സച്ചിനു ശേഷം ആവേശം കൊള്ളിച്ചത് ഉമ്രാനെന്ന് ഗവാസ്‌കര്‍! കോലിയെ കണ്ടില്ലേയെന്നു ഫാന്‍സ്

മറ്റുള്ളവരുടെ സംഭാവനകള്‍ വിസ്മരിച്ചു

സച്ചിന്‍ ടെണ്ടുര്‍ക്കറിനു ശേഷം ഇന്ത്യന്‍ ക്രിക്കറ്റിനെ മികച്ച രീതിയില്‍ മുന്നോട്ടു നയിച്ചിട്ടുള്ള
മഹാന്‍മാരായ താരങ്ങളുടെ സംഭാവനകളെ വിസ്മരിച്ചകൊണ്ടുള്ള സുനില്‍ ഗവാസ്‌കറുടെ അഭിപ്രായം അംഗീകരിക്കാനാവില്ലെന്നാണ് പലരുടെയും അഭിപ്രായം.
കരയിയറില്‍ വെറും തുടക്കക്കാരന്‍ മാത്രമായ ഉമ്രാന്‍ മാലിക്കിനെക്കുറിച്ച് ഈ തരത്തില്‍ പരാമര്‍ശനം നടത്തിയത് കൂടിപ്പോയെന്നും പലരും ചൂണ്ടിക്കാട്ടുന്നു. നിങ്ങള്‍ മദ്യിപിച്ചിട്ടുണ്ടോയെന്നു പോലും ചലര്‍ ഗവാസ്‌കറിനോടു സോഷ്യല്‍ മീഡിയയിലൂടെ ചോദിക്കുന്നു.

പക്വതയില്ലാത്ത പ്രസ്താവനം

ഒരു ഇതിഹാസ താരത്തില്‍ നിന്നും ഉണ്ടാവാന്‍ പാടില്ലാത്ത ഒട്ടും പക്വതയില്ലാത്ത പ്രസ്താവനയാണ് ഇതെന്നായിരുന്നു ഒരു യൂസര്‍ ട്വീറ്റ് ചെയ്തത്.
ഇതു കുറച്ച് കൂടിപ്പോയില്ലേയെന്നായിരുന്നു മറ്റൊരു യൂസര്‍ കുറിച്ചത്.
നിങ്ങള്‍ മയക്കുമരുന്ന് അടിച്ചുണ്ടോയെന്നായിരുന്നു മറ്റൊരു യൂസറുടെ പ്രതികരണം.

Also Read:IND vs BAN: ഈ പദ്ധതികള്‍ പോരാ! ദ്രാവിഡ് വൈകാതെ പുറത്താകും, മുന്നറിയിപ്പുമായി കനേരിയ

ആദ്യം വിമര്‍ശിക്കും

ഉമ്രാന്‍ മാലിക്ക് ഇന്ത്യക്കു വേണ്ടി ഇനി നന്നായി പെര്‍ഫോം ചെയ്തില്ലെങ്കില്‍ ആദ്യം വിമര്‍ശനവുമായെത്തുക സുനില്‍ ഗവാസ്‌കറായിരിക്കും. അവനെ പുറത്തിരുത്തണമെന്നും അദ്ദേഹം ആവശ്യപ്പെടുന്നത് നമുക്കു കാണാമെന്നും ഒരു യൂസര്‍ കുറിച്ചു.
വിരാട് കോലിയുടെ പ്രകടനം കണ്ടപ്പോള്‍ ആവേശമൊന്നും തോന്നിയില്ലേ? എന്നായിരുന്നു സുനില്‍ ഗവാസ്‌കറോടു ഒരു യൂസര്‍ ചോദിച്ചത്.

Also Read:IND vs BAN: ദ്രാവിഡ് കോച്ചായി, അഞ്ച് കാര്യങ്ങളില്‍ ഇന്ത്യ പിന്നോട്ട് പോയി! എന്താണെന്ന് അറിയാം

ഉമ്രാന്റെ പ്രകടനം

ഐപിഎല്ലിന്റെ 2021ലെ സീസണില്‍ അവസാന ഘട്ടത്തിലായിരുന്നു ഉമ്രാന്‍ മാലിക്ക് വരവറിയിച്ചത്. സണ്‍റൈസേഴ്‌സ് ഹൈദരാബാദിനു വേണ്ടി 150 പ്ലസ് വേഗതയില്‍ ബൗള്‍ ചെയ്ത ജമ്മു കാശ്മീര്‍ പേസര്‍ അന്നു തന്നെ എല്ലാവരുടെയും കണ്ണിലുടക്കി. സുനില്‍ ഗവാസ്‌കര്‍ അന്നും ഉമ്രാനെ പ്രശംസിച്ചിരുന്നു.
ഈ വര്‍ഷമാണ് 23 കാരനായ പേസര്‍ ഇന്ത്യക്കായി അരങ്ങേറിയത്. നാലു ഏകദിനങ്ങളില്‍ നിന്നും 6.2 ഇക്കോണമിയില്‍ അഞ്ചു വിക്കറ്റുകള്‍ ഉമ്രാന്‍ നേടിയിട്ടുണ്ട്. മൂന്നു ടി20കളില്‍ നിന്നും രണ്ടു വിക്കറ്റുകളും അദ്ദേഹത്തിനു ലഭിച്ചു.