Click it and Unblock the Notifications
പാകിസ്താന് ഇന്നിങ്സിലെ ആറാമത്തെ ഓവറിലായിരുന്നു നാടകീയ രംഗങ്ങള്. കളിയില് ആവേശ് ഖാന്റെ ആദ്യത്തെ ഓവര് കൂടിയായിരുന്നു ഇത്. മുഹമ്മദ് റിസ്വാനും ഫഖര് സമാനുമായിരുന്നു ക്രീസില്. ആദ്യ ബോളില് ഫഖര് സിംഗിളെടുത്തു. തൊട്ടടുത്ത ബോള് റിസ്വാന് സിക്സറിലേക്കു പായിച്ചു. ഡീപ്പ് മിഡ് വിക്കറ്റിലൂടെയായിരുന്നു താരത്തിന്റെ വെടിച്ചില്ല് കണക്കെയുള്ള ഷോട്ട്. മൂന്നാമത്തേത് യോര്ക്കറായിരുന്നു. പക്ഷെ മിഡ് വിക്കറ്റിലെ വലിയ ഗ്യാപ്പിലൂടെ റിസ്വാന് അതിവേഗം ബോളിനെ ബൗണ്ടറി കടത്തി.
ആവേശ് ഖാനെ എന്തിനു ടീമിലെടുത്തുവെന്നു ആരാധര് മനസ്സില് ചോദിച്ചുകൊണ്ടിരുന്ന നിമിഷായിരുന്നു അത്. പക്ഷെ പിന്നീട് അവിശ്വസനീയ ടേണിങ് പോയിന്റാണ് കണ്ടത്. നാലാമത്തെ ബോളില് മുഹമ്മദ് റിസ്വാന് സിംഗിള് കണ്ടെത്തി. അഞ്ചാത്തേത് ഓഫ് സ്റ്റംപിന് പുറത്തേക്കു പോയ ഒരു ഷോര്ട്ട് പിച്ച് ബോളായിരുന്നു. നിരുപദ്രവകാരിയെന്നു തോന്നിച്ച പബോള്. പക്ഷെ ഫഖര് അതു ബാക്ക് വേര്ഡ് പോയിന്റിലേക്കു കട്ട് ചെയ്യാന് ശ്രമിച്ചെങ്കിലും കണക്ടായില്ല. ബോള് നേരെ ദിനേശ് കാര്ത്തികിന്റെ ഗ്ലൗസില്.കാര്ത്തികിന്റെ മുഖത്ത് ഭാവമാറ്റമൊന്നുമില്ല. ആവേശും അങ്ങനെ തന്നെ.
Asia Cup 2022: മുന് ചാംപ്യന്മാരടക്കം പുറത്താവും! ഫൈനല് സാധ്യതയുള്ള ടീമുകളെ അറിയാം
പക്ഷെ എല്ലാവരെയും ഞെട്ടിച്ചുകൊണ്ട് ഫഖര് ക്രീസ് വിടുകയായിരുന്നു. ഇന്ത്യന് താരങ്ങളുടെ മുഖത്ത് അപ്പോള് ആശ്ചര്യവും പിന്നാലെ സന്തോഷവും കാണാമായിരുന്നു. ഫഖര് ക്രീസ് വിട്ടപ്പോഴാണ് അംപയര് അത് ഔട്ടാണാണെന്നു വിധിച്ചത്. ബോള് ബാറ്റില് ഉരസിയിരുന്നുവെന്നു ബൗളറോ വിക്കറ്റ് കീപ്പറോ അറിഞ്ഞില്ല. അതിനാല് തന്നെ ആരും അപ്പീല് ചെയ്തതുമില്ല.
Asia Cup 2022: രോഹിത്തോ, ബാബറോ? കൂടുതല് റണ്സെടുക്കുക ആരാവും? പ്രവചിച്ച് മുന് താരം
പക്ഷെ ഫഖറിന്റെ തീരുമാനമായിരുന്നു ശരിയെന്നു പിന്നീട് റീപ്ലേകള് കാണിച്ചുതന്നു. ബോള് ബാറ്റില് ഉരസിയിരുന്നതായി അള്ട്രാ എഡ്ജില് തെളിയുകയായിരുന്നു. ആറു ബോളില് രണ്ടു ബൗണ്ടറികളടക്കം 10 റണ്സാണ് ഫഖര് നേടിയത്.
Continue with Google