Click it and Unblock the Notifications
മറുപടിക്കിറങ്ങിയ ഹോങ്കോങ്ങിനായി യാസിം മുര്ത്താസ (58) ഫിഫ്റ്റി നേടിയപ്പോള് ക്യാപ്റ്റന് നിസാഖത് ഖാന് (39), ബാബര് ഹയാത്ത് (38) എന്നിവര് ഭേദപ്പെട്ട പ്രകടനവും കാഴ്ചവെച്ചു. ഒരോവര് ബാറ്റിനിര്ത്തി ഹോങ്കോങ് വിജയലക്ഷ്യം മറികടന്നു. ഹോങ്കോങ് ഇന്ത്യക്കും പാകിസ്താനും ഒപ്പമായതിനാല് ഒരു ജയമെങ്കിലും നേടുക പ്രയാസം തന്നെയാണെന്ന് പറയാം.
ഗ്രൂപ്പ് എയില് ഇന്ത്യ, പാകിസ്താന്, ഹോങ്കോങ് ഉള്പ്പെടുമ്പോള് ഗ്രൂപ്പ് ബിയില് ശ്രീലങ്ക, ബംഗ്ലാദേശ്, അഫ്ഗാനിസ്ഥാന് എന്നിവരാണുള്ളത്. ശ്രീലങ്കയിലാണ് ഏഷ്യാ കപ്പ് നടക്കേണ്ടിയിരുന്നതെങ്കിലും അവിടുത്തെ ആഭ്യന്തര പ്രശ്നങ്ങളെത്തുടര്ന്ന് ടൂര്ണമെന്റ് യുഎഇയിലേക്ക് മാറ്റുകയായിരുന്നു. 27ന് ശ്രീലങ്ക-അഫ്ഗാനിസ്ഥാന് മത്സരത്തോടെയാണ് ഏഷ്യാ കപ്പ് തുടങ്ങുന്നത്.
ഇന്ത്യ ഏഷ്യാ കപ്പ് 11 vs തഴയപ്പെട്ടവരുടെ 11, രണ്ട് ടീമും ശക്തം, ആരൊക്കെ ഉള്പ്പെടുമെന്നറിയാം
നിലവിലെ ചാമ്പ്യന്മാരെന്ന നിലയില് ഇന്ത്യക്ക് മുന്തൂക്കമുണ്ട്. എന്നാല് പാകിസ്താനെ തോല്പ്പിക്കുക ഇന്ത്യക്ക് എളുപ്പമാവില്ല. ഇന്ത്യ-പാക് പോരാട്ടം കാണാനാണ് ആരാധകര് കാത്തിരിക്കുന്നതെന്നും പറയാം. 28ന് ദുബായില് നടക്കുന്ന മത്സരത്തിന്റെ ടിക്കറ്റുകള് ഇതിനോടകം വിറ്റ് തീര്ന്നിട്ടുണ്ട്. അവസാനമായി നേര്ക്കുനേര് എത്തിയപ്പോള് ഇന്ത്യയെ 10 വിക്കറ്റിനാണ് പാകിസ്താന് തോല്പ്പിച്ചത്. ഇതിന് പകരം വീട്ടാന് കാത്തിരിക്കുകയാണ് ഇന്ത്യ.
Asia Cup 2022: ഇന്ത്യന് ടീം അത്ര കരുത്തരല്ല, മൂന്ന് പ്രധാന വീക്കനസുകള്!, എന്തൊക്കെയെന്നറിയാം
എന്നാല് ബാബര് അസം നയിക്കുന്ന പാക് നിരയെ തോല്പ്പിക്കുക ഇന്ത്യക്ക് കടുപ്പമാവും. ഇന്ത്യന് നിരയില് പേസര്മാരായ ജസ്പ്രീത് ബുംറ, ഹര്ഷല് പട്ടേല് എന്നിവരുടെ അഭാവമുണ്ട്. പാകിസ്താന് നിരയില് സ്റ്റാര് പേസര് ഷഹീന് അഫ്രീദിയില്ല. ശ്രീലങ്കന് നിരയില് അവരുടെ നിര്ണ്ണായക പേസറായ ദുഷ്മന്ത ചമീരയുമില്ല. ഇത്തവണത്തെ ഏഷ്യാ കപ്പില് മൂന്ന് പ്രധാന ടീമുകളുടെയും പ്രധാന പേസറില്ലെന്നതാണ് കൗതുകകരമായ കാര്യം.
അഫ്ഗാനിസ്ഥാനെ അട്ടിമറി വീരന്മാരെന്ന നിലയില് വമ്പന്മാര് ഭയക്കണം. എന്നാല് ഹോങ്കോങ് വലിയ ഭീഷണി ഉയര്ത്താനുള്ള സാധ്യതയില്ല. ഹോങ്കോങ്ങിനെതിരേ വമ്പന് ജയം തന്നെയാവും ഗ്രൂപ്പ് ഘട്ടത്തില് ഇന്ത്യയും പാകിസ്താനും പ്രതീക്ഷിക്കുന്നതെന്ന് പറയാം. ഹോങ്കോങ് അട്ടിമറിച്ച് ഞെട്ടിക്കുമോയെന്നത് കാത്തിരുന്ന് കാണാം.
Continue with Google