Click it and Unblock the Notifications
ഗംഭീര് പറഞ്ഞത് ഇതാണ്
എബി ഡിവില്ലിയേഴ്സ് ചിന്നസ്വാമി സ്റ്റേഡിയം പോലെയുള്ള ചെറിയ മൈതാനത്ത് 8-10 വര്ഷം കളിച്ചാണ് മികച്ച നേട്ടം സ്വന്തമാക്കിയത്. ഈ മൈതാനത്ത് ആര്ക്കും എബിഡിയുടെ സ്ട്രൈക്കറേറ്റിലും മികവിലും കളിക്കാന് സാധിക്കും. സുരേഷ് റെയ്നക്ക് നാല് ഐപിഎല് കിരീടങ്ങളാണുള്ളത്. എന്നാല് എബി ഡിവില്ലിയേഴ്സ് വ്യക്തിഗത റെക്കോഡുകള് മാത്രമാണ് ലക്ഷ്യമിട്ടത്- ഗംഭീര് പഞ്ഞു.
ദക്ഷിണാഫ്രിക്കന് താരമാണെങ്കിലും ഇന്ത്യയില് വലിയ ആരാധകരുള്ള താരമാണ് എബിഡി. അതിവേഗത്തില് റണ്സുയര്ത്താന് മിടുക്കനായ ഡിവില്ലിയേഴ്സ് എല്ലാ മൈതാനത്തും ഒരുപോലെ മികവ് കാട്ടിയിട്ടുള്ള താരമാണ്. അന്താരാഷ്ട്ര ക്രിക്കറ്റിലെ വേഗ ഏകദിന സെഞ്ച്വറി എബിഡിയുടെ പേരിലാണ്.
Also Read: യുവരാജ് ട്രിപ്പിളടിച്ചു, ധോണിക്ക് ലോകകപ്പ് ടീമിലെ സ്ഥാനം നഷ്ടമായി! ഈ സംഭവം അറിയാമോ?
അസൂയക്ക് മരുന്നില്ലെന്ന് ആരാധകര്
ഗൗതം ഗംഭീറിന്റെ അസൂയക്ക് കുറവില്ലെന്നാണ് ആരാധകര് പറയുന്നത്. ചിന്നസ്വാമിയിലെ ഗംഭീറിന്റെ സ്ട്രൈക്കറേറ്റ് 130ന് താഴെയാണ് മറന്നുപോയോയെന്നാണ് ആരാധകര് പരിഹസിക്കുന്നത്. ഡിവില്ലിയേഴ്സിന്റെ വമ്പന് നേട്ടങ്ങള് കണ്ട് ഗംഭീറിന് അസൂയയാണെന്നും ഇതിന് മരുന്നില്ലെന്നും ആരാധകര് പ്രതികരിക്കുന്നു.
ചിന്നസ്വാമിയില് 11 ഇന്നിങ്സാണ് ഗംഭീര് ഓപ്പണറായി ഇറങ്ങിയത്. 30.2 ശരാശരിയും 126.4 സ്ട്രൈക്കറേറ്റുമാണ് ഗംഭീറിനുള്ളത്. എബി ഡിവില്ലിയേഴ്സ് ചിന്നസ്വാമിയില് 61 ഇന്നിങ്സാണ് കളിച്ചത്. 43.56 ശരാശരിയിലും 161.2 സ്ട്രൈക്കറേറ്റിലുമായിരുന്നു അദ്ദേഹത്തിന്റെ പ്രകടനം.
ഗംഭീര് കണക്കുകള് നോക്കാതെ സംസാരിക്കുന്നു
ഗൗതം ഗംഭീര് കണക്കുകള് നോക്കി സംസാരിക്കാന് ശ്രമിക്കണമെന്നാണ് ആരാധകര് പറയുന്നത്. സുരേഷ് റെയ്നയെക്കാളും ഒരുപടി മുന്നില്ത്തന്നെയാണ് ഡിവില്ലിയേഴ്സ്. കപ്പടിച്ചത് മാത്രമല്ല കാര്യമെന്നും ഇന്ത്യക്കാരനായ ഗംഭീറിനെക്കാള് ആരാധകര് ഇന്ത്യയില് ഡിവില്ലിയേഴ്സിനുണ്ടെന്നാണ് ആരാധകര് പറയുന്നത്.
ആര്സിബിയേയും കോലിയേയും താഴ്ത്തിക്കെട്ടാനുള്ള അവസരമായാണ് ഗംഭീര് ഇത്തരം അവസരങ്ങളെ കാണുന്നതെന്നും ആരാധകര് കുറ്റപ്പെടുത്തുന്നു. ഗംഭീര് തന്റെ വിലകളയുകയാണെന്നും ആരാധകര് വിമര്ശിക്കുന്നു. ധോണിയേയും കോലിയേയും അംഗീകരിക്കാത്ത ഗംഭീര് എങ്ങനെയാണ് ഡിവില്ലിയേഴ്സിനെ അംഗീകരിക്കുകയെന്നാണ് ആരാധകര് ചോദിക്കുന്നത്.
Also Read: ഡെക്കായി തുടങ്ങി! പിന്നീട് ഇന്ത്യയുടെ സൂപ്പര് താരങ്ങളായി- ആരൊക്കെയെന്ന് അറിയാമോ?
ഗംഭീറിനെ അനുകൂലിക്കുന്നവരുമുണ്ട്
ഗംഭീറിന്റെ നിലപാടുകളെ അംഗീകരിച്ചും ചില ആരാധകര് പ്രതികരിച്ചിട്ടുണ്ട്. ബംഗളൂരുവിലെ ചിന്ന സ്വാമിയില് കൂടുതല് കളിച്ചവര്ക്കെല്ലാം മികച്ച സ്കോര് നേടാനായിട്ടുണ്ട്. അവിടുത്തെ മൈതാനത്തിന്റെ വലിപ്പക്കുറവാണ് അതിന് കാരണം.
അതുകൊണ്ട് തന്നെ എബിഡിയുടെ ബംഗളൂരുവിലെ പ്രകടനം മറ്റ് താരങ്ങളുടേതുമായി താരതമ്യം ചെയ്യരുതെന്നാണ് ഇവര് പറയുന്നത്. എന്തായാലും അന്താരാഷ്ട്ര ക്രിക്കറ്റിലും ഐപിഎല്ലിലും ഒരുപോലെ മികവ് കാട്ടിയിട്ടുള്ള എബിഡി എന്നും ആരാധകരുടെ ഇഷ്ട താരമായിരിക്കുമെന്നുറപ്പ്.
Continue with Google