെഗില് ക്ലോസ് ഇന് ഫീല്ഡര്മാരായി രണ്ട് പേര്. നരെയ്നോ പീയൂഷ് ചൗളയോ പന്തെറിയുമ്പോള് ഏത് വലിയ ബാറ്റ്സ്മാനും പതറും. ഒരു ഷോട്ട് പിഴച്ചാല് വിക്കറ്റ് നഷ്ടമാവുന്ന തന്ത്രമായിരുന്നു ഇത്. എന്നാല് ധോണി ഇതിനെ അതിജീവിച്ചു.
ചൗളയെ ഗംഭീര് വിശ്വസിച്ചിരുന്നു
ധോണി ക്രീസിലേക്കെത്തുമ്പോള് പീയൂഷ് ചൗളയെ ഗംഭീര് കളത്തിലിറക്കിയിരുന്നു. ഐപിഎല്ലില് മികച്ച റെക്കോഡുള്ള ലെഗ് സ്പിന്നര്മാരിലൊരാളാണ് ചൗള. വളരെ കൃത്യതയുള്ള ബൗളര്മാരിലൊരാളാണ് ചൗള. ധോണി ക്രീസിലേക്കെത്തിയ ശേഷമുള്ള ആദ്യത്തെ കുറച്ച് പന്തുകള് നേരിടുന്നതില് പ്രയാസപ്പെടുമെന്നത് എല്ലാവര്ക്കും അറിയാവുന്നതാണ്. ചൗളയെ ഉപയോഗിച്ച് ഇതിനെ മുതലെടുക്കാനാണ് ഗംഭീര് ശ്രമിച്ചിരുന്നത്- ഉത്തപ്പ കൂട്ടിച്ചേര്ത്തു.
ഇന്ത്യയുടെ നായകനെന്ന നിലയില് വലിയ കരിയര് സൃഷ്ടിക്കാന് ഗംഭീറിനായിരുന്നില്ല. എന്നാല് കെകെആറിന്റെ നായകനെന്ന നിലയില് മികച്ച റെക്കോഡ് ഗംഭീറിന് അവകാശപ്പെടാം. കെകെആറിനെ രണ്ട് തവണ കിരീടം ചൂടിച്ച നായകനാണ് ഗംഭീര്. അതിന് ശേഷമോ മുമ്പോ മറ്റാര്ക്കും കെകെആറിനെ കിരീടത്തിലേക്കെത്തിക്കാനായിട്ടില്ലെന്ന് പറയാം.
Continue with Google