ASIA CUP: 'ഐ ലവ് ഇന്ത്യ', ഇന്ത്യന്‍ ആരാധികയെ കണ്ട് ഹസന്‍ അലി, വീഡിയോ വൈറല്‍

ഐ ലവ് ഇന്ത്യ എന്നാണ് ഹസന്‍ അലി ആ പെണ്‍കുട്ടിയോട് പറഞ്ഞത്. ഇതിന്റെ വീഡിയോ സാമൂഹ്യ മാധ്യമങ്ങളില്‍ വൈറലാണ്. നേരത്തെ പല തവണ ഇന്ത്യയെ വെല്ലുവിളിച്ചിട്ടുള്ള താരമാണ് ഹസന്‍ അലി. അതുകൊണ്ട് തന്നെ അദ്ദേഹം ഇന്ത്യയെ സ്‌നേഹിക്കുന്നുവെന്ന് പറയുന്നതിനെതിരേ രസകരമായ പല ട്രോളുകളും ഉയരുന്നുണ്ട്.

ഇന്ത്യ അവസാനമായി ഹോങ്കോങ്ങിനെതിരേ കളിച്ച പ്ലേയിങ് 11 അറിയാമോ?, അഞ്ച് പേര്‍ പുറത്ത്

ഇന്ത്യയില്‍ നിന്നൊരു വനിതാ ആരാധിക കാത്ത് നില്‍ക്കുന്നുണ്ടെന്ന് പറഞ്ഞപ്പോള്‍ ഓട്ട പരിശീലനത്തിനിടെ ഹസന്‍ അലി അവിടെ നില്‍ക്കുകയും 'ഇന്ത്യയെ ഞാന്‍ സ്‌നേഹിക്കുന്നു' എന്ന് പറയുകയും ചെയ്യുകയായിരുന്നു. വനിതാ ആരാധികയുടെയും കൂടെയുള്ളവരുടെയും അഭ്യര്‍ത്ഥന പ്രകാരം ഹസന്‍ അലി സെല്‍ഫിക്കും പോസ് ചെയ്തു. ഹസന്‍ അലിക്ക് ഇന്ത്യയില്‍ ആരാധകരുണ്ടെന്നും ആ പെണ്‍കുട്ടി പറഞ്ഞപ്പോള്‍ ചിരിക്കുകയാണ് പാക് പേസര്‍ ചെയ്തത്.

IND vs AUS: ടീം പ്രഖ്യാപനം അടുത്ത ആഴ്ച, സഞ്ജുവെത്തും!, സാധ്യതാ ടീമിനെ അറിയാം

മാധ്യമപ്രവര്‍ത്തകരാണ് ആ പെണ്‍കുട്ടിയും കൂടെയുണ്ടായിരുന്നവരും. രാത്രിയിലുള്ള പാകിസ്താന്റെ പരിശീലനം കാണാന്‍ അപ്രതീക്ഷിതമായി അവസരം ലഭിക്കുകയായിരുന്നു. ഹസന്‍ അലി മത്സരത്തിന് മുമ്പ് ഇന്ത്യന്‍ താരങ്ങളെ പ്രകോപിപ്പിക്കാന്‍ ശ്രമിക്കാറുണ്ടെങ്കിലും ഇന്ത്യയുമായി അടുത്ത ബന്ധം അദ്ദേഹത്തിനുണ്ട്. ഹസന്‍ അലിയുടെ ഭാര്യ സാമിയ അര്‍സൂ ഇന്ത്യന്‍ വംശജയാണ്.

വലിയ പ്രതീക്ഷ നല്‍കിയ പേസറാണ് ഹസന്‍ അലിയെങ്കിലും സമീപകാലത്തായി മോശം പ്രകടനത്തെത്തുടര്‍ന്ന് ടീമിന് പുറത്താണ്. ഇത്തവണ ഏഷ്യാ കപ്പിലും ഹസന്‍ അലിക്ക് പാക് ടീമില്‍ ഇടമില്ലായിരുന്നു. പരിക്ക് വേട്ടയാടിയതോടെയാണ് ഹസന്‍ അലിയെ ടീമില്‍ ഉള്‍പ്പെടുത്തിയത്. ഇന്ത്യക്കെതിരായ മത്സരത്തില്‍ ഹസന്‍ അലിയെ പരിഗണിച്ചിരുന്നില്ല. അടുത്ത മത്സരത്തിലും ഹസന് അവസരം ലഭിക്കാന്‍ സാധ്യത കുറവാണ്.